Հինգշաբթի, 31 Մարտի 2011 15:23

2011 թվականի մարտին ինֆլյացիան Հայաստանում կազմել է 0.8%, իսկ հունվար-մարտ ամիսներին` 5.2%

ԱրմԻնֆո. Հայաստանում 2011 թվականի մարտին, փետրվարի համեմատ գրանցվել է 0.8% իֆլյացիա: Ինչպես ԱրմԻնֆո գործակալությանը տեղեկացրել են ՀՀ Ազգային վիճակագրական ծառայությունից, 2011 թվականի հունվար-մարտ ամիսներին ինֆլյացիան կազմել է 5.2%, ինչը հիմնականում պայմանավորված է եղել Հայաստանի պարենային շուկայում տեղի ունեցած գների 7.9% ¥այդ թվում ալկոհոլը և ծխախոտը¤, ոչ պարենային ապրանքների` 0.9% ինֆլյացիա, և ծառայությունների սակագների 2.5% աճով:

Աղբյուրի համաձայն, 2011 թվականի մարտին Հայաստանի պարենային շուկայում գրանցվել է 0.8%, ոչ պարենային շուկայում` 0.5% և ծառայությունների մատուցման ոլորտում` 0.9% ինֆլյացիա:

2011 թվականի մարտին, 2010 թվականի նույն ժամանակահատվածի համեմատ հանրապետությունում սպառողական գների ինդեքսը կազմել է 111.5%, այդ թվում, պարենային ապրանքների ինդեքսը (այդ թվում ալկոհոլը և ծխախոտը)`115.5%, ոչ պարենային ապրանքների ինդեքսը`103.8%, ծառայությունների սակագների ինդեքսը` 108.4%: 2011 թվականի հունվար-մարտ ամիսներին, 2010 թվականի նույն ժամանակահատվածի համեմատ այս ցուցանիշները համապատասխանաբար կազմել են` 111.1%, 115.2%, 103.5% և 107.6%: Գների միջին աճը հունվար-մարտ ամիսներին կազմել է 1.7%, 0.7 տոկոսային կետով գերազանցելով նախորդ տարվա նույն ժամանակահատվածի ցուցանիշներին:

2011 թվականի մարտին հանրապետության հետազոտվող քաղաքներում սպառողական գների աճը տատանվել է 0.2-2.7% սահմաններում: Ընդ որում, Երևանում սպառողական գների աճը կազմել է 0.5%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2011 թվականի մարտին ինֆլյացիան Հայաստանում կազմել է 0.8%, իսկ հունվար-մարտ ամիսներին` 5.2%