Երկուշաբթի, 31 Հունվարի 2011 16:32
2010 թվականին Հայաստանի առևտրային բանկերի վարկային ներդրումներն ավելացել են 26 տոկոսով` մինչև 2.6 մլրդ դոլար
Արմինֆո. 2010 թվականին Հայաստանի առևտրային բանկերի վարկային ներդրումների ծավալն ավելացել է 26% և 2011 թվականի հունվարի 1-ի դրությամբ կազմել 941.5 մլրդ դրամ (2.6 մլրդ դոլար): 2010 թվականի դեկտեմբերին Հայաստանի առևտրային բանկերի վարկային ներդրումներն ավելացել են 4,5%: Իսկ առանց երկարաձգված և ժամկետանց վարկերը հաշվի առնելու` վարկային ներդրումները կազմել են 891.8 մլրդ դրամ (2.4 մլրդ դոլար)` դեկտեմբերին ավելանալով 4,6%:
ՀՀ ազգային վիճակագրական ծառայությունից ԱրմԻնֆո գործակալությանը տրամադրված ՀՀ ԿԲ նախնական տվյալների համաձայն, առևտրային բանկերի վարկային պորտֆելում (առանց հաշվի առնելու երկարաձգված և ժամկետանց վարկերը) դրամային վարկերին բաժին է ընկել 43% կամ 383.4 մլրդ դրամ, իսկ արտարժութային վարկերին` 57% կամ
508.4 մլրդ դրամ: 2010 թվականին դրամային վարկավորումն ավելացել է 8,6% (2010 թվականի դեկտեմբերին` 4,4% աճ), իսկ արտարժութային վարկավորումը` 36,8% (դեկտեմբերին` 4,8% աճ):
2011 հունվարի 1-ի դրությամբ առևտրային բանկերի վարկերի կառույցում երկարաձգված վարկերի տեսակարար կշիռը կազմել է 4,8% կամ 45.8 մլրդ դրամ, ժամկետանց վարկերինը` 0,4% կամ 3.7 մլրդ դրամ: 2010 թվականին երկարաձգված վարկերի ծավալն ավելացել է 3 անգամ (դեկտեմբերին` 5,3% աճ), ժամկետանց վարկերի ծավալը տարեկան կտրվածքով կրճատվել է 36,4% (դեկտեմբերին` 20,1% անկում):
Երկարաձգված վարկերի կառույցում հիմնական ծավալը բաժին է ընկել կարճաժամկետ վարկերին` 87,5% կամ 40 մլրդ դրամ: Ժամկետանց վարկերի պորտֆելում գրեթե ողջ ծավալը նույնպես բաժին է ընկել կարճաժամկետ վարկերին: Աղբյուրի համաձայն, 2010 դեկտեմբերին Հայաստանի առևտրային բանկերի դրամային վարկերի գծով տոկոսադրույքները 19,52%-ից նվազել են մինչև 18,9%, իսկ տարեկան կտրվածքով` 0,1 տոկոսային կետով:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները