Հայաստանից սեւ մետաղների արտահանման արգելքը կերկարաձգվի

Արմինֆո. Հայաստանից սեւ մետաղների արտահանման արգելքը կերկարաձգվի ։ ՀՀ Ազգային ժողովը հուլիսի 2-ի արտահերթ նիստում առաջին ընթերցմամբ փոփոխություններ է կատարել "Պետական տուրքի մասին" օրենքում:

ՀՀ էկոնոմիկայի նախարար Գևորգ Պապոյանի ասելով՝ վերջին շրջանում երկրում նկատվում է արտադրության մետալուրգիական ճյուղի ձեռնարկությունների զգալի աճ: Ինչպես սպասվում է, ընթացիկ տարում արդեն գործող ձեռնարկություններին կավելանան ևս 1-2-ը։ Այդ ձեռնարկություններին հումքի անհրաժեշտ ծավալներով ապահովելու համար կառավարությունը պարբերաբար փոփոխություններ է կատարում "Պետական տուրքի մասին" օրենքում, ինչը թույլ է տալիս պահպանել առկա սեւ մետաղների պաշարները:

Բացի այդ, օրինագծի հիմնական նպատակներն են շուկայում ճյուղային արտադրանքի հավասար մրցակցության ապահովումը, ավելի երկար արտադրական շղթաների իրացումը, ավելի բարձր ավելացված արժեք ունեցող տեղական արտադրանքի զարգացման խթանումը:

Նախարարի խոսքով ՝ օրինագծի ընդունումը թույլ կտա խթանել հանրապետությունում արդյունաբերության գերակա ճյուղ համարվող ծանր արդյունաբերության ոլորտում ռազմավարական նշանակություն ունեցող արտադրանք հանդիսացող սև մետաղների վերամշակումը, արտադրական հզորությունների ընդլայնման հաշվին ստեղծել նոր աշխատատեղեր, ինչպես նաև ապահովել ճյուղային արտադրանքի համար շուկայում հավասար մրցակցային պայմաններ:

Ակնկալվում է, որ օրինագծի ընդունմամբ պետական բյուջեի տարեկան եկամուտները կավելանան 6 մլրդ դրամով։