Հինգշաբթի, 10 Հունիսի 2010 19:03

«Առէկսիմբանկ Գազպրոմբանկի Խումբը ուժեղացնում է քարտային բիզնեսը

ԱրմԻնֆո. Արդեն երկու տարի է, ինչ «Առէկսիմբանկ Գազպրոմբանկի Խումբը վճարային ծառայություններ է մատուցում «ԳազՔարդՍերվիսե պրոցեսինգային կենտրոնի միջոցով, որը պատկանում է մայր` Գազպրոմբանկին: Արդ ժամանակամիջոցում բանկին հաջողվել է ոչ միայն էապես ավելացնել իր քարտերի թիվն ու տրանսակցիաների ծավալները, այլ նաև գործարկել օրիգինալ քարտային նոր պրոդուկտներ: Եվ սա դեռ ամենը չէ: Մինչև 2012 թվականի ավարտը բանկը մտադիր է խորացնել իր ներկայությունը վճարային քարտերի շուկայում: Այս մասին ԱրմԻնֆո գործակալությանը տրված հարցազրույցում ավելի հանգամանորեն է պատմում «Առէկսիմբանկ Գազպրոմբանկի Խումբ ՓԲԸ գլխավոր տնօրենի տեղակալ Ռուբեն Խաչատրյանը:

Պրն.Խաչատրյան, ինչպիսին է բանկի կողմից թողարկված քարտերով ցուցանիշների դինամիկան, անցյալ տարվա համեմատ:

Բանկը շարունակում է մեծ ուշադրություն դարձնել վճարային քարտերով մատուցվող ծառայությունների վրա: Հունիսի 1-ի դրությամբ մեր կողմից թողարկված քարտերի թիվը, անցյալ տարվա նույն ժամանակահատվածի համեմատ աճել է 30%, կազմելով 64011 քարտ, որոնց մեջ միջազգային Visa համակարգի քարտերը կազմել են 58176 քարտ, իսկ մնացածը` կազմել են MasterCard համակարգի քարտերը: Դրա հետ մեկտեղ, հունիսի 1-ի դրությամբ բանկի գործող ակտիվ քարտերի թիվն ընդհանուր առմամբ կազմել է 19428 քարտ, ինչը 3000 քարտով ավելի է նախորդ տարվա նույն ժամանակահատվածի ցուցանիշից: Visa և MasterCard համակարգերի քարտերի թվերի միջև եղած մեծ տարբերությունը պայմանավորված է նրանով, որ սկզբում մենք դարձանք Visa համակարգի անդամ և 2002 թվականից սկսեցինք այդ քարտերի թողարկումը, և միայն 4 տարի անց` 2006 թվականից սկսեցինք թողարկել նաև MasterCard համակարգի քարտերը: Ի դեպ, երկու համակարգերում էլ մենք ունենք լիիրավ սկզբունքային անդամի կարգավիճակ, այսինքն շարունակում ենք այդ համակարգերի քարտերի թողարկումն ու սպասարկումը: Բացի այդ, մենք հանդիսանում ենք նաև տեղական ArCa վճարային համակարգի անդամ` սպասարկող բանկի կարգավիճակով: Ինչ վերաբերում է բանկի բանկոմատներում ու թերմինալներում ArCa քարտերով իրականացվող գործարքներին, ապա 2009 թվականի առաջին հինգ ամիսներին դրանց ծավալները կազմել են մոտ 15 մլն.դրամ, իսկ ընթացիկ տարվա նույն ժամանակահատվածում այդ ցուցանիշը արդեն կտրուկ աճել է, կազմելով 224 մլն. դրամ:

Դրա հետ մեկտեղ, ներկայումս բանկն ունի 43 գործող բանկոմատ, որոնցից 29-ը տեղադրված է Երևան քաղաքում, մնացածը` Հայաստանի տարբեր շրջաններում: Առևտրի կետերի քանակը, որտեղ տեղադրված են բանկի POS-թերմինալները, ներկայումս 78-ն են: Ընդ որում. եթե նախկինում POS-թերմինալները սովորական քարտերից բացի սպասարկում էին նաև Visa համակարգի չիպային քարտեր, ապա վերջերս բանկը MasterCard համակարգում անցել է սերթիֆիկացիոն գործընթացը, որպեսզի կարողանա սպասարկել նաև այդ համակարգի չիպային քարտերը:

Հայտնի է, որ բանկը մշակել է մինչև 2012 թվականը զարգացման նոր ռազմավարություն, ի՞նչ դեր է հատկացվել այնտեղ քարտային հատվածի համար:

Պլաստիկ քարտերը հատվածը հանդիսանում է մեր բիզնեսի գերակայություններից մեկը, որին բավական մեծ տեղ է հատկացված բանկի ռազմավարության ծրագրում: Այսպես, մինչև 2012 թվականը մենք մտադիր ենք մեր ներկայությունն ավելի խորացնել պլաստիկ քարտերի շուկայւմ: Իսկ այդ ուղղությամբ աշխատանքներն այս տարվանից արդեն իրականացվում են: Ընթացիկ տարում նախատեսված է 12500 քարտերի թողարկում, որոնց մի մասն արդեն թողարկվել է առաջին հինգ ամիսներին, այդ թվում նաև «Ռուսալ-Արմենիաե գործարանի հետ խոշոր աշխատավարձային նախագծի գործարկման շնորհիվ: Մինչև 2012 թվականը, ամենապեսիմիստական կանխատեսումներով, բանկի ակտիվ քարտերի քանակը նախատեսվում է հասցնել 40 հազարի: Կուզենայի տեղեկացնել, որ առաջիկայում մենք պատրաստվում ենք թողարկել մեր սեփական տեղական վճարային քարտերը: Ինչպես հայտնի է, անցյալ տարվա դեկտեմբերից Առեկսիմբանկը հանդիսանում է նոր, բոնուսային կուտակային «Նուրե ծրագրի ֆինանսական գործակալը, որի շրջանակներում այդ քարտերի բոլոր քարտապանները սպասարկման կետերում կատարած գործարքներից որոշակի բոնուսներ էին կուտակում, ստանալով հատուկ պարգևներ: Առաջիկա շաբաթների ընթացքում «Նուրե բոնուսային քարտը կփոխարինվի Առեկսիմբանկի թողարկված նոր վճարային քարտով, որը նախատեսված կլինի բոլոր բանկոմատներում և առևտրի/սպասարկման կետերում նաև կոմունալ վճարների իրականացման համար, հանդիսանալով կուտակային նոր համակարգի մասնակից: Սկզբնական փուլուն նախատեսում ենք թողարկել 1000 քարտ:

Մեր կանխատեսումներով, բանկի քարտերով տրանսակցիաների ծավալները Հայաստանում և երկրի սահմաններից դուրս մինչև 2012 թվականը, կհասնեն 32 մլրդ.դրամի:

Համաձայն զարգացման ռազմավարության ծրագրի, մինչև 2012 թվականը բանկոմատների քանակը նախատեսվում է հասցնել 60-ի, այդ թվում, առաջիկա ամսում նախատեսում ենք տեղադրել 5 նոր բանկոմատ: POS-թերմինալների քանակը մինչև 2012 թվականը մտադիր ենք հասցնել առնվազն`250-ի:

Նախատեսվո՞ւմ է արդյոք կանխիկ դրամ ընդունող բանկոմատների (cash-in) տեղադրում

Առայժմ մենք մտադիր չենք տեղադրել cash-in բանկոմատներ, քանի որ ներկայումս շուկան պասիվորեն է արձագանքում այդ բանկոմատներին, ինչն, իմ կարծիքով, կապված է թղթադրամների և նոմինալների հետ կապված որոշակի ռիսկերի հետ:

Ինչպիսի՞ն են «Առեկսիմբանկ-Գազպրոմբանկի Խումբ ՓԲԸ անցումը «ԳազՔարդՍերվիսե-ի պրոցեսինգային կենտրոնին: Վերջերս դիտվում են այնպիսի միտումներ, իբր թե բանկերը ձգտում են աստիճանաբար հեռանալ ArCa-ի ընդհանուր ինտերֆեյսից: Ինչպիսի՞ն է Ձեր կարծիքը այդ երևույթի մասին:

Գտնում եմ, որ ArCa համակարգի ստեղծման գաղափարը ժամանակին էր ու ճշմարիտ: Ինչ վերաբերում է մյուս բանկերի նպատակներին, ապա նման տեղեկություններ մենք չունենք: Հաշվի առնելով հայկական շուկայական իրականությունը կարելի է ասել, որ ArCa համակարգը բանկերի համար հանդիսանում է ամենաօպտիմալ տարբերակը, քանի որ թողարկված քարտերի ներկայիս քանակն ու տրանսակցիաների ներկայիս ծավալները թույլ չեն տալիս ծածկել այն ծախսերը, որոնք անհրաժեշտ են սեփական պրոցեսինգ ստեղծելու և այն զարգացնելու համար: Բացի այդ, ներկայումս Հայաստանում գոյություն ունի պրոցեսինգի գծով բարձրակարգ կադրերի պակաս: Իսկ մեր բանկում այդ փորձը կա, քանի որ 2004 թվականից մենք ունեցել ենք սերթիֆիկացված պրոցեսինգային կենտրոն, և մենք պատկերացնում ենք պրոցեսինգի ողջ բարդությունն ու առավելությունները: Անկասկած, սեփական պրոցեսինգի առկայությունը լի է մի շարք առավելություններով, առաջին հերթին ապահովելով մեծ օպերատիվություն և սպասարկման որակ: Մենք սկսեցինք գործել «ԳազՔարդՍերվիսե-ի հետ 2008 թվականի սեպտեմբերից և սկսած այդ օրվանից, նրա հետ համատեղ մշտապես մշակում ենք նոր քարտային նախագծեր: Այսպես, 2009 թվականից մենք մեր քարտապաններին շարժական կապի հեռախոսների համար առաջարկում ենք «Տելեքարդե համակագի ծառայությունները, որոնք SMS-հաղորդագրությունների միջոցով հնարավորություն են տալիս վճարային քարտերը հեշտությամբ կառավարել, կատարել փոփոխություններ ու վերահսկել քարտերով կատարվող գործարքները: Բացի այդ, ընթացիկ տարվա ապրիլից մեր բանկի քարտերն ստանալ ցանկացողները կարող են այն պատվիրել նաև Ինտերնետով`մեր բանկի կայքից և բանկ այցելել միայն պատրաստի քարտն ստանալիս:

Ներդրվել է նաև բանկոմատների միջոցով քարտից քարտ գումարների փոխանցման ծառայությունը, ընդ որում, եթե ներկայումս փոխանցումները կարելի էր կատարել միայն Առեկսիմբանկի կողմից թողարկված քարտերի միջև, ապա մինչև տարեվերջ այդ ծառայության միջոցով Առէկսիմբանկի քարտից հնարավոր կլինի փոխանցումներ կատարել նաև Գազպրոմբանկի և այլ բանկերի քարտերին: Այդ ծառայությունն ինչ-որ առումով կփոխարինի վճարահաշվարկային համակարգերի միջոցով կատարվող դրամական փոխանցումներին:

Խոսելով վճարահաշվարկային համակարգերի մասին և ընդհանրապես տրանսֆերտների մասին, կուզենայի հարցնել, թե ինչպիսի՞ն է այսօր բանկի միջոցով իրականացվող փոխանցումների դինամիկան և ինչպիսի՞ն են մինչև 2012 թվականը կանխատեսումները:

Տրանսֆերտների ընդհանուր ծավալները մեր բանկում, ճգնաժամային պայմանների հետևանքով, վերջին մեկ-մեկուկես տարում կրճատվեցին 35-40%: Այս տարի դիտվում է աշխուժացում, ինչպես նաև մեր բանկի միջոցով կատարվող դրամական փոխանցումների ծավալների աճ: Ներկայումս մենք համագործակցում ենք դրամական փոխանցումների 4 միջազգային համակարգերի հետ`Contact, Leader, «Բիստրայա Պոչտաե, MoneyGram, այս տարի պլանավորում ենք համագործակցություն սկսել ևս երկու համակարգերի հետ, որոնցից մեկը` Migom համակարգն է: Համաձայն կանխատեսումների, մինչև 2010 թվականի ավարտը, ֆիզիկական անձանց տրանսֆերտների շրջանառությունը մեր բանկում կկազմի 29 մլրդ.դրամ, իսկ 2011 թվականի ավարտին`40 մլրդ.դրամ:

Լիլիթ Ասլանյան

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

«Առէկսիմբանկ Գազպրոմբանկի Խումբը ուժեղացնում է քարտային բիզնեսը