Արմինֆո.  ՀՀ բարձր տեխնոլոգիական արդյունաբերության նախարար Մխիթար Հայրապետյանը մայիսի 23-ին ընդունել է ամպային հաշվողականության համաշխարհային առաջատար Amazon Web Services (AWS) ընկերության փոխնախագահ և ամպային տեխնոլոգիաների գլխավոր պատասխանատու Ջեֆֆ Բարրի գլխավորած պատվիրակությանը։

Արմինֆո.  Հայաստանի արտարժույթի միջբանկային շուկայում 2025թ. մայիսի 19-23-ը դոլարային գործարքները շարունակել են աճել, ինչին զուգընթաց սկսել են աճել են ռուբլով գործարքները ։ Եվրոյով գործարքներ արդեն երկու ամսից ավելի չեն իրականացվում։ Մասնավորապես, ռուբլով գործարքների շաբաթական միտումը  30,4% անկումից հասել է 75% աճի, իսկ դոլարային գործարքների աճը դանդաղել է՝ 62%-ից մինչև 12%։ Արդյունքում՝ ռուբլով գործարքների նկատմամբ դոլարային գործարքների ընդհանուր շաբաթական ծավալի գերակայությունը մեկ շաբաթ առաջվա 1,7 անգամից նվազել է մինչեւ 1,1 անգամ։

Արմինֆո.

Արմինֆո. Պետական եկամուտների կոմիտեն տեղեկացնում է, որ հարկ վճարողների կողմից 2025 թվականի ապրիլ ամսվա համար ներկայացված եկամտային հարկի և սոցիալական վճարի հաշվարկների տվյալներով` եկամուտ ստացող աշխատատեղերի թվաքանակը կազմել է 783 547, ինչը գերազանցել է նախորդ տարվա նույն ամսվա ցուցանիշը` 36 128-ով կամ 4.8%-ով:

Արմինֆո. ՀՀ նախագահ Վահագն Խաչատուրյանն այսօր ընդունել է Amazon Web Services (AWS) ընկերության փոխնախագահ Ջեֆ Բարրին։

Ողջունելով հյուրին՝ նախագահ Խաչատուրյանը բարձր է գնահատել «Ամազոն» համաշխարհային տեխնոլոգիական հսկայի հետ Հայաստանի համագործակցությունը՝ կարևորելով այն երկրի թվային օրակարգի, բարձր տեխնոլոգիաների զարգացման և նորարարական միջավայրի ձևավորման տեսանկյունից։

Նախագահը շնորհակալություն է հայտնել պարոն Բարրին՝ Հայաստան կատարած այցելության համար և նշել, որ նման բարձր մակարդակի շփումներն կարևոր նշանակություն ունեն երկկողմ փոխգործակցությունն ընդլայնելու առումով։

ՀՀ նախագահի աշխատակազմի հաղորդագրության համաձայն, Ջեֆ Բարրն, իր հերթին, շնորհակալություն է հայտնել ընդունելության և արդյունավետ երկխոսության հնարավորության համար՝ ընդգծելով, որ Հայաստանի հետ համագործակցությունն արդեն իսկ ունի շոշափելի արդյունքներ և շարունակաբար զարգանում է։ Նա նշել է, որ Amazon Web Services-ը հետաքրքրված է խորացնել գործընկերությունը Հայաստանի հետ՝ հատկապես բարձր տեխնոլոգիաների, կրթական նախաձեռնությունների և նորարարական լուծումների ոլորտներում։

Հանդիպման ընթացքում քննարկվել են թվայնացման, արհեստական բանականության, տվյալների կառավարման և հարակից ոլորտներում համատեղ ծրագրերի իրականացման հնարավորությունները։ Անդրադարձ է կատարվել նաև նոր նախաձեռնությունների և նախագծերի մշակման հեռանկարներին, որոնք միտված են նպաստելու Հայաստանի տեխնոլոգիական ներուժի լիարժեք իրացմանը։

Արմինֆո.Մայիսի 23-ին ՀՀ Ազգային ժողովի "Քաղաքացիական պայմանագիր" խմբակցության պատգամավորները հանդիպել են  ՀՀ ֆինանսների նախարար Վահե Հովհաննիսյանի հետ:

Արմինֆո. ՀՀ էկոնոմիկայի նախարար Գևորգ Պապոյանը մայիսի 23-ին Կոտայքի մարզում այցելել է «Հոմպլեքս Հիպեր Մոլ», որի պաշտոնական բացումը նախատեսվում է հունիս ամսվա ընթացքում։

Արմինֆո.  2025 թվականի առաջին եռամսյակում Հայաստանում կապիտալ ծախսերի թերակատարումը կազմել է մոտ 70%։ Այդ մասին հայտարարում են «Լույս» հիմնադրամի փորձագետները՝ վերլուծելով ՀՀ պետական բյուջեի կատարման մասին ս. թ. հունվար-մարտ ամիսների հաշվետվությունը:

Արմինֆո.  ՀՀ փոխվարչապետ Տիգրան Խաչատրյանն ընդունել է ԱԶԲ հայաստանյան գրասենյակի տնօրեն Դոնալդ Լամբերտին:

Արմինֆո.  Հայաստանը վերջին մեկ տարում 3 հորիզոնականով բարելավել է դիրքերը Գլոբալ ստարտափ էկոհամակարգի ինդեքսում՝զբաղեցնելով 54-րդ տեղը: Այդ մասին Facebook-ի իր էջում գրել է ՀՀ բարձր տեխնոլոգիական արդյունաբերության նախարար Մխիթար Հայրապետյանը:

Արմինֆո.

Արմինֆո.Պետական քաղաքականության կարճաժամկետ ցուցանիշների մոլուցքը կարող է երկիրը զրկել տնտեսական ինքնիշխանությունից։ Այդ մասին ֆեյսբուքյան իր էջում գրել է քաղաքական գիտությունների դոկտոր, պրոֆեսոր Վահե Դավթյանը՝ անդրադառնալով ՀՀ վիճակագրական կոմիտեի հրապարակած 2025 թվականի առաջին եռամսյակի տվյալներին, որոնց համաձայն, Հայաստանի համախառն ներքին արդյունքը (ՀՆԱ) աճել է 5.2% - ով։

Արմինֆո.Հայաստանի ՀՆԱ-ն 2025թ. առաջին եռամսյակի արդյունքներով ընթացիկ գներով կազմել է 2.118 տրլն դրամ (5.4 մլրդ դոլար)։ Ինչպես վկայում են ՀՀ Վիճակագրական կոմիտեի տվյալները, ՀՆԱ-ի տարեկան աճը դանդաղել է 9,2% - ից մինչև 5,2%: ՀՆԱ-ի ինդեքս-դեֆլյատորը բարձրացել է մինչև 102,9% (2024թ.առաջին եռամսյակի 100,8% - ից)։

Արմինֆո. 2025 թվականի առաջին եռամսյակում հարկային հավաքագրումները շուրջ 3 մլրդ դրամով գերազանցել են ծրագրային ցուցանիշը։ Մայիսի մուտքագրումները ցույց են տալիս, որ կիսամյակային կտրվածքով էլ խնդիրներ չենք ունենա։ Այս մասին մայիսի 22-ին մամուլի ասուլիսի ժամանակ հայտարարել է ՊԵԿ նախագահ Էդուարդ Հակոբյանը, պատասխանելով հարցին, թե արդյոք ՊԵԿ-ը կապահովի պետական բյուջեում ամրագրված հարկային մուտքերի ցուցանիշը։

Արմինֆո.900 հազար հայտարարատուներից 2024 թվականի իրենց եկամուտների համար հարկայինին հաշվետու է եղել ընդամենը շուրջ 54 հազար մարդ։ Նրանցից մոտ 23 հազարը սոցիալական ծախսերի փոխհատուցում են ստացել։ Այդ մասին մայիսի 22-ին մամուլի ասուլիսի ժամանակ հայտարարել է Պետական եկամուտների կոմիտեի նախագահ Էդուարդ Հակոբյանը։

Արմինֆո. Հայաստանի պետական բյուջեից, այսինքն, հարկատուի գրպանից մոտ 84,5 մլն դրամ (մոտ 220 հազար դոլար) կհատկացվի սնանկացած ԱՆԻՖ (Armenian National Interests Fund) պետական ընկերությանը ՝ 2024 թվականի շահութահարկը վճարելու համար։ Վճարման վերջնաժամկետը 2025 թվականի ապրիլի 20-ն է: Որոշման նախագիծն ընդգրկված էր կառավարության այսօրվա նիստի օրակարգում:

Արմինֆո.«Չեմ կարծում, թե իմ այցը Վրաստան ավելի արդյունավետ կլինի, քան "Գեզի" տերմինալում հայկական բեռների ուշացմանն առնչվող իրավիճակի շուրջ վրացի գործընկերների հետ ամենօրյա շփումները», - նման կարծիք հայտնել է Հայաստանի էկոնոմիկայի նախարար Գեւորգ Պապոյանը ճեպազրույցի ժամանակ՝ պատասխանելով հայ-վրացական սահմանին ավելի քան 40 օր կանգնած հայկական գինու եւ կոնյակի արտաադրանքով բեռնատարների հարցի հնարավոր լուծման մասին լրագրողների հարցին:

Արմինֆո.

Արմինֆո. Զբոսաշրջության նոր ռազմավարության շրջանակում Մերձավոր Արևելքը Հայաստանի համար կդառնա առաջնային շուկաներից մեկը։ Այդ մասին ճեպազրույցի ժամանակ լրագրողներն հաղորդել է ՀՀ էկոնոմիկայի նախարար Գևորգ Պապոյանը՝ պարզաբանելով ՀՀ-ում Օմանի, Սաուդյան Արաբիայի և Բահրեյնի քաղաքացիների, ինչպես նաև բարեկամ երկրների, այդ թվում ՝ ԱՄԷ-ի, Քաթարի ռեզիդենտների համար առանց վիզայի ռեժիմի գործարկման մասին կառավարության որոշման ընդունումը:

Արմինֆո. Կառավարությունն այսօրվա նիստում ընդունել է «Բահրեյնի Թագավորության, Սաուդյան Արաբիայի Թագավորության և Օմանի Սուլթանության քաղաքացիների, ինչպես նաև Ամերիկայի Միացյալ Նահանգների, Եվրոպական միության երկրների, Շենգենյան համաձայնագրի երկրների, Արաբական Միացյալ Էմիրությունների, Բահրեյնի Թագավորության, Կատարի Պետության, Սաուդյան Արաբիայի Թագավորության, Քուվեյթի Պետության կամ Օմանի Սուլթանության տարածքում կացության կարգավիճակ ունեցող օտարերկրացիների համար Հայաստանի Հանրապետություն առանց մուտքի վիզայի այցելությունների ռեժիմ սահմանելու մասին» որոշում: