Արմինֆո.Պետեկամուտների կոմիտեի նախագահ Էդվարդ Հովհաննիսյանը Հայաստանի տնտեսության վերականգնման նշաններ է տեսնում։ "Դատելով ապրանքաշրջանառության ծավալների վերաբերյալ ՊԵԿ վերլուծական տվյալներից՝ տնտեսությունը վերականգնվում է, քանի որ այդ մասին խոսում են և շրջանառության ծավալները, և հավաքված հարկերը", - ապրիլի 6-ին լրագրողների հետ զրույցում ասել է նա։
Դրա հետ մեկտեղ, երկրի գլխավոր հարկայինը ձեռնպահ է մնացել կանխատեսումներ անել 2021 թվականի արդյունքներով երկնիշ աճ ապահովելու հնարավորության մասին ՝ վկայակոչելով համավարակի շուրջ անորոշությանն առնչվող իրադրությունը:
2021 թվականի պետական բյուջեում տնտեսական աճը նախատեսված է 3,2 տոկոսի չափով, իսկ գնաճը՝ 4 տոկոսի մակարդակում (+1,5 տոկոս): Մեկ շաբաթ առաջ Էդվարդ Հովհաննիսյանը կառավարության նիստում հայտարարեց, որ 2021 թվականի առաջին եռամսյակում ՀՀ պետական բյուջեի եկամուտները գերակատարվել են ավելի քան 20 մլրդ դրամով: Նրա խոսքով ՝ ընթացիկ տարվա հունվար-մարտ ամիսներին ապրանքաշրջանառության ծավալն աճել է ավելի քան 8 տոկոսով, մարտին նախորդ տարվա մարտի համեմատ արձանագրել է ավելի քան 20 տոկոս աճ: Ֆինանսների նախարարի առաջին տեղակալ Կարեն Բրուտյանն, իր հերթին, նշել է, որ ելնելով առկա հանգամանքներից, ֆինանսական գերատեսչությունն ակնկալում է հարկերի հավաքելիության տարեկան պլանի մոտ 40 մլրդ դրամով գերակատարում: "Հաշվի առնելով այս հանգամանքը՝ Ֆինանսների նախարարությունը հանդես կգա առաջարկությամբ ՝ պետական բյուջեում արձանագրված ցուցանիշը 1 մլրդ 440 մլրդ դրամից հասցնել 1 տրլն 480 մլրդ դրամի", - հայտարարել է Բրուտյանը:
RUB | 4.26 | -0.01 |
USD | 393.28 | -1.18 |
EUR | 424.11 | -1.51 |
GBP | 496.04 | -1.61 |
CAD | 290.22 | 0.11 |
JPY | 25.99 | -0.07 |
CNY | 54.47 | -0.10 |
CHF | 436.40 | 0.68 |