Չորեքշաբթի, 5 Մայիսի 2010 12:38
ՙԱռէկսիմբանկ-Գազպրոմի խումբ՚-ը որոշել է դառնալ կորպորատիվ բանկինգի առաջատար
ԱրմԻնֆո. ՙԱռէկսիմբանկ-Գազպրոմի խումբ՚-ի գլխավոր տնօրենի տեղակալ Վիգեն Բարսեղյանի հարցազրույցը ԱրմԻնֆո գործակալությանը
ՙԱռէկսիմբանկ-Գազպրոմի խումբ՚-ի բաժնետերերն անցյալ տարվա վերջին հաստատեցին Բանկի, մինչև 2012 թվականը ռազմավարական զարգացման նոր ծրագիրը: Այդ առիթով բանկի առջև մի շարք նոր խնդիրներ են դրվել, որոնց լուծումները հնարավորություն կտան ոչ միայն նշանակալից կերպով բարելավել ֆինանսական ցուցանիշները և փոխել իր դիրքերը բանկային հատվածում, այլ նաև ընդլայնել ծառայությունների փունջը, այդ թվում նաև կորպորատիվ ծառայությունների շուկայում: Նոր ռազմավարության և նախատեսված պլանների մասին մանրամասնություններ է ներկայացնում ՙԱռէկսիմբանկ-Գազպրոմի խումբ՚-ի գլխավոր տնօրենի տեղակալ Վիգեն Բարսեղյանը:
Պրն. Բարսեղյան, ինչո՞ւմն էր նոր ռազմավարության մշակման անհրաժեշտությունը: Ո՞րն է դրա յուրօրինակությունը և նորույթը բանկի համար:
Բանկի զարգացման նոր ռազմավարության մշակումն ու հաստատումը համահունչ է Հայաստանի ֆինանսական շուկայում մեր բաժնետիրոջ ունեցած նպատակներին: Համաշխարհային ֆինանսատնտեսական ճգնաժամը ստեղծեց պայմաններ, երբ ակնհայտ դարձավ բանկի գործունեության մեջ որոշակի ճշգրտումներ կատարելու անհրաժեշտությունը` մեր առջև դրված նպատակներին հասնելու և մարտահրավերներին դիմակայելու համար: Բանկի մենեջմենտն արդեն այսօր մեծ ուշադրություն է դարձնում հաճախորդներին մատուցվող ծառայությունների որակը բարձրացնելու հարցերին, համապատասխանեցնելով այն Գազպրոմբանկի կողմից սահմանված բարձր ստանդարտներին, մեծ ուշադրություն է դարձնու նաև ռիսկ-մենեջմենտի քաղաքականության ներդրմանը, ինչպես նաև կառավարման որակի համապատասխանեցմանը ISO ստանդարտներին: Ընդ որում, զարգացման նոր ռազմավարությունը, ի տարբերություն նախորդի, իր նպատակային խնիրների շարքում նախատեսում է մինչև 2012 թվականը բանկի ինտենսիվ աճ, ռեսուրսային բազայի ավելացում և, ընդհանրապես, ֆինանսական բոլոր ցուցանիշների աճ: Նման մոտեցումը բանկին հնարավորություն է տալիս դառնալ համակարգաստեղծ ֆինանսական կառույց մասնաճյուղերի լայն ցանցով, շուկայում ունենալով բարձր դիրքեր, գործնականում, բոլոր ծառայությունների գծով:
ՙԱռէկսիմբանկ-Գազպրոմի խումբ՚-ը միշտ էլ աչքի է ընկել ֆիզիկական անձանց վարկավորմամբ: Սակայն, համաձայն նոր ռազմավարութունը հատուկ շեշտադրել է խոշոր կորպորատիվ հաճախորդների սպասարկումը: Չե՞ք գտնում արդյոք, որ կորպորատիվ հաախորդների շուկայում այդքան էլ շատ ազատ տեղեր չկան և այդ հատվածում կա լուրջ մրցակցություն:
Ռուսական Գազպրոմբանկի Հայաստան մտնելով մեր ամենակարևոր խնդիրներից մեկը հանդիսացավ խոշոր կորպորատիվ հաճախորդների նեգրավումը: Այդ պատճառով էլ մենք նախատեսում ենք մասնակցել հանրապետության Ջերմաէներգետիկ համակարգի զարգացմանն ուղղված խոշոր նախագծերին, այդ թվում նաև իր մեկնարկին սպասող` Վերակառուցման և զարգացման եվրոպական բանկի (EBRD) էներգախնայողության ծրագրին: Գազպրոմբանկի, որպես ֆինանսաարդյունաբերական խմբի, հնարավորությունների օգտագործումը նույնպես ընդլայնում է մեր համագործակցության հորիզոնները արդյունաբերության ռազմավարական ոլորտը ներկայացնող ձեռնարկություններ հետ: Խոշոր կորպորատիվ հաճախորդների ներգրավման նպատակով մենք արդեն ակտիվորեն օգտագործում ենք ռուսական Գազպրոմբանկի հնարավորությունները Հայաստանի տարածքում խոշոր նախագծերի նպատակային ֆինանսավորման ուղղությամբ: Բացի այդ, կորպորատիվ հատվածի հետ հետագա համագործակցության հարցում մենք մտադիր ենք ձեռնարկություններին սպասարկման ներգրավել միջազգային վարկային ծրագրերի շրջանակներում, փոքր և միջին բիզնեսը ֆինանսավորելու նպատակով:
Կուզենայի նշել, որ ներկայումս մեր բանկը հանդիսանում է Կենտրոնական բանկի փոքր և միջին բիզնեսի զրգացմանը տրամադրված վարկերի վերաֆինանսավորման նպատակային ծրագրի ամենաակտիվ մասնակիցներից մեկը, գտնվելով Հայաստանի բանկային համակարգի առաջատարների եռյակում: Ներկայումս ՓՄՁ ֆինանսավորման նոր աղբյուրների շարքում մենք քննարկում ենք EBRD-ից Համաշխարհային բանկից միջոցների ներգրավումը, որոնց հետ արդեն բանակցություններ են ընթանում: Միջազգային կառույցների հետ համագործակցությունը հատաքրքիր է ոչ միայն ստացված ֆինանսավորման, այլ նաև մեզ համար նոր տեխնոլոգիաների օգտագործման, վարկառուի նկատմամբ համակարգային մոտեցման և աշխատակիցների ուսուցման առումով:
Զրուցեց Ասլանյան Լիլիթ
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները