2009 թվականի հունվար-նոյեմբեր ամիսներին Հայաստանի առևտրային բանկերի կողմից ներգրավված ավանդների ծավալը աճել է մոտ 37.4%, կազմելով 1.6 մլրդ.դոլար

ՀՀ ԿԲ նախնական տվյալներով, որը Արմինֆո գործակալությանն է տրամադրվել ՀՀ Ազգային վիճակագրական ծառայության կողմից, ոչ ռեզիդենտներից ներգրավված ավանդների ծավալը կազմել է 7.2 մլրդ.դրամ (նոյեմբերի անկումը կազմել է 17.4%, իսկ հունվար-նոյեմբերի ամիսներին`մոտ 2 անգամ), իսկ արտարժույթով ներգրավված ավանդների ծավալը`121.6 մլրդ.դրամ: Ռեզիդենտներից ներգրավված ավանդների ծավալը կազմել է 80% կամ 511.6 մլրդ.դրամ, որտեղ 167.5 մլրդ.դրամը`ՀՀ դրամով ավանդներն են, իսկ 344.1 մլրդ.դրամը`արտարժույթով ներգրավված ավանդները:

Ռեզիդենտներից ներգրավված ավանդների կազմում ց՝պահանջ ավանդները կազմել են 39.4% կամ 201.4 մլրդ.դրամ, իսկ ժամկետային ավանդները` 60.6% կամ 310.1 մլրդ. դրամ:

ՀՀ դրամով ներգրավված ց՝պահանջ ավանդնրի ծավալներում նոյեմբերին արձանագրվել է 1.5% աճ, կազմելով 104.8 մլրդ.դրամ, իսկ արտարժույթով ներգրավված ց՝պահանջ ավանդների ծավալներում, դիտվել է 1.3% անկում, կազմելով 96.6 մլրդ.դրամ: Ռեզիդենտներից ՀՀ դրամով ներգրավված ժամկետային ավանդների ծավալները նոյեմբերին պակասել են 0.04%, կազմելով 62.6 մլրդ.դրամ, իսկ արտարժույթով ներգրավված ժամկետային ավանդների ծավալները աճել են 4.8%, կազմելով` 247.5 մլրդ.դրամ:

Բնակչության ավանդների մնացորդը 2009 թվականի դեկտեմբերի 1-ի դրությամբ կազմել է 282 մլրդ.դրամ, աճելով ամսվա կտրվածքով` 2.4%, իսկ տարվա կտրվածքով`39.3%: Ընդ որում, 2009 թվականի նոյեմբերին բնակչության ժամկետային ավանդները աճել են 3.3%, իսկ տարվա կտրվածքով` 41.6%, կազմելով 211.8 մլրդ.դրամ:

Նույն աղբյուրի հավաստմամբ, 2009 թվականի նոյեմբեր ամսին ՀՀ դրամով ներգրավված ավանդների տոկոսադրույքներն աճել են` 8.24%-ից մինչև 8.59%, ինչը 0.88 տոկոսային կետով ավել է հունվարյան արդյունքներից: