Ուրբաթ, 1 Ապրիլի 2011 16:16

Հայաստանի դրամական բազան փետրվարին կրճատվել է 2.5%

ԱրմԻնֆո. Հայաստանի դրամական բազան 2011 թվականի փետրվարին կրճատվել է 2.5%, 2011 թվականի մարտի 1-ի դրությամբ կազմելով 482 մլրդ.դրամ կամ 1.3 մլրդ.դոլար: Ըստ ՀՀ Ազգային վիճակագրական ծառայությունից ԱրմԻնֆո գործակալությանը տրամադրված` ՀՀ ԿԲ նախնական տվյալների, տարվա կտրվածքով Հայաստանի դրամական բազան աճել է 7.8%:

Դրամական բազայի կազմում բանկային համակարգից դուրս կանխիկ դրամական միջոցները փետրվարին կրճատվել են 0.2%, մարտի 1-ի դրությամբ կազմելով 312.4 մլրդ. դրամ: Դրամական պարտադիր պահուստների տեսակարար կշիռը դրամական բազայի ընդհանուր ծավալներում կազմել է 19.5% կամ 94.2 մլրդ.դրամ, աճելով հաշվետու ամսում 41.4%, իսկ տարվա կտրվածքով` մոտ 3 անգամ: Պարտադիր արտարժութային պահուստների բաժինը կազմել է դրամական ընդհանուր բազայի 13%-ը կամ 62.5 մլրդ. դրամ, 2010 թվականի փետրվարին նվազելով 11%, իսկ տարվա կտրվածքով` 2 անգամ:

Աղբյուրի տվյալներով, արտաքին պահուստների չափերը 2011 թվականի փետրվարին կրճատվել են 3.2%, մինչև 414.1 մլրդ.դրամ (տարվա կտրվածքով անկումը կազմել է 13.3%): Ներքին ակտիվների չափերը 2011 թվականի փետրվարին աճել են մոտ 2 անգամ, 2011 թվականի մարտի 1-ին կազմելով 67.9 մլրդ.դրամ:

Ներքին ակտիվների կազմում կառավարության հանդեպ պահանջների գծով գրանցվել է 103.3 մլրդ.դրամի բացասական ցուցանիշ, փետրվարին աճելով 18.3%: Ներքին ակտիվների ընդհանուր ծավալներում բանկերի նկատմամբ պահանջների բաժինը կազմել է 67.8 մլրդ. դրամ աճելով 0.8%: Ներքին ակտիվների կազմում ՌԵՊՈ-պայմանագրերով գործարքների ծավալը փետրվարին կրճատվել է 0.1%, մինչև 6.035 մլրդ. դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի դրամական բազան փետրվարին կրճատվել է 2.5%