Երկուշաբթի, 6 Դեկտեմբերի 2010 19:25
Այսօր ապահովագրողների օրակարգում ապահովագրական բիզնեսի հեղինակության բարձրացման հարցն է
ԱրմԻնֆո. «Ռոսգոսստրախ Արմենիա» ապահովագրական ընկերության գործադիր տնօրեն Գագիկ Գրիգորյանի հարցազրույցը ԱրմԻնֆո լրատվական գործակալությանը
Պրն. Գրիգորյան, վերջերս Հայաստանի ապահովագրական շուկայում նկատվում են ապահովագրական ընկերությունների կոնսոդիլացման միտումներ: Տարեսկզբին այդ միտումներին միացավ նաև «Ռոսգոսստրախ-Արմենիան», կուլ տալով «Լոնդոն-Երևան» ապահովագրական ընկերությունը:
Այդ գործարքը մի փոքր այլ բնույթի էր, քան «կուլ տալը»: Իրականում տեղի է ունեցել «Լոնդոն-Երևան» ընկերության ապահովագրական պորտֆելի փոխանցում: Նման գործարքները Հայաստանում, որպես կանոն, տեղի են ունենում ոչ այնքան դասական սխեմաներով, հետևաբար, այդ ամենից բացի, մեզ անցավ նաև «Լոնդոն-Երևան» ընկերության կադրային ողջ ներուժը, իսկ ընկերության աշխատակիցներից ոչ ոք չազատվեց աշխատանքից:
Իսկ այսօր Ձեր ընկերությունը նախատեսո՞ւմ է նմանատիպ նոր գործարքներ:
Այսօր, երբ մենք խոսում ենք ապահովագրական ընկերության, նրա ցանցի և հաճախորդների բազայի մասին, ապա դա մի փոքր չափազանցված է, ինքներդ էլ գիտեք: Միաձուլման կամ կուլ գնալու հետ կապված գործարքները, բիզնեսի տեսանկյունից վերցրած, նախատեսում են որոշակի նոր ուղղությունների ստեղծում, հաճախորդների բազայի ձեռքբերում և շատ այլ բաներ: Հետևաբար, խոսել հնարավոր միաձուլումների կամ կուլ գնալու մասին կարելի է խոսել միայն երկրում ԱՊՊԱ ինստիտուտի կայացումից հետո, երբ շուկայում գործող բոլոր ապահովագրական ընկերություններն էլ կունենան հաճախորդների իրենց սեփական բազան ու ապահովագրական պորտֆելը, որը հնարավոր կլինի ճիշտ գնահատել:
Պրն.Գրիգորյան, ԱՊՊԱ ներդրումը շատ թանկ է նստում ապահովագրողների վրա: Չե՞ն առաջանա արդյոք որոշակի դժվարություններ, ապահովագրական ընկերությունների կողմից իրենց պարտավորությունները կատարելիս: Չէ՞ որ, բացի նրանից, որ այդ պրոդուկտը մեծ ծախսեր է պահանջում, այն համարվում է նաև վնաասաբեր:
«Ռոսգոսստրախ» ընկերությունը վնասների կարգավորման նպատակով շաբաթական ծախսում է 37 մլն.դոլար: Այսօր Հայաստանի ապահովագրական շուկայի ծավալը, այդ թվում նաև ավիացիոն ապահովագրությունը (առանց ԱՊՊԱ-ի), կազմում է ընդամենը 20 մլն. դոլար: Եվ եթե անգամ Հայաստանի ապահովագրական շուկան ԱՊՊԱ-ի պատճառով հայտնվի վատթարագույն վիճակում, ապա «Ռոսգոսստրախ» ընկերության ներուժն ավելի քան բավարար է, նման իրավիճակից դուրս գալու համար:
Իսկ այս պրոդուկտի եկամտաբերության կամ վնասաբերության մասին քիչ թե շատ ստույք պատասխաններ կունենանք միայն 2011 թվականի վերջում: Սակայն, ապահովագրական ընկերություններն իրականացրել են իրենց սեփական ակտուարական հաշվարկները, որոնց համաձայն` ԱՊՊԱ սակագները պետք է լինեին սահմանվածից բարձր, առնվազն 30%-ով:
Այսինքն, չի բացառվում, որ առաջիկայում ապահովագրական սակագները կբարձրանան:
Եթե վնասաբերությունը լինի բարձր, ապա կառաջանա սակագների վերանայման խնդիրը:
Իսկ ինչպիսի՞ն կլինի վնասաբերությունը, Ձեր գնահատականներով:
Ներկայումս գնահատականները շատ սուբյեկտիվ են, քանի որ մենք չունենք տվյալներ, որոնք թույլ կտային կատարել ճշգրիտ հաշվարկներ: Հատևաբար, այս ցուցանիշի տատանողականությունը շատ մեծ է` 65%-ից մինչև 85%, և դրանք միայն «մաքուր» հատուցումներն են, առանց ԱՊՊԱ պայմանագրի սպասարկման ծախսերի:
Ո՞րքան պայմանագրեր է ընկերությունն արդեն կնքել և որքանո՞վ այդ թիվը կփոխվի մինչև տարեվերջ:
Մենք մտադիր ենք գրավել ԱՊՊԱ շուկայի առնվազն 20%-ը: Նախորդ շաբաթվա տվյալներով մենք արդեն կնքել էինք 8 հազար պայմանագիր:
Ինչպե՞ս է փոփոխվել ԿԱՍԿՈ պայմանագրով ապահովագրվող վարորդների թիվը:
Առայժմ ոչ այնքան շատ, սակայն վարորդների կողմից հետաքրքրությունը բավականին մեծացել է:
Ըկերությունն ո՞ւնի բավականաչափ գնահատողներ, ԱՊՊԱ պայմանագրերն ամբողջովին սպասարկելու համար:
Գնահատողների ինստիտուտը նույնպես պետք է ենթարկվի որոշակի փոփոխությունների: Ապահովագրական բոլոր ընկերություններն էլ Հայաստանում գործել են դժվարին պայմաններում, շատ հաճախ նաև գործող օրենքներին հակառակ: Սակայն, ինչո՞ւ ապահովագրական ընկերությունները չեն նախաձեռնել ինստիտուցիոնալ փոփոխություններ, չեն կատարել երկարաժամկետ ներդրումներ, ինչ-որ երկարաժամկետ նախագծեր: Որովհետև, բիզնեսի տեսանկյունից վերցրած, իրականում, այդ ամենը հետաքրքրություն չի ներկայացրել և տնտեսապես եղել է անարդյունավետ: Տեսեք թե ինչ աժիոտաժ և ինչպիսի փոփոխություններ է առաջացրել միայն ԱՊՊԱ-ն: Այս ինստիտուտը երկրում կայանալուց հետո Հայաստանի բոլոր ապահովագրական ընկերություններն էլ անպայման կստեղծեն սեփական ենթակառույցները, այդ թվում նաև գնահատող կազմակերպությունները: Բոլոր ապահովագրողներն էլ ունեն զարգացման իրենց սեփական ռազմավարությոունը, ինչ-որ մեկը մի բան անում է ավելի լավ, իսկ մյուսը` մի ուրիշ բան: Հետևաբար, միանշանակ է, որ շուկան կփոփոխվի դեպի լավը: Իսկ շուկայում տեղի ունեցող բոլոր գործընթացները պետք է հանգեն մեկ կարևորագույն խնդրի` ապահովագրական բիզնեսի հեղինակության բարձրացմանը: Դա ապահովագրական շուկայի բոլոր մասնակիցների խնդիրն է: Ուրախությամբ կարող եմ նշել, որ ապահովագրողներն արդեն սկսել են գիտակցել դա, ստեղծվել է որոշակի կոլեգիալություն, ինչը թույլ կտա պատշաճ մակարդակի հասցնել ապահովագրական դաշտի իմիջը:
Մի փոքր հեռանանք ԱՊՊԱ-ից, ապահովագրության որ՞ տեսակներն ունեն զարգացման մեծ ներուժ:
Դեռևս 2 տարի առաջ, մեր գնահատականներով, Հայաստանում ապահովագրված էր պոտենցիալ ռիսկերի 0.4%-ը: Միանշանակ է, որ ԱՊՊԱ-ն ընդամենը առաջին զարկը կտա ապահովագրական շուկայի զարգացմանը: Սկզբնական փուլում ԱՊՊԱ ներդրումը շուկայի համար կլինի հզոր իմպուլս, սակայն ապագայում այդ շուկան աստիճանաբար կսահմանափակվի, քանի որ մեքենաների քանակն անսահամանափակ չի կարող աճել: Հետևաբար, միանշանակ է, որ ապահովագրության բոլոր տեսակներն էլ ունեն աճի հսկայական ներուժ, մանավանդ, որ դրանց զարգացումը թույլ կտա ցանկացած տնտեսության աճի համար ձևավորել «երկար փողեր»:
Բաբայան Էլիտա
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները