Չորեքշաբթի, 18 Օգոստոսի 2010 14:57
Ֆինանսական հաշտարարի միջնորդային առաքելությունը լիովին հաջողված է:
ԱրմԻնֆո. Հայաստանի ֆինանսական հաշտարար Փիրուզ Սարգսյանի հարցազրույցը ԱրմԻնֆո գործակալությանը:
Տիկին Սարգսյան, ինչպիսի՞ հաջողություններով եզրափակեց ֆինանսական հաշտարարի ինստիտուտը 2010 թվականի առաջին կիսամյակը: Որքան բողոքներ են ստացվել ընդհանրապես, և դրանցից քանիսո՞վ է կայացվել դրական որոշում: Ի՞նչ բնույթի հարցեր են պարունակել այդ բողոքները:
2010 թվականի առաջին կիսամյակում Հայաստանի ֆինանսական հաշտարարի գրասենյակի հիմնական նվաճումը, դա նախորդ տարվա համեմատ բողոք-հայտերի թվի մեծացումն է: Այսպես, եթե 2009 թվականին մենք ստացել ենք ընդամենը 60 գրավոր բողոք, ապա 2010 թվականի առաջին կիսամյակում այս ցուցանիշը կրկնապատկվել է: Առայժմ դժվար է կանխատեսել հետագա միտումները, սակայն, եթե անգամ այս տեմպերը պահպանվեն, դա մեզ լիովին կբավարարի:
Ես նվաճում կհամարեի նաև այն, որ մեր հաճախորդները, որոնք օգտվել են ֆինանսական ծառայություններից, մեր գրասենյակ այցելելիս արդեն հստակ պատկերացնում են իրենց նպատակներն ու ակնկալիքները: Իսկ մեր գործունեության սկզբում իրավիճակը ճիշտ հակառակն էր ¥ֆինանսական հաշտարարի ինստիտուտը գործում է 2009 թվականի հունվարից¤, երբ քաղաքացիները մեզ էին դիմում ցանկացած հարցերով, չիմանալով ֆինանսական հաշտարարի ինստիտուտի նպատակների և առաքելության մասին, որը կայանում է ֆինանսական ծառայություններից օգտվողների և կոնկրետ ֆինանսական կազմակերպությունների միջև ծագող խնդիրների ուսումնասիրման և լուծմամ մեջ:
Այսօր գրասենյակը քաղաքացիների կողմից բողոքներ առավելապես ստանում է բանկերի, ապահովագրական և վարկային կազմակերպությունների գծով: Ընդ որում, բողոքների մոտ 58% բավարարվում են հաճախորդի օգտին: Բողոքների բնույթը բավականին տարբեր է, քանի որ վերաբերում են ֆինանսական կազմակերպությունների կողմից առաջարկվող ծառայությունների բոլոր տեսակներին:
Ձեր կարծիքով, շուկայի մասնակիցները ¥բանկերը, ապահովագրական և վարկային կազմակերպությունները և այլն¤ ինչպե՞ս են վերաբերվում ֆինանսական հաշտարարի ինստիըուտին: Նրանցից ոմանք ժամանակին դժգոհում էին, կապված այդ ինստիտուտի գոյատևման նպատակով ամենամսյա պարտադիր ֆիքսված վճարների իրականացման հետ: Վերանայվե՞լ են արդեն այդ վճարների չափերը, կամ արդյո՞ք հնարավոր է, որ դրանք վերանայվեն:
Շուկայի մասնակիցները ¥բանկերը, ապահովագրական ընկերությունները, վարկային կազմակերպությունները և այլն¤ մեր գործունեության սկզբում մեր նկատմամբ արտահայտեցին անորոշ վերաբերմունք, սակայն դա երկար չտևեց: Արդյունքում, բոլորն էլ հասկացան, որ որ այս ինստիըուտը ոչ միայն լուծում է հաճախորդների ու ֆինանսական կազմակերպությունների միջև ծագած վեճերը, այլ նաև բարձրացնում է ֆինանսական միջնորդության մակարդակը Հայաստանում, ինչը կարևորագույն խնդիր է երկրի համար: Հիշեցնեմ, որ ֆինանսական հաշտարարի գրասենյակին կատարվող պարտադիր վճարները սահմանված են օրենսդրորեն:
Ինչպիսի՞ն է Հայաստանի մարզերից և մայրաքաղաքից ստացված բողոք-հայտերի հարաբերակցությունը: Ինչպե՞ս են լուծվում մարզերից ստացված բողոքները: Ֆինանսական հաշտարարի ինստիտուտն արդյո՞ք ունի իր ներկայացուցչություններն ու մասնաճյուղերը մարզերում:
