Երեքշաբթի, 23 Նոյեմբերի 2010 23:21
Հայաստանի տնտեսությունը շարունակում է կախված մնալ ներմուծումներից, գտնում է ՎՏԲ-Հայաստան Բանկի ղեկավարը:
ԱրմԻնֆո. Հայաստանի տնտեսությունը շարունակում է կախված մնալ ներմուծումներից: Այսօր նման կարծիք է արտահայտել ՎՏԲ-Հայաստան Բանկի Գլխավոր տնօրեն-Տնօրինության նախագահ Վալերի Օվսյաննիկովը: ՙԴա զգալի ռիսկ է, որն ազում է շուկայի, ինչպես նաև ազգային տարադրամի կանխատեսումների, և նաև բանկային հատվածի կողմից ֆինանսավորումների վրա՚,-նկատել է նա: Նրա կարծիքով, Հայաստանի ՀՆԱ աճի, ինչպես նաև ինֆլյացիայի դեմ պայքարելու համար անհրաժշտ է ուշադրություն դարձնել հայրենական արտահանող-արտադրողների վարկավորման ակտիվացման վրա:
Նա նշել է, որ 2010 թվականի երկրորդ կիսամյակում ՎՏԲ-Հայաստան Բանկը որոշում է ընդունել վերականգնել ֆիզիկական անձանց վարկավորման ակտիվ գործընթացը: Բանկի հաճախորդներն այսօր արդեն հնարավորություն ունեն ստանալ բոլոր տեսակի վարկեր, այդ թվում ավտոմեքենա (ինչպես նոր, այնպես էլ օգտագործված), տուն ձեռք բերելու, վերանորոգման և այլ սպառողական կարիքների համար: Բանկը նաև տրամադրում է նոր պրոդուկտ` վարկային քարտեր` վճարման արտոնյալ ժամանակահատվածով:
2010 թվականին բանկն իր ծառայություններն է մատուցել ավելի քան 236 հազար ֆիզիկական անձանց և մոտ 5 հազար իրավաբանական անձանց` փոքր, միջին և խոշոր բիզնեսի ներկայացուցիչներին: Ֆիզիկական անձանց միջոցները բանկում ավելացել են 38,3%-ով 2010 թվականի տարեսկզբի համեմատությամբ` հասնելով 31,330 մլն. ՀՀ դրամի: Ֆիզիկական անձանց վարկային փաթեթը ավելացել է 23,8 %, -ով` կազմելով 29,527 մլն. ՀՀ դրամ:
2010 թվականի սկզբից բանկի կողմից թողարկված վճարային քարտերի քանակը ավելացել է 39%-ով` հասնելով 88 000: 2010 թվականի սեպտեմբերի 30-ի դրությամբ ՎՏԲ-Հայաստան Բանկի բանկոմատների քանակը կազմում է 58 հատ, իսկ POS-տերմինալների քանակը գրեթե կրկնապատկվել է մինչև 382:
Ընդհանուր առմամբ, 30.09.2010թ. բանկի մասնաբաժինը շուկայում կազմել է 8.2% վարկերի գծով և 7.05% ավանդների գծով: Իսկ զուտ եկամտով ՎՏԲ-Հայաստան Բանկը զբաղեցնում է առաջին տեղը ՀՀ բանկային համակարգում:
ՙՎՏԲ-Հայաստան բանկ՚ ՓԲԸ գործում է 2004 թվականից (2006 թվականի հունիսից ՎՏԲ բրենդի տակ), իրականացնում է գործունեություն 1996թ. ՀՀ կենտրոնական բանկի կողմից տրամադրված բանկային գործունեություն ծավալելու թիվ 64 լիցենզիայի հիման վրա:
2010թ. սեպտեմբերի 30-ի դրությամբ բանկի մասնաճյուղերի ցանցը բաղկացած էր ՀՀ ողջ տարածքում գործող 68 մասնաճյուղերից, դրանցից 24-ը Երևանում և 44-ը մարզերում:
Իրավաբանական անձանց տրամադրվող ծառայությունների ոլորտում բանկը տրամադրում է բանկային ծառայությունների լայն շրջանակ, այդ թվում` խոշոր (կորպորատիվ) և միջին բիզնեսի վարկավորում, արտաքին առևտրային գործարքներ, սինդիկացիոն վարկեր, ավանդներ և դրամարկղահաշվարկային ծառայություններ, դեպոզիտար ծառայություններ, ինչպես նաև լիզինգ և գանձապետական ծառայություններ, որոնք առաջարկվում են միջին և խոշոր ձեռնարկություններին և ֆինանսական կազմակերպություններին: Ֆիզիկական անձանց առաջարկվող ծառայությունները ներառում են վարկավորում անհատներին և փոքր բիզնեսին, ավանդներ, դրամային փոխանցումներ, պլաստիկ քարտեր և մի շարք այլ բանկային ծառայություններ:
2010թ. սեպտեմբերի 30-ի դրությամբ բանկն ունի մոտ 762 աշխատակից:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները