Երեքշաբթի, 11 Մայիսի 2010 16:45
ՀՀ ԿԲ 2010 թվականի համար կանխատեսում է մասնավոր սպառումների 3.7% աճ
ԱրմԻնֆո. ՀՀ Կենտրոնական բանկը 2010 թվականին մասնավոր հատվածի ծախսերը վերանայել է դեպի աճի կողմը: Ինչպես նշված է ԿԲ 2010 թվականի երկրորդ եռամսյակի դրամավարկային քաղաքականության ծրագրում, կանխատեսումը վերանակվել է ելնելով այն բանից, որ համաշխարհային և ներքին տնտեսությունների վերականգնման տեմպերը ակտիվացել են:
Համաձայն վերանայված կանխատեսումների, ընթացիկ տարում սպասվում է մասնավոր ծախսերի աճ, որը պայմանավորված է ինչպես մասնավոր սպառման ծավալների, այնպես էլ մասնավոր ներդրումների աճով: Մասնավոր ներդրումները տարվա ընթացքում կաճեն 11.8%` կապված տնտեսական իրավիճակի նկատմամբ տնտեսվարող սուբյեկտների սպասումների բարելավման, տրանսֆերտների ավելացման և արտաքին ու ներքին պահանջարկների աստիճանաբար վերականգնման հետ: Ընդ որում, մասնավոր սպառման աճն ընթացիկ տարում կկազմի 3.7%, կապված մասնավոր եկամուտների ծավալների աճի հետ: Մասնավոր ծախսերի իրական աճի հետ միասաին 2010 թվականին կնվազի մասնավոր ծախսերի ու դրանց պոտենցիալ մակարդակի միջև եղած դեֆիցիտը, որը ձևավորվել էր 2009 թվականին, ճգնաժամի հետևանքով: Միաժամանակ, 2011 թվականի առաջին եռամսյակում մասնավոր ծախսերը կհավասարվեն դրանց պոտենցիալ մակարդակի հետ, զրոյացնելով դեֆիցիտը: Այս ամենից ելնելով, 2010 թվականին նասնավոր ծախսերը սպառողական շուկայի վրա կձևավորեն դեֆլյացիոն ճնշումներ`0.3-0.6% սահմաններում:
Այս ամենով հանդերձ, 2010 թվականին սպասվում է ապրանքների և ծառայությունների արտահանումների 25-30% աճ: Ընդ որում, ապրանքների և ծառայությունների արտահանումների իրական աճը կտատանվի 4-6% սահմաններում: Սակայն, ապրանքների և ծառայությունների ներկրումը դոլարային արտահայտությամբ, ընթացիկ տարում, կաճի 12-15%, ապրանքների և ծառայությունների ներկրումների 4.6% իրական աճի համեմատ:
Արդյունքում, 2010 թվականին կարելի է սպասել, որ ընթացիկ հաշվի հարաբերությունը ՀՆԱ նկատմամբ կպահպանվի նախորդ տարվա մակարդակի վրա`14-16% սահմաններում:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները