Արմինֆո. Հայաստանի բանկային համակարգի շահույթը 2023 թվականին կազմել է 230 մլրդ դրամ, ինչը 12,5% - ով զիջում է մեկ տարվա վաղեմության ցուցանիշին: Այդ մասին փետրվարի 20-ին կայացած մամուլի ասուլիսի ժամանակ հայտարարել է Հայաստանի բանկերի միության նախագահ Դանիել Ազատյանը։ Նա նշել է, որ նվազումը պայմանավորված է ինչպես օբյեկտիվ, այնպես էլ սուբյեկտիվ գործոններով։

Արմինֆո.Հայաստանում վարկավորման բոլոր ուղղություններով արձանագրվել է աճ, բացառությամբ արդյունաբերական հատվածի, որտեղ ծավալները նվազել են 1,2% - ով ՝ կազմելով 508.9 մլրդ դրամ: Այդ մասին փետրվարի 20-ին կայացած մամուլի ասուլիսի ժամանակ հայտարարել է Հայաստանի բանկերի միության նախագահ Դանիել Ազատյանը։

Արմինֆո.Կոնվերս Բանկը հայտարարում է Neo, Ultra և Elite բանկային ծառայությունների փաթեթների գործարկման մասին: Այցելելով Բանկի ցանկացած մասնաճյուղ՝ հաճախորդները կարող են ընտրել իրենց ֆինանսական կարիքներին առավելագույնս համապատասխանող փաթեթ, բաժանորդագրվել դրան և օգտվել մի քանի բանկային պրոդուկտից միասնական՝ ավելի ցածր սակագնով:

Արմինֆո.HSBC խումբը տեղաշարժում էր իր կապիտալը և կենտրոնանում նախընտրելի շուկաների վրա՝ համաձայն վերջին տարիների քաղաքականության։ Միայն 2021 թվականից, ինչպես մամուլի ասուլիսի ժամանակ նշել է Հայաստանի բանկերի միության նախագահ Դանիել Ազատյանը, խումբը դուրս է եկել 7 երկրներից, այդ թվում՝ Ֆրանսիայի, ԱՄՆ-ի, Հունաստանի մանրածախ վարկավորումից։

Արմինֆո.Միջազգային բրենդ ունեցող բանկի մուտքը Հայաստանի ֆինանսական շուկա միշտ ցանկալի է և կարևոր: Նման գնահատական է տվել Հայաստանի բանկերի միության նախագահ Դանիել Ազատյանը փետրվարի 20-ին կայացած ամփոփիչ մամուլի ասուլիսի ժամանակ՝ խոսելով Bank of Georgia Group PLC (BOGG)-ի կողմից Հայաստանի առաջատար բանկերից մեկի՝ "Ամերիաբանկ" ՓԲԸ-ի ձեռք բերման գործարքի մասին:

Արմինֆո.Հայաստանում կներդրվի Պետական եկամուտների կոմիտեի աշխատակիցների կողմից կատարողականի գնահատման հիման վրա հավելավճարների գործիքակազմ: ՀՀ Ազգային ժողովի Պետական-իրավական հարցերի հանձնաժողովը փետրվարի 20-ի նիստում երկրորդ ընթերցմամբ դրական եզրակացություն է տվել "Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին" օրենքում ՀՀ կառավարության ներկայացրած փոփոխություններին:

Արմինֆո.Հայաստանը կմիանա պետական գնումների իրականացման ընթացքում բանկային երաշխիքների փոխադարձ ճանաչման մասին Եվրասիական տնտեսական միության երկրների համաձայնագրին: Ազգային ժողովի ֆինանսավարկային եւ բյուջետային հարցերի հանձնաժողովը փետրվարի 19-ի նիստում դրական եզրակացություն է տվել ՀՀ կառավարության ներկայացրած փաստաթղթին:

Արմինֆո. Մասնավոր փոխանցումների զուտ ներհոսքը Հայաստան 2023 թվականին կրճատվել է 36%-ով, բացարձակ թվերով ՝ 2.6 մլրդ դոլարից նվազել է մինչև 1.7 մլրդ դոլար։ Ինչպես վկայում է 2022 թվականի դինամիկան, այդ ցուցանիշը աննախադեպ աաճել էր՝ եռապատկվել էր։

Արմինֆո.Մեծ է հավանականությունը, որ 2024 թվականի բանկային փոխանցումների ներհոսքը կնվազի մոտավորապես 15 տոկոսով, իսկ արտահոսքը կշարունակի աճել։ Նման կարծիք է հայտնել տնտեսագետ Աղասի Թավադյանը:

Արմինֆո. Transavia ավիաընկերությունը ս.թ. ապրիլի 13-ից մեկնարկելու է Լիոն- Երևան- Լիոն երթուղով չվերթերը:

Արմինֆո  «Ամերիաբանկ»  ՓԲԸ-ն և BOGG PLC-ն («ԲիՕՋիՋի» բաց բաժնետիրական  ընկերությունը, այսուհետ` Խումբ) համաձայնություն են ձեռք բերել Միացյալ Թագավորությունում (ՄԹ) գրանցված BOGG միջազգային ֆինանսական խմբում Ամերիաբանկի ինքնուրույն լիիրավ անդամ դառնալու շուրջ: Գործարքի համաձայն` Խումբը կդառնա Ամերիաբանկի հիմնական բաժնետեր: Բանկում իր բաժնեմասնակցությունը 10%-ի չափով կպահպանի նաև Վերակառուցման և Զարգացման Եվրոպական Բանկը (ՎԶԵԲ)։

Արմինֆո. Bank of Georgia Group PLC-ը (BOGG) հայտարարել է Հայաստանի առաջատար բանկի՝ "Ամերիաբանկ" ՓԲԸ-ի ձեռք բերման շուրջ նախնական համաձայնության մասին: Գործարքի գինը կկազմի շուրջ 303.6 մլն դոլար։

Արմինֆո.Ամերիաբանկը հիփոթեքային վարկերի պորտֆելի ծավալով պահպանում է բացարձակ առաջատարի դիրքը Հայաստանի բանկային համակարգում՝ 21,3% մասնաբաժնով (31.12.2023 թ․):

Արմինֆո. Այն տնտեսական և ֆինանսական գործընթացները, որոնք սկսեցին զարգանալ 2018 թվականից, կապված էին միջազգային իրադարձությունների և, առաջին հերթին, ռուս-ուկրաինական հակամարտության հետ։ Այս մասին փետրվարի 16-ին լրագրողների հետ զրույցում հայտարարել է ԱԺ նախկին պատգամավոր Գագիկ Մինասյանը, ով երկար տարիներ գլխավորել է ԱԺ տնտեսական հարցերի մշտական հանձնաժողովը։

Արմինֆո. Էկոնոմիկայի նախարարի տեղակալ Նարեկ Տերյանը փետրվարի 14-15-ին Թեհրանում ՀՀ փոխվարչապետ Մհեր Գրիգորյանի գլխավորած պատվիրակության կազմում մասնակցել է Հայաստանի Հանրապետության և Իրանի Իսլամական Հանրապետության միջկառավարական համատեղ հանձնաժողովի 18-րդ նիստին: Նիստի ավարտին ստորագրվել է փոխըմբռնման հուշագիր։

Արմինֆո.Տարվա ամենագրքառատ տոնն արդեն մոտ է․  այս օրերին քաղաքում ամենաշատ գնվող ու նվիրվող իրը գիրքն է հաստատ, չնայած գիրքն «իր» կոչելը, իհարկե, մեղք է։ Գրախանութների հատուկ առաջարկները գերազանցում են ամանորյա ակցիաները, գրքի հերթերն էլ հիշեցնում են հին ու բարի օրերը, երբ մարդիկ գիրք գնելու համար հերթ էին կանգնում։

Արմինֆո. "Շիրակ Ավիա" ավիաընկերությունը հաղորդել է Երևան-Տյումեն չվերթի մեկնարկի մասին: Ընկերության պաշտոնական հայտարարության համաձայն,  այդ ուղղությամբ ավիափոխադրումները կիրականացվեն 2024 թվականի մարտի 31-ից մինչև հոկտեմբերի 26-ը:

Արմինֆո. ՀՀ պետական եկամուտների կոմիտեն, հաշվի առնելով «արտագնա աշխատանքի մեկնած հայաստանցիներին հարկելու» թեմայով լրատվամիջոցներում և սոցիալական ցանցերում տարածվող հրապարակումները, անհրաժեշտ է համարում հայտնել, որ օտարերկրյա պետություններում ՀՀ ռեզիդենտ ֆիզիկական անձանց ստացած հարկվող եկամտից եկամտային հարկը վճարելու վերաբերյալ կարգավորումները նոր չեն:

Արմինֆո. Աշխատանքային միգրանտներին հարկելու և չվճարելու դեպքում տուգանքներ սահմանելու մասին ՀՀ պետական եկամուտների կոմիտեի որոշումը  չափազանց անարդար է: Այդ մասին փետրվարի 16-ին կայացած մամուլի ասուլիսի ժամանակ հայտարարել է "Հայկական Կարիտաս" միգրացիոն ծրագրի փորձագետ Տաթեւիկ Բեժանյանը։

Արմինֆո.2023 թվականին համաշխարհային տնտեսության աճը շատ տարասեռ էր, իսկ մոտակա և միջնաժամկետ հեռանկարում սպասվում է դրա դանդաղում։ ԱՄՆ-ի ՀՆԱ-ի աճը կազմել է 2,5 տոկոս, ինչը գերազանցել է վերլուծաբանների մեծ մասի սպասումները, իսկ եվրագոտին մոտ է եղել ռեցեսիային, նրա ՀՆԱ-ի աճը կազմել է 0,5 տոկոս: Այդ մասին ասվում է ԵԱԶԲ-ի հերթական մակրոամփոփագրում։