Արմինֆո. Կառավարությունում քննարկումներ են ընթանում նվազագույն աշխատավարձի բարձրացման հնարավորության շուրջ: Այդ մասին սեպտեմբերի 18-ին ճեպազրույցում լրագրողներին ասել է կառավարող "Քաղաքացիական պայմանագիր" կուսակցությունից ԱԺ պատգամավոր Էդուարդ Աղաջանյանը:
Ընդ որում, նա նշել է, որ քննարկումներ են ընթանում նաեւ մասնավոր հատվածի հետ, քանի որ, ինչպես ընդգծել է պատգամավորը, աշխատաշուկան ինքնուրույն է կարգավորում նման հարցերը:
Աղաջանյանը դժվարացել է պատասխանել հարցին, թե արդյոք հնարավոր է նվազագույն աշխատավարձի բարձրացում 2027 թվականի հունվարի 1-ից՝ ինչպես պետական ապարատում:
Ընդ որում, պատգամավորը հաղորդել է, որ աշխատավարձերի հաշվարկման համար կառավարությունում կներդրվի KPI (Key Performance Indicator) համակարգը - արդյունավետության հիմնական ցուցանիշ), որը թույլ է տալիս գնահատել այս կամ այն պաշտոնյայի արդյունավետությունը: Պատգամավորների դեպքում նման ստանդարտ ներդնել, ինչպես նա նշել է, հնարավոր չէ։ "Խորհրդարանականի աշխատանքի արդյունավետությունը պետք է գնահատի քաղաքացին՝ հաջորդ խորհրդարանական ընտրությունների ժամանակ, որոշելով, մանդատ տալ, թե՝ ոչ", - ասել է Աղաջանյանը:
Հիշեցնենք, որ 2023թ. սեպտեմբերից նվազագույն աշխատավարձը (նվազագույն աշխատավարձի չափը) 68 հազար դրամից բարձրացվել է մինչեւ 75 հազար դրամ։