Մարզերից մենք ունենում ենք շատ քիչ բողոքներ, քանի որ բողոքների հիմնական բաժինը գալիս է Երևանից: Ֆինանսական հաշտարարի ինստիըուտը, որպես կանոն, բաժանմունքներ չի ունենում: Օրինակ, Մեծ Բրիտանիայում, իր հսկայական մասշտաբներով ու բազմաթիվ հաճախորդներով հանդերձ, ֆինանսական հաշտարարի գրասենյակը գործում է միայն Լոնդոնում, իսկ մյուս քաղաքների բնակիչները գրասենյակին են դիմում էլեկտրոնային նամակների և հեռախոսազանգերի միջոցով, կամ`անձամբ այցելում են Լոնդոն: Մենք ցանկանում ենք մեզ մոտ ներդնել այդ փորձը, սակայն մարզրի բնակիչները քիչ են օգտվում Ինտերնետ-կապից, մենք նրանց հետ հիմնականում շփվում ենք հեռախոսով: Մենք, մեր կողմից, պարբերաբար այցելում ենք մարզեր, բանկերի մասնաճյուղերի աշխատակիցների հետ անց ենք կացնում սեմինարներ, նրանց ներկայացնում ենք մեր գործունեությունը, իսկ մինչ այդ, մեր այցելության մասին նախապես հայտարարություններ ենք անում տեղական հեռուստաալիքներով, որպեսզի հարցերով մեզ դիմելու ցանկություն ունեցող քաղաքացիները կարողանան օգտվել իրենց ընձեռված հնարավորություններից: Այն դեպքում, երբ բողոքը ենթական է մեր կողմից քննարկման, մենք դրանք ընդունում ենք մարզերում, իսկ հետագա գործընթացը շարունակում ենք Երևանում: Հետագայում հաճախորդի հետ շփվում ենք հեռախոսով, կամ էլ` կոմունիկացիոն այլ միջոցներով:
Ինչպիսի՞ հաճախականությամբ են իրականացվում սեմինարները, և ո՞ր մարզերում:
Մենք շարունակում ենք մեր սեմինարների իրականացումը Հայաստանի մարզերում: Մասնավորապես, առաջիկայում պատրաստվում ենք սեմինարներով շրջագայել Սյունիքի մարզի քաղաքներում` Սիսիանում, Գորիսում և Մեղրիում: Մինչ այդ սեմինարներ էին անցկացվել Լոռիում, Շիրակում, Գեղարքունիքում, Տավուշում և Վայոց Ձորում: Այդ սեմինարները նվիրված են, առաջին հերթին, ֆինանսական կազմակերպությունների աշխատակիցներին մեր գործունեությանն իրազեկելուն, որոնք էլ իրենց հերթին, հաճախորդներին սպասարկելիս, նրանց կտեղեկացնեն ֆինանսական հաշտարարի ինստիտուտի գոյության, ինչպես նաև այն մասին, որ պրոբլեմներ առաջանալիս նրանք կարող ն դիմել ֆինանսական հաշտարարին:
Ֆինանսական հաշտարարի աշխատակազմի գործունեությունը պահանջում է իրավաբանական և ֆինանսական բարձր պատրաստություն: Ի՞նչ կասեիք այս մասին:
Ֆինանսական հաշտարարի գրասենյակն ունի հոգաբարձուների իր Խորհուրդը, որը հաստատում է ներքին բոլոր կանոննրն ու կարգավորումները, որոնցով ղեկավարվում են աշխատակիցներն իրենց գործունեության ընթացքում: Կադրերին մենք ընտրում ենք մրցույթով, որի մասին հայտարարվում է նախօրոք: Այսօր մենք ունենք բարձրակարգ, երիտասարդ մասնագետներ, որնք կրթվել են ինչպես Հայաստանում, այնպես էլ արտասահմանում: Մի խոսքեվ, մենք ընդունում ենք իրենց գործի գիտակներին:
Հայտնի է, որ Ռուսաստանը նույնպես քննարկւմ է ֆինանսական հաշտարարի ինստիտուտ ստեղծելու հարցը: Այդ առիթով, Ձեզ հետ տեղի են ունենում բանակցություններ, չէ՞ որ հայտնի է, որ ԱՊՀ երկրներում նույնպես դեռևս չկա նման ինստիտուտ:
Մոտ մեկուկես ամիս առաջ մեզ դիմեցին Ռուսաստանի Ազգային Բանկային Ամսագրի մասնագետները: Այդ ամսագրի գլխավոր խմբագիրը On-line հարցազրույց տվեց, որը տպագրվեց ամսագրի հուլիսյան համարում: Վերջերս մեզ դիմեց նաև Ռուսաստանի Բանկերի Ասոցիացիայի նախագահ Գարեգին Թոսունյանը: Նա մեր գրասենյակ այցելեց օգոստոսի 13-ին: Այդ այցելության շրջանակներում նրան ներկայացրեցինք Հայաստանում ֆինանսական հաշտարարի ինստիտուտի գործունեությանը և քննարկեցինք բազմաթիվ հարցեր: Ընդհանուր առմամբ, նկատվում է ռուսական կողմի լուրջ հետաքրքրությունը, կապված համագործակցության հետ, քանի որ նրանք մտադիր են Ռուսաստանում ստեղծել նման ինստիտուտ, ինչպիսին Հայաստանում է:
Մենք նախնական պայմանավորվածություն ունենք նաև Ուկրաինայի հետ, այն մասին, որ որպեսզի մեր փորձը ներկայացնենք աշնանը Կիևում տեղի ունենալիք` ՙԱրտադատական կարգավորման փորձը ֆինանսական ծառայությունների ոլորտում՚ կոնֆերանսում:
Արթուր Ասլանյան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%