Երեքշաբթի, 2 Մարտի 2010 18:01
Ապրիլից ՙԱԿԲԱ-Կրեդիտ Ագրիկոլ բանկի՚ բանկոմատները կընդունեն AmEx քարտեր
ԱրմԻնֆո. Մարտի վերջին ՙԱԿԲԱ-Կրեդիտ Ագրիկոլ բանկի՚ բանկոմատները կընդունեն AmEx քարտեր: Ինչպես ԱրմԻնֆո գործակալությանը հաղորդել է բանկի գլխավոր տնօրեն Ստեփան Գիշյանը, մինչև տարեվերջ բանկը մտադիր է նաև թողարկել առաջին AmEx քարտերը Հայաստանում:
Նրա ասելով, ներկա պահին բանկը մշակում է AmEx քարտերի տրամադրման և սպասարկման պայմանները: ՙՀարկ է նշել, որ մինչև վերջին ժամանակներս American Express համակարգը Հայաստանում չափազանց սահմանափակ էր. AmEx քարտերը սպասարկվում էին, հիմնականում, միայն հյուրանոցներում և մի քանի առևտրային-սպասարկման կետերում: Մեր համագործակցությունն AmEx –ի հետ նպատակաուղղված է այդ իրավիճակի փոփոխմանը: Մենք նախատեսում ենք AmEx քարտապաններին ընձեռել իրենց քարտերն ինչպես Երևանում, այնպես էլ Հայաստանի մարզերում օգտագործելու հնարավորություն՚, - հավաստիացրել է Ս.Գիշյանը:
Միևնույն ժամանակ բանկի գլխավոր տնօրենը տեղեկացրել է, որ փետրվարի 9-ից այն հյուրանոցները և կազմակերպությունները, որոնք նախկինում համագործակցում էին անմիջականորեն American Express-ի հետ, արդեն սպասարկվում են ՙԱԿԲԱ-Կրեդիտ Ագրիկոլ բանկի՚ տերմինալների միջոցով: ՙՄինչև տարեվերջ, AmEx քարտեր կսպասարկեն նաև մեր բանկի հետ համագործակցող առևտրի-սպասարկման կետերը՚, - ընդգծել է նա, ավելացնելով, որ այսօրվա դրությամբ AmEx-ի հաճախորդների թիվը հասնում է 80 մլն, որոնք աչքի են ընկնում բարձր վճարողունակությամբ:
Խոսելով AmEx-ի ճանապարհային կտրոնների մասին` Ս.Գիշյանը հաղորդել է, որ ՙԱԿԲԱ-Կրեդիտ Ագրիկոլ բանկն՚ արդեն տրամադրում և սպասարկում է դրանք: ՙԱյդ կտրոններն ընդունվում և սպասարկվում են աշխարհի բազմաթիվ հաստատություններում և փողի կանխիկացման չափազանց հարմար գործիք են հաճախ ճանապարհորդող անձանց համար՚, - նշել է նա:
Հիշեցնենք, որ ՙԱԿԲԱ-Կրեդիտ Ագրիկոլ բանկը՚ և American Express կորպորացիան 2009 թվականի օգոստոսի 27-ին կնքել են համագործակցության շուրջ պայմանագիր, որի շրջանակներում բանկը դարձել է American Express –ի առաջին և բացառիկ ներկայացուցիչը Հայաստանում:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները