Արմինֆո. ՀՀ ֆինանսների նախարար Վահե Հովհաննիսյանն ընդունել է Եվրոպական ներդրումային բանկի (ԵՆԲ) ընդլայնման եւ հարեւանության վարչության տնօրեն Լիոնել Ռափայլին եւ ԵՆԲ Հարավային Կովկասի տարածաշրջանային գրասենյակի ղեկավար Մացիեյ Ցզուրային:
Ողջունելով հյուրերին՝ նախարարն ընդգծել է, որ Եվրոպական ներդրումային բանկը ենթակառուցվածքային ծրագրերի իրականացման կարեւոր գործընկերներից է եւ կարեւորել է մի շարք ուղղություններով ԵՆԲ-ի հետ համագործակցության շարունակականության կարեւորությունը, մասնավորապես՝ էներգետիկայի, կրթության, ճանապարհաշինության եւ աղբահանության ոլորտներում:
Նախարարության հաղորդագրության համաձայն, ԵՆԲ գործընկերները պատրաստակամություն ցուցաբերեցին քննարկելու Լեռնային Ղարաբաղի հայ բնակչության տեղահանման հետեւանքով առաջացած խնդիրների լուծմանն աջակցելու հնարավորությունները:
ԵՆԲ գործընկերներն իրենց հերթին շնորհակալություն են հայտնել արդյունավետ եւ կառուցողական փոխգործակցության համար եւ վերահաստատել, որ ԵՆԲ-ն պատրաստ է հայկական կողմի հետ քննարկել նոր նախագծերի իրականացման շուրջ համագործակցության հեռանկարները:
RUB | 4.20 | -0.01 |
USD | 388.01 | 0.00 |
EUR | 418.24 | 1.13 |
GBP | 486.25 | 1.35 |
CAD | 283.61 | 1.34 |
JPY | 24.91 | -0.06 |
CNY | 53.71 | 0.02 |
CHF | 427.94 | 0.95 |