Չորեքշաբթի, 7 Ապրիլի 2010 15:34

2010 թվականի առաջին եռամսյակում Արդշինինվեստբանկն ապահովել է մասնավոր տրանսֆերտների 3.9 տոկոսանոց աճ

ԱրմԻնֆո. 2010 թվականի առաջին եռամսյակում Արդշինինվեստբանկը, անցյալ տարվա նույն ժամանակաշրջանի համեմատ, ապահովել է մասնավոր տրանսֆերտների 3.9% աճ, հասցնելով 26.7 մլն.դոլարի: Այս մասին ԱրմԻնֆո գործակալության թղթակցին հաղորդել է Արդշինինվեստբանկի վճարահաշվարկային և ավանդային ծառայությունների վարչության ղեկավար Տիգրան Շահինյանը:

Նրա խոսքերով, միայն ընթացիկ տարվա մարտին բանկի մասնավոր փոխանցումների ծավալը կազմել է 10.7 մլն.դոլար, գերազանցելով 2009 թվականի նույն ժամանակահատվածի ցուցանիշը 11%-ով: Նա տեղեկացրել է, որ մասնավոր փոխանցումների ամենամեծ ծավալներն ապահովել են Ռուսաստանը`65% և ԱՄՆ`15%:

Տ.Շահինյանի խոսքերով, ներկայումս բանկը բանակցում է երկու խոշոր միջազգային վճարային համակարգերի հետ, որոնց հետ համագործակցությունը մտադիր է սկսել այս տարվա ամռանից: Ներկայումս Արդշինինվեստբանկն աշխատում է Contact, MoneyGram, Migom, IntelExpress, RIA, ՙԲիստրայա պոչտա՚, միջազգային համակարգերի, ինչպես նաև համագործակցում է ռուսական ՙՍոցգորբանկի՚ և ՙՍբերբանկի՚ հետ:

Միաժամանակ, զրուցակիցը հայտնել է, որ մինչև մայիսի 15-ը բանկը IntelExpress համակարգի հետ ակցիա է իրականացնում, որի շրջանակներում, նշված համակարգով փոխանցումներ իրականացնողները և ստացողները կստանան միջազգային զանգերի քարտեր:

Հիշեցնենք, որ ներկայումս Արդշինինվեստբանկն ունի 55 մասնաճյուղ, որոնցից 13-ը գործում է Երևանում, 36-ը շրջաններում և 6-ը` ԼՂՀ-ում, ինչպես նաև` մեկ ներկայացուցչություն Փարիզում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2010 թվականի առաջին եռամսյակում Արդշինինվեստբանկն ապահովել է մասնավոր տրանսֆերտների 3.9 տոկոսանոց աճ