Հինգշաբթի, 25 Մարտի 2010 18:26
Հայաստանի բանկոմատների շուկան ունի էական, չիրացված պոտենցիալ
ԱրմԻնֆո. Հայաստանի բանկոմատների շուկայի ներուժը թույլ է տալիս տարեկան ներդնել ավելի քան 70 բանկոմատ, այսօր Երևանում տեղի ունեցած`ամերիկյան Diebold ընկերության բանկոմատների վերջին, մասնավորապես, TCR (Teller cash recycler) մոդելների շնորհանդեսի ժամանակ հայտարարել է ռուսական ՙԼանիտ՚ ընկերության բանկային տեխնոլոգիաների դեպարտամնտի փոխտնօրեն Իգոր Կուդրինը:
Նրա խոսքերով, հայկական բանկերի շրջանում Diebold-ն արդեն իր մշտական հաճախորդներն ու գործընկերներն ունի և մյուս բանկերի հետ այդ համագործակցությունն ընդլայնելու համար կան բոլոր նախադրյալները: Ներկայացնելով TCR բանկոմատը, Ի.Կուդրինը նշել է, որ այն ունի 100 տոկոսանոց անվտանգություն և թղթադրամների ընդունման ու հանձնման համար նախատեսված ժամանակակից թերմինալի օգնությամբ թույլ է տալիս ավտոմատացնել գանձապահի աշխատանքները: ՙՌեսայքլինգի տեխնոլոգիան (կանխիկ դրամի լրիվ շրջանառությունը) հանդիսանում է հաջորդ քայլը, որը թույլ է տալիս օպտիմալացնել կանխիկ դրամական միջոցների հետ աշխատանքները բանկերի գրասենյակներում: TCR կարող է մատակարարվել 4-5 սկավառակների հետ միասին, մոռացված ու խոտանված 2000 թղթադրամների համար նախատեսված սկավառակի հետ միասին՚,-ընդգծել է նա: Միաժամանակ, ՙԼամիտ՚-ի մասնագետները ներկայացրել են Diebold բանկոմատների ծրագրային ապահովման, անվտանգության և տեսահսկողության համակարգերի առավելությունները:
Իր հերթին Armenian Card-ի անվտանգության գծով փոխտնօրեն Գագիկ Գրիգորյանը նշել է, որ ներկայումս հայկական բանկերի կողմից ներդրված են երեք ֆիրմաների բանկոմատներ` Diebold, NCR և Wincor Nixdorf: ՙԲոլոր բանկոմատների գծով կան PCI DSS (Payment Card Industry Data Security Standard) սերտիֆիկատներ: Բանկոմատներն ունեն տեսահսկողության հնարավորություն, կառավարման վահանակ և այդ բանկոմատների անվտանգության մակարդակը մեզ բավարարում է՚,-ընդգծել է նա: Խոսելով բանկային քարտերի մասին, Գ.Գրիգորյանը հաստատել է, որ մինչև օրս հայկական բանկերի կողմից թողարկված քարտերով կեղծարարություններ չեն դիտվել: ՙՀայաստանի տարածքում բանկային քարտերով կեղծարարություններ դիտվել են միայն արտասահմանում թողարկված քարտերի մեջ՚,-ընդգծել է նա:
ՙԼանիտ՚ ընկերությունը հանդիսանում է Ռուսաստանում և ԱՊՀ տարածքում առաջատար, 20-ամյա պատմություն ունեցող բազմաֆունկցիոնալ ՏՏ ընկերությունների խմբի անդամ: Ներկայումս այն հանդիսանում է ռուսական խոշորագույն համակարգային ինտեգրատորը և համաշխարհային բարձր տեխնոլոգիաների ոլորտի սարքավորումների և ծրագրային լուծումների ավելի քան 200 հիմնական արտադրողների (Hewlett-Packard, Avaya, Citrix, Ericsson, Intel, IBM, Microsoft, Oracle, Hyperion, Welcome Software Technologies, UGS PLM Solutions և այլն) առաջատար գործընկերը: ՙԼանիտ՚-ի պաշտոնական ներկայացուցիչը Հայաստանում հանդիսանում է LAN AR Service ընկերությունը: Diebold ընկերությունը, որը հիմնվել է 1859 թվականին և հանդիսանում է ինքնասպասարկման և բանկայային ու ֆինանսական ինստիտուտների անվտանգության համակարգերի ամերիկյան կոմպլեքս արտադրողը, արտադրում է բանկոմատներ և դրանց համար նախատեսված ծրագրային ապահովումը:
Armenian Card-ի տվյալներով, 2010 թվականի մարտի 1-ի դրությամբ ArCa համակարգում հաշվվում էր 600 բանկոմատ: Armenian Card-ի անդամ հայկական բանկերի կողմից թողարկված պլաստիկ քարտերի քանակը մարտի 1-ի դրությամբ կազմել է 464622 քարտ: Թողարկված քարտերի ընդհանուր քանակի մեջ 61.3% կազմել են ArCa քարտերը (285593) քարտ), 24.8% կազմել են Visa քարտերը (115032 քարտ) և 13.9%` MasterCard համակարգի քարտերը (63997 քարտ):
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները