Արմինֆո.Գերմանական ավտոարտադրող Audi-ն 2025 թվականին մեքենաների մատակարարումները կրճատել է 2.9%-ով՝ Հյուսիսային Ամերիկայում և Չինաստանում պահանջարկի նվազման պատճառով։

Արմինֆո.Համաշխարհային բանկը (ՀԲ) կանխատեսում է, որ համաշխարհային տնտեսական աճը 2026 թվականին կհասնի 2.6%-ի, իսկ 2027 թվականին՝ 2.7%-ի, ըստ դեկտեմբերյան «Գլոբալ տնտեսական հեռանկարներ» զեկույցի։ 2025 թվականի հունիսին բանկը կանխատեսել էր ՀՆԱ-ի 2.4% աճ 2026 թվականին և 2.6%՝ հաջորդ տարի։

Արմինֆո.Մեդիամաքս մեդիա ընկերության «MaxMonitor» մեդիայի մոնիթորինգի եւ վերլուծության համակարգի 2025 թվականի տարեկան ամփոփիչ արդյունքների համաձայն՝ ԱրարատԲանկը Բրենդի PR-ի՝  լուսաբանման և հանրայնացման տվյալներով, հայաստանյան բանկերի առաջատարն է 56․7 % ցուցանիշով։ 

Արմինֆո. Հայաստանում ցանկանում են ԱԱՀ հաշվարկման եւ վճարման կանոններ սահմանել ԵԱՏՄ  էլեկտրոնային հարթակների միջոցով ապրանքների մատաակարարմանն առնչվող գործարքներում։ ՀՀ Ազգային Ժողովի տնտեսական հարցերովի հանձնաժողովը հունվարի 14-ի նիստում դրական եզրակացություն է տվել ՀՀ Հարկային օրենսգրքում կառավարության ներկայացրած փոփոխություններին։

Արմինֆո. Ակնհայտ է, որ հայ-թուրքական սահմանի տարբեր հատվածներում պետք է կամուրջներ կառուցվեն։ Այդ մասին հայտարարել է վարչապետ Նիկոլ Փաշինյանը՝ «Հայաստանը և խաղաղությունը ռիսկերի ու հնարավորությունների խաչմերուկում» խորագրով լիագումար քննարկման ընթացքում, որը տեղի է ունեցել Միջազգային և անվտանգության հարցերի հայկական ինստիտուտի XV անվտանգային ֆորումի շրջանակում:

Արմինֆո.  Հայաստանում պետության կողմից համաֆինանսավորվող ծրագրերը ֆինանսական ռեսուրսների ստացման տարվանից չեն հարկվելու շահույթից, այլ գնահատվելու են կառուցված շենքերի և ենթակառուցվածքների ակտիվների տեսքով: ՀՀ Ազգային ժողովի տնտեսական հարցերի հանձնաժողովը հունվարի 14-ի նիստում դրական եզրակացություն է տվել ՀՀ Հարկային օրենսգրքում ՀՀ կառավարության ներկայացրած փոփոխություններին:

Արմինֆո. Հայաստանի այն ավիաընկերությունները, որոնք նախկինում չեն կարողացել օգտվել "օդի հարկի" արտոնությունից, կստանան այդ իրավունքը: ՀՀ Ազգային ժողովի տնտեսական հարցերի հանձնաժողովը հունվարի 14-ի նիստում դրական եզրակացություն է տվել ՀՀ կառավարության կողմից առաջին ընթերցմամբ ներկայացված "Պետական տուրքի մասին"օրենքում փոփոխությունների նախագծին:

Արմինֆո. Հայաստանում Կադաստրի կոմիտեի սպասարկման կենտրոնների փոխարեն կհայտնվեն խորհրդատվական կենտրոններ։ ՀՀ Ազգային ժողովի տնտեսական հարցերի հանձնաժողովը հունվարի 14-ի նիստում դրական եզրակացություն է տվել "Գույքի նկատմամբ իրավունքների պետական գրանցման մասին" օրենքում ՀՀ կառավարության ներկայացրած փոփոխություններին:

Արմինֆո.Հայաստանի իշխանությունները վերջնական որոշում են կայացրել մի քանի փոքր մոդուլային ռեակտորներով (ՓՄՌ) ատոմակայան կառուցելու վերաբերյալ։ Այդ մասին CIVICTV-ի հետ հարցազրույցում հայտարարել է ՀՀ տարածքային կառավարման և ենթակառուցվածքների նախարար Դավիթ Խուդաթյանը։

Արմինֆո.

Արմինֆո.

Արմինֆո.

Արմինֆո. Ռուսաստանի միջազգային պահուստները դեկտեմբերի 26-ի օրվա վերջում հասել են ռեկորդային 763.9 միլիարդ դոլարի, հայտնել է Կենտրոնական բանկը հունվարի 13-ին։

Արմինֆո.Իդրամ ընկերության համար 2025 թվականը հագեցած տարի էր նոր՝ միջազգային խոշոր գործընկերների հետ նշանակալի համագործակցություններով, վաճառակետերի թվի մեծ աճով, միջազգային մրցանակներով և բազմաթիվ այլ հաջողություններով։

Արմինֆո. ՄԱԿ-ի Առևտրի և զարգացման համաժողովի (UNCTAD) փորձագետների կանխատեսմամբ՝ համաշխարհային տնտեսությունը 2026 թվականին կաճի 2.7%-ով՝ 2025 թվականի 2.8%-ից հետո։ Աճը կսահմանափակվի համաշխարհային տնտեսության հետագա մասնատմամբ, երկրների ներսում աճող պրոտեկցիոնիզմով և աճող համաշխարհային անորոշության հետևանքով առաջացող թույլ ներդրումային ակտիվությամբ։

Արմինֆո.Վարչապետ Նիկոլ Փաշինյանն այցելել է Բարձր տեխնոլոգիական արդյունաբերության նախարարություն՝ գերատեսչության 2025 թվականի գործունեության հաշվետվությունը քննարկելու նպատակով։

Կառավարության հաղորդագրության համաձայն, ԲՏԱ նախարար Մխիթար Հայրապետյանը ներկայացրել է նախարարության 2025 թվականի գործունեության առաջնահերթ ուղղությունները և դրանց շրջանակում սահմանված արդյունքային ցուցանիշների կատարման ուղղությամբ արձանագրված արդյունքները։

Նշվել է, որ հաշվետու տարում նախարարության հիմնական առաջնահերթություններն են եղել թվայնացումը, արհեստական բանականության գործիքների կիրառումը իրական կյանքում, տեխնոլոգիական էկոհամակարգի զարգացումը, հեռահաղորդակցության ոլորտը, ինչպես նաև ռադիոհաճախականությունների օգտագործման և կարգավորման օրենսդրական բարելավումը։ Նշված ուղղություններով ներկայացվել են իրականացված աշխատանքների արդյունքները, ինչպես նաև 2026 թվականի առաջին կիսամյակին նախատեսվող քայլերը։

Զեկուցվել է, որ լիարժեք ապահովվել է «Բարձր տեխնոլոգիաների ոլորտի պետական աջակցության մասին» ՀՀ օրենքի կիրարկումը։ Ծրագրի շրջանակում տնտեսվարողներին տրամադրվել է 8.76 մլրդ դրամի պետական աջակցություն՝ աշխատանքային միգրանտների ներգրավման, նոր աշխատողների ընդունման, ինչպես նաև աշխատակիցների վերապատրաստման նպատակով։ Ներկայումս աջակցության դիմումներն ընդունվում են էլեկտրոնային հարթակի միջոցով՝ ապահովելով ինքնաշխատ հաշվարկ և աջակցության տրամադրման որոշումների կայացում։

Ընդգծվել է, որ Բարձր տեխնոլոգիական արդյունաբերության նախարարությունը, համագործակցելով Amazon Web Services (AWS) ընկերության և արհեստական բանականության ոլորտում Եվրոպայի առաջատար Mistral AI ընկերության հետ, գործարկել է Արհեստական բանականության վիրտուալ ինստիտուտը (ai.gov.am)։ Այն բաց հարթակ է, որը միավորում է տեխնոլոգիական ընկերություններին, հետազոտողներին և նորարարներին՝ գիտահետազոտական գործունեության և արտադրանքի մշակման ամբողջ շղթայում աջակցություն ցուցաբերելու նպատակով։ Ի պատասխան վարչապետի հարցի՝ Մխիթար Հայրապետյանը նշել է, որ վիրտուալ ինստիտուտը ստեղծվել է ուսանողների, ստարտափների և հետազոտողների համար, նրանք կարող են դիմել և սուբսիդիայի միջոցով ստանալ հասանելիություն գերհամակարգչին, միջազգային այլ ծառայությունների, ինչպես նաև 2027 թվականից՝ Firebird AI–ի հաշվողական ռեսուրսին։

Միաժամանակ հաստատվել է պետության կողմից արհեստական բանականության ոլորտում բարձր արտադրողականությամբ հաշվողական ռեսուրսներին հասանելիության ապահովման պետական աջակցության փորձնական ծրագիրը, և մեկնարկել է հայտերի ընդունման գործընթացը։ Նախատեսվում է 2026 թվականի առաջին կիսամյակում մշակել քաղաքացի–արհեստական բանականություն երկխոսության հարթակի տեխնիկական առաջադրանքը և դրա հիման վրա կազմակերպել մրցույթ կամ կնքել պայմանագիր համապատասխան կազմակերպության հետ։ Հարթակը նախատեսված է քաղաքացիներին նախարարության գործունեությանը, ծրագրերին և լիազորություններին առնչվող հարցերի վերաբերյալ արագ և ամբողջական տեղեկատվություն տրամադրելու համար՝ զանգերի և էլեկտրոնային հաղորդակցության միջոցով, արհեստական բանականության անմիջական մասնակցությամբ։ Մխիթար Հայրապետյանը նշել է, արհեստական բանականությունը նախատեսվում է ներդնել գերատեսչությունների զանգերի կենտրոններում։ «Լուծումն այլևս Հայաստանում կա, մարդն զանգեց՝ այդտեղ աշխատում է ձայնից տեքստ և տեքստից ձայն տեխնոլոգիան հայերենով, որն այլևս իրականություն է։ Ամբողջ շղթան մենք փակում ենք, տեխնոլոգիական ընկերությունների կողմից ալգորիթմը մշակված է»,– ասել է նախարարը՝ համոզմունք հայտնելով, որ այն լավագույնս կգործի։

Արձագանքելով՝ վարչապետ Փաշինյանը նշել է․«Կարծում եմ, մենք հետևյալ գործողությունը պետք է անենք, պետք է նայենք տարբեր գերատեսչություններում ինչ ստորաբաժանումներ կան, հաշվարկենք այնտեղ ինչ բյուջե և ինչ հաստիքներ կան։ Մենք առաջիկայում ջանք պետք է գործադրենք այդ բաժիններում աշխատող մեր գործընկերներին վերապատրաստելու և աշխատանքի պատրաստելու ուղղությամբ»։

Միաժամանակ, երկրի ղեկավարը նշել է, որ բոլոր գերատեսչությունների համար մշտապես թվայնացումը պետք է լինի առաջնահերթությունների ցանկում։ «Այսինքն՝ ես տեսանելի ապագայում չեմ տեսնում իրավիճակ, երբ մենք ասենք լավ՝ եկեք թվայնացումն այլևս հանենք առաջնահերթությունների ցանկից և դարձնենք սովորական պլանային միջոցառում։ Բոլոր նախարարությունների և գերատեսչությունների համար թվայնացումը պարտադիր առաջնահերթություններից մեկն է։ Չի կարող լինել այնպիսի գերատեսչություն, որտեղ թվայնացումն առաջնահերթությունների ցանկում չէ»,– հավելել է վարչապետը։

Զեկուցվել են ռադիոհաճախականությունների օգտագործման և կարգավորման ոլորտում իրականացված օրենսդրական փոփոխությունները և դրանց կիրառական ազդեցությունը։ Անդրադարձ է կատարվել նաև տեսալսողական մեդիայի ոլորտում իրականացված օրենսդրական փոփոխություններին։

Ներկայացվել է Plug and Play միջազգային ընկերության հետ համագործակցության շրջանակում կնքված պայմանագիրը։ Եռամյա համագործակցության ընթացքում կիրականացվեն ինկուբացիոն, նախաաքսելերացիոն և աքսելերացիոն ծրագրեր՝ յուրաքանչյուրում ընդգրկելով 15–20 ստարտափ։ Ծրագրի շրջանակում Հայաստան են ժամանում միջազգային փորձ ունեցող մասնագետներ՝ մասնակից ստարտափներին մենթորական աջակցություն, բիզնես խորհրդատվություն և գործարար կապերի հաստատման հնարավորություն տրամադրելու նպատակով։

Անդրադարձ է կատարվել Բարձր տեխնոլոգիաների ոլորտի զարգացման ռազմավարական ծրագրի մշակման ընթացքին։ Արդեն իսկ մշակվել են վերլուծական զեկույցները, սահմանվել են առաջնահերթ տեխնոլոգիական ուղղությունները, և ներկայումս ընթանում են ռազմավարական նպատակների ձևավորման, գործողությունների ծրագրի կազմման և շահագրգիռ կողմերի հետ քննարկումների աշխատանքները։ Ռազմավարական ծրագիրը նախատեսվում է հաստատել 2026 թվականի առաջին կիսամյակում։

Զեկուցվել է «Starlink» բարձր արագությամբ արբանյակային ինտերնետ կապի ծառայությունների ներդրման գործընթացի մասին, որոնք 2025 թվականի մարտի 27-ից արդեն գործարկվել են Հայաստանում՝ ապահովելով հուսալի և բարձր արագությամբ ինտերնետ հասանելիություն երկրի ամբողջ տարածքում՝ ներառյալ հեռավոր և դժվարամատչելի բնակավայրերը։

Ներկայացվել են նաև «Mistral AI», Amazon Web Services (AWS) և «Firebird AI» ընկերությունների հետ համագործակցության ուղղությամբ իրականացվող աշխատանքները։ Մասնավորապես, Firebird AI ընկերությունը նախատեսում է Հայաստանում իրականացնել շուրջ 500 մլն ԱՄՆ դոլարի ներդրում՝ արհեստական բանականության խոշոր տվյալային կենտրոնի ստեղծման ուղղությամբ։

Քննարկվել են նաև ռազմարդյունաբերության ոլորտի զարգացմանն ու այդ ուղղությամբ իրականացվող ծրագրերի ընթացքին վերաբերող հարցեր։

Արմինֆո.

Արմինֆո. Հայաստանի վարչապետ Նիկոլ Փաշինյանը մեկնաբանել է ադրբեջանական բենզինի ներկրման հետ կապված մտավախությունները հայ հասարակության շրջանում․ դրանք հրահրվում են այն շրջանակների կողմից, որոնք երկար տարիներ մենաշնորհել են երկրի բենզինի շուկան:

Արմինֆո.Հունվարի 13-ին ՀՀ էկոնոմիկայի նախարարությունում, նախարար Գևորգ Պապոյանի մասնակցությամբ, տեղի է ունեցել հանդիպում-քննարկում՝ ավելի քան երեք տասնյակ գործարարների և ներդրողների հետ։

Արմինֆո.  2025-ի դեկտեմբեր ամսվա «Մի դրամի ուժի» կուտակած գումարը՝ 5․788․105 դրամը, ռեկորդային էր ոչ միայն անցած տարվա, այլև նախագծի 5-ամյա պատմության համար։ Հիշեցնենք, որ դեկտեմբեր ամսվա շահառուն  «Սիթի օֆ Սմայլ» բարեգործական հիմնադրամն էր, և հավաքագրված ողջ գումարն ուղղվելու է քաղցկեղ ունեցող երեխաների բուժման ծախսերին։