Չորեքշաբթի, 12 Հունվարի 2011 18:27

ԱՊՊԱ ներդրման պահից սկսած հայաստանյան ապահովագրողները գրանցել են 567 ԱՃՊ

Արմինֆո. Ավտքաղաքացիական Պատասխանատվության Պարտադիր Ապահովագրության ներդրման պահից սկսած հայաստանյան ապահովագրողները գրանցել են 567 Ավտոճանապարհայի Պատահար: Այս մասին ԱրմԻնֆո գործակալությանը տեղեկացրել է Հայաստանի Ավտոապահովագրողների Բյուրոի գործադիր տնօրեն Վահան Ավետիսյանը: Նա նշել է, որ ապահովագրական ընկերությունները ֆիզիկապես չեն հասցնում իրականացնել ապահովագրված ավտոմեքենաների վերաբերյալ տվյալների մուտքագրումը, մշակումը և ընդհանրացումը, հետևաբար, Բյուրոն դեռևս չունի բավարար տեղեկատվություն ինչպես ապահովագրողների, այնպես էլ առանձին ապահովագրական պատահարների վերաբերյալ:

Ըստ ԱրմԻնֆո գործակալության տվյալների, Հայաստանի ապահովագրական ընկերությունները հունվարի 1-10-ը տեղի ունեցած ապահովագրական պատահարներով ապահովադիրներից ստացել են ընդամենը 208 գրավոր դիմում: Հեռախոսային ամենաշատ դիմումները գրանցել է Ռոսգոսստրախ Արմենիան`130 դիմում, որոնցից 44-ը եղել են գրավոր: Նրան հետևում է ԻՆԳՈ Արմենիան` 115 հեռախոսազանգ, որոնք բոլորն էլ գրավոր ձևակերպվել են: Երրորդ տեղում ՌԵՍՈ ապահովագրական ընկերությունն է`103 հեռախոսազանգ, սակայն գրավոր դիմումներ դեռ չեն եղել: Այնուհետև գալիս են` Գարանտ-Լիմենսը` 58 հեռախոսազանգ և 4 գրավոր, Նաիրի Ինշուրանսը` 50 հեռախոսազանգ և 14 գրավոր, Սիլ Ինշուրանս` 58 հեռախոսազանգ և 18 գրավոր, Կասկադ Ինշուրանս` 40 հեռախոսազանգ և 10 գրավոր, ՌԱՍԿՈ` 35 հեռախոսազանգ և 3 գրավոր:

Վ.Ավետիսյանը հիշեցրել է, որ ապահովագրական հատուցումն իրականացվում է 3 օրվա ընթացքում: Այսպիսով, առաջին ապահովագրական հատուցումների իրականացումը կսկսվի այսօրվանից: Նա գտնում է, որ անհամաձայնություններ և բողոքներ, անկասկած, կլինեն, սակայն բացառվում է ապահովագրական հատուցման մերժումը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.50	-0.01
USD	382.75	0.26
EUR	447.21	-0.30
GBP	517.32	-0.42
CAD	275.70	-0.31
JPY	25.87	-0.06
CNY	53.73	0.02
CHF	478.68	-0.69

Նորություններ

ԱՊՊԱ ներդրման պահից սկսած հայաստանյան ապահովագրողները գրանցել են 567 ԱՃՊ