Չորեքշաբթի, 29 Դեկտեմբերի 2010 12:59
ՀՀ ԿԲ նախագահ. Մենք պետք է լինենք վճռական, սպասվող մարտահրավերներին դիմակայելու համար
Արմինֆո. 2010 թվականին Հայաստանի Ֆինանսական համակարգի խոշորագույն մասնակից բանկային համակարգը ապահովել է մոտ 30 մլրդ դրամ շահույթ, ինչպես նաև ակտիվների 17%, կապիտալի 14% և վարկերի 25% աճ: Այս մասին նշել է
ՀՀ կենտրոնական բանկի նախագահ պարոն Արթուր Ջավադյանը Կենտրոնական
բանկում 2010 թվականի տարեմուտի ավանդական ընդունելության ժամանակ կայացրած իր ելույթում:
Նա նշել է, որ երկրում աճել է ֆինանսական միջնորդության մակարդակը: Բանկային համակարգի ակտիվները ներկայումս կազմում են ՀՆԱ-ի 46%-ը, ինչը նախորդ տարվա համեմատ ավելացել է 4.1 տոկոսային կետով, իսկ 2008 թ-ի համեմատ` 18 տոկոսային կետով: Միջնորդության աճին նպաստել է նաև օտարերկրյա ինստիտուցիոնալ ներդրողների կողմից մոտ 80 մլրդ դրամ զուտ ներհոսքը, որը, ի հավելումն բանկերի ներքին ռեսուրսների, ուղղվել է վարկային շուկա` խթանելով մրցակցային միջավայրի ընդլայնմանը և տոկոսադրույքների նվազմանը: Ի դեպ, պետք է արձանագրել, որ այսօր արդեն առանձին բանկեր թափանցիկ և զարգացման հեռանկար ունեցող բիզնեսներին առաջարկում են վարկեր նույնիսկ 9-ից 10 տոկոս տարեկան տոկոսադրույքով, ասել է Ա.Ջավադյանը:
ՙ2010 թվականի մարտից իրականացվում է Հանրապետության Նախագահի նախընտրական ծրագրով նախատեսված` ՙԵրիտասարդ ընտանիքներին մատչելի բնակարան՚ տրամադրված հիփոթեքային վարկերի վերաֆինանսավորումը, ինչը մեծ ծրագրի ներքո սոցիալական նշանակություն ունի նորաստեղծ ընտանիքների համար: Հիփոթեքային շուկայում մեծ է նաև Ազգային հիփոթեքային ընկերության դերը, որը 2010 թվականին շարունակել է ակտիվ գործունեությունը: Ընթացքի մեջ է գտնվում սոցիալական ուղղվածության ևս մեկ ծրագիր, այն է` հիփոթեքային ծրագիր երիտասարդ գիտնականների համար: Օրեր առաջ ընդունվել է կենսաթոշակային բարեփոխումների իրականացումն ապահովող օրենքների փաթեթը, որի հիման վրա Հայաստանում 2011 թվականից կներդրվի կամավոր, իսկ 2014 թվականից` պարտադիր կուտակային կենսաթոշակային բաղադրիչը: Այս բարեփոխումները ունեն մեծ սոցիալական նշանակություն և ուղղված են բնակչության պատշաճ կենսամակարդակի
պահպանմանը նաև կենսաթոշակի անցնելուց հետո՚,-նշել է ԿԲ նախագահը:
Նա նշել է նաև, որ հեռանկարային և կառուցվածքային բարեփոխումները արդիական են նաև ֆինանսական համակարգի համար, և 2010 թվականը բացառություն չէր: Կենտրոնական բանկն ի սկզբանե որդեգրել է այն մոտեցումը, որ Հայաստանյան ֆինանսական համակարգը կարող է կայուն զարգացում ապահովել միմիայն վերջինիս կենսագործունեությանն անհրաժեշտ կառույցների և ենթակառուցվածքների ներդրման և կայացման պայմաններում: Գաղտնիք չէ, նշել է նա, որ ցանկացած նոր բարեփոխում հղի է նորանոր ռիսկերով, և շատերը դիմադրում են փոփոխություններին, սակայն ճգնաժամը կրկին ապացուցեց, որ որևէ համակարգ չի կարող ամուր կանգնել, եթե չունի արդյունավետ կառուցակարգային հիմքեր:
ԿԲ նախագահի կարծիքով, տարվա ռեֆորմային կարևոր նվաճումներից է Ավտոտրանսպորտային միջոցների օգտագործումից բխող պատասխանատվության պարտադիր ապահովագրության համակարգի մեկնարկը. որն ունի կարևոր սոցիալական և տնտեսական նշանակություն: Նշված համակարգի ներդրման արդյունքում ճանապարհատրանսպորտային պատահարի հետևանքով վնաս կրած քաղաքացիներին կապահովվի պատշաճ փոխհատուցում: նա գտնում է, որ հայ հասարակությունում կձևավորվի ապահովագրական մշակույթ, ինչը մի կողմից կնպաստի մատուցվող ծառայությունների տեսականու ընդլայնմանը, իսկ մյուս կողմից կբարձրացնի առաջարկվող պրոդուկտների որակը և գործընթացների ուղղությամբ: արդյունավետությունը: Նա նաև հավելել է, որ այսօր աշխատանքներ են իրականացվում նաև ապահովագրության կարևորագույն մեկ այլ տեսակի` բժշկական ապահովագրության ներդրման ուղղությամբ:
Վերջում Ա.Ջավադյանը շնորհակալություն է հայտնել ՀՀ նախագահ Ս.Սարգսյանից ֆինանսական համակարգի զարգացման և մակրոտնտեսական կայունության ապահովման հարցերում ցուցաբերած հետևողական և կառուցողական աջակցության համար:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%