Ուրբաթ, 2 Հուլիսի 2010 17:24
UNIStream շրջանառությունը Հայաստանում 2010 թվականի առաջին եռամսյակում կազմել է 216.5 մլն.դոլար
ԱրմԻնֆո. Դրամական փոխանցումների UNIStream միջազգային համակարգի շրջանառությունը Հայաստանում ընթացիկ տարվա հունվար-հունիս ամիսներին կազմել է 216.5 մլն.դոլար, այն ժամանակ, երբ 2009 թվականի նույն ժամանակահատվածում այս ցուցանիշը կազմել է 216.7 մլն.դոլար: Իսկ UNIStream համակարգի դրամական փոխանցումների քանակը 2010 թվականի առաջին կիսամյակում կազմել է 321305 փոխանցում, նախորդ տարվա նույն ժամանակահատվածի 307543 փոխանցման համեմատ:
Ինչպես ԱրմԻնֆո գործակալությանը տեղեկացրել են Յունիբանկի մամուլի ծառայությունից, UNIStream համակարգը շարունակում է մնալ Հայաստանի դրամական փոխանցումների շուկայի առաջատարը:
ԱրմԻնֆո գործակալությանը տրված հարցազրույցում Յունիբանկի Վարչության նախագահ Վարդան Աթայանը նշել է, որ Հայաստանի տրանսֆերտների շուկան քանակական առումով ցուցադրում է աճի միտումներ, սակայն դրամական փոխանցումների բացարձակ ծավալը նախորդ տարիների նկատմամբ կրճատվում է: ՙԵթե UNIStream համակարգի շրջանառությունը 2009 թվականի հունիսին կազմել է 50.2 մլն.դոլար իսկ տրանսակցիաների քանակը`65.3 հազար, ապա 2010 թվականի հունիսին այս ցուցանիշը կազմել է 49.8 մլն.դոլար իսկ.տրանսակցիաների քանակը` 67.2 հազար: Այս իրավիճակը վկայում է, այն մասին, որ մենք հաճախորդների արտահոսք չենք ունեցել, սակայն մեկ փոխանցման միջին չափը 1000 դոլարից կրճատվել է մինչև 500-600 դոլար, քանի որ ճգնաժամի հետևանքով կրճատվել են Ռուսաստոնում, Ուկրաինայում և այլ երկրներում աշխատող մեր հայրենակիցների եկամուտները՚,-ընդգծել է նա:
Համաձայն աղբյուրի, UNIStream համակարգը 3000 USD, EUR և 100000 RUR ավելի ծավալով փոխանցումների սակագներն իջեցրել է մինչև 0.45%: Իսկ դրանից ցածր ծավալներով փոխանցումներինը`1%: Եթե Ռուսաստանից դրամական փոխանցումն իրականացվում է ՀՀ դրամով, ապա սակագինը, անկախ գումարի չափերից, կազմում է 35%: Այս սակագները գործում են, եթե փոխանցումներն իրականացվում են ռուսական ՙՅունիստրիմ՚, ՙՅունիաստրում՚ բանկերի և ՙՅունիբանկի՚ սեփական կետերի միջև: Փոխանցումները Հայաստանւմ UNIStream համակարգով իրականացվում են Յունիբանկի բոլոր 33 մասնաճյուղերից, որոնցից երեքը`ՙԱմիրյան՚, ՙԿոմիտաս՚ և ՙՄալաթիա՚ մասնաճյուղերը հաճախորդներին սպասարկում են 9:15-ից մինչև 20:30:
TUMO և Astana Hub. դու՝ ինձ, ես՝ քեզ
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները