Երեքշաբթի, 1 Մարտի 2011 14:56

2011թ.հունվարին Հայաստանի առևտրային բանկերի կողմից ներգրավված ավանդների ծավալները տարվա կտրվածքով աճել են 7.4 տոկոսով, կազմելով 697.6 մլրդ.դրամ

ԱրմԻնֆո. Հայաստանի առևտրային բանկերի կողմից ներգրավված ավանդների ծավալը հունվարին աճել է 0.7%, տարվա կտրվածքով` 7.4%, փետրվարի 1-ի դրությամբ կազմելով 697.6 մլրդ. դրամ կամ 1.9 մլրդ. դոլար: Ներգրավված ավանդների ընդհանուր կազմում ՀՀ դրամով ներգրավված ավանդների բաժինը կազմել է 29.7% կամ 207.6 մլրդ. դրամ (571 մլն. դոլար), իսկ արտարժույթով ներգրավված ավանդների բաժինը կազմել է 70.3% կամ 1.35 մլրդ.դոլար (490.4 մլրդ.դրամ): ՀՀ դրամով ավանդների տեսակարար կշիռը հունվարին կրճատվել է 1.3 տոկոսային կետով:

ՀՀ ԿԲ նախնական տվյալներով, որը Արմինֆո գործակալությանն է տրամադրվել
ՀՀ Ազգային վիճակագրական ծառայության կողմից, ոչ ռեզիդենտներից ներգրավված ավանդների ծավալը կազմել է 16% կամ 111.2 մլրդ.դրամ (հունվարին անկումը կազմել է 3.5%): Դրանց կազմում դրամային ավանդները կազմել են 5.8%, մինչև 7.3 մլրդ.դրամ, իսկ արտարժույթով ներգրավված ավանդների ծավալը կազմել է 4% կամ 103.8 մլրդ. դրամ:

Ռեզիդենտներից ներգրավված ավանդների ծավալը կազմել է 84% կամ 586.4 մլրդ.դրամ, որտեղ 199.8 մլրդ.դրամը`ՀՀ դրամով ավանդներն են, իսկ 386.6 մլրդ.դրամը` արտարժույթով ներգրավված ավանդները: Ռեզիդենտներից ներգրավված ավանդների կազմում ցպահանջ ավանդները կազմել են 37% կամ 216.7 մլրդ.դրամ, իսկ ժամկետային ավանդները` 53% կամ 369.7 մլրդ.դրամ:

Բնակչության ավանդների մնացորդը 2011 թվականի փետրվարի 1-ի դրությամբ կազմել է 356.2 մլրդ.դրամ, կրճատվելով ամսվա կտրվածքով` 0.1%, իսկ տարվա կտրվածքով` 21.3%:

Աղբյուրի համաձայն, 2011 թվականի հունվարին ՀՀ դրամով ներգրավված ավանդների տոկոսադրույքները իջել են, տարեկան` 8.76%-ից մինչև 8.74%, իսկ տարվա կտրվածքով` 0.5% տոկոսային կետով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

2011թ.հունվարին Հայաստանի առևտրային բանկերի կողմից ներգրավված ավանդների ծավալները տարվա կտրվածքով աճել են 7.4 տոկոսով, կազմելով 697.6 մլրդ.դրամ