Երեքշաբթի, 20 Ապրիլի 2010 20:34

Գրիար Ինշուրանս՚ ապահովագրական ընկերությունը վերականգնում է կորցրածը

Գրիար Ինշուրանս՚ ապահովագրական ընկերության ապահովագրական պրեմիաների ծավալը 2010 թվականի առաջին եռամսյակում կազմել է 66 մլն.դրամ, 52%-ով գերազանցելով 2009 թվականի առաջին եռամսյակի ցուցանիշը:
Ընդ որում, ընկերությանը հաջողվել է կրճատել նախաճգնաժամային մակարդակի համեմատ եղած տարբերությունը և երկամյա դինամիկայով վերցրած (2008 թվականի առաջին եռամսյակի համեմատ) ընկերության մուտքերի անկումը կազմել է 38%: Հատուցումների ծավալը տարվա կտրվածքով կրճատվել է ավելի քան 2 անգամ, կազմելով 5 մլն.դրամ:

Ըստ ընկերության հաշվետվությունների, հաշվետու ժամանակահատվածում հավաքագրված ապահովագրական պրեմիաների կազմում դժբախտ դեպքերից ապահովագրության պրեմիաների ծավալը կազմել է 24%, գույքի ապահովագրության պրեմիաների ծավալը`23%, տրանսպորտային միջոցների ապահովագրության պրեմիաների ծավալը`22%, իսկ պատասխանատվության ապահովագրության պրեմիաներինը`15%: Ապահովագրական պրեմիաների նվազագույն ծավալ է արձանագրվել երաշխիքների տրամադրման ապահովագրության հատվածում, ինչը պայմանավորված է եղել ՀՀ ԿԲ կողմից նորմատիվների խստացումով:

Հաշվետու ժամանակահատվածում ընկերությունը կապիտալը համալրել է, հասցնելով այն 12.115 մլրդ.դրամի: Ակտիվներն կազմել են 1.3 մլրդ.դրամ, պահուստները`145 մլն.դրամ: Ընկերության մաքուր շահույթը 2010 թվականի ապրիլի 1-ի դրությամբ կազմել է 94.8 մլն.դրամ, տարվա կտրվածքով կրճատվելով 33%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Գրիար Ինշուրանս՚ ապահովագրական ընկերությունը վերականգնում է կորցրածը