Հինգշաբթի, 28 Ապրիլի 2011 18:52

ՀՀ ԿԲ Նախագահ. Ապրիլին տարեկան ինֆլյացիան չի անցնի 10 տոկոսից

Արմինֆո. Ապրիլին տարեկան ինֆլյացիան կարձնագրվի միանիշ թվով, կամ կմոտենա 10%-ին: Այսօր ՀՀ Կենտրոնական բանկում, ՀՀ Նախագահի հետ կայացած քննարկումից հետո, լրագրողներին հայտարարել է ՀՀ ԿԲ նախագահ Արթուր Ջավադյանը: Նա հիշեցրել է, որ մարտին տարեկան ինֆլյացիան կազմել է 11.5%:

Նրա կանխատեսումներով, տարեվերջին ինֆլյացիան կկազմի տարեսկզբին արձանագրված մակարդակի կեսը: ՙեթե միջազգային կոնյունկտուրան պահպանվի նույն մակարդակի վրա, իսկ ագրարային հատվածում գրանցվի մեր կողմից ակնկալվող աճը, ապա տարեվերջին ինֆլյացիան կկազմի տարեսկզբի ցուցանիշի կեսը՚,-նշել է Ա.Ջավադյանը:

Անդրադառնալով Հայաստանի բանկային համակարգի ցուցանիշներին, ԿԲ նախագահը ընդգծել է, որ անգամ 2009 թվականին, երբ երկիրը գտնվում էր ֆինանսական ճգնաժամի ազդեցության տակ, այդ իրավիճակից բանկերը դուրս եկան պատվով: Նա ընդգծել է, որ այսօր մենք ունենք բավականաչափ զարգացած, թափանցիկ և նորմալ կարգավորվող բանկային համակարգ:

Անդրադառնալով տրանսֆերտների հարցին, նա նշել է, որ 2011 թվականի հունվար-մարտ ամիսներին, նախորդ տարվա նույն ժամանակահատվածի հաամեմատ, տրանսֆերտների հոսքն աճել է 35%, իսկ մաքուր հոսքը` 25%-ով:

Ա.Ջավադյանը վստահություն է հայտնել, որ այս տարի կհաջողվի երկրում պահպանել մակրոտնտեսական կայունությունը, և ապահովել ֆինանսական համակարգի բավականաչափ լուրջ և լավ ցուցանիշներ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ Նախագահ. Ապրիլին տարեկան ինֆլյացիան չի անցնի 10 տոկոսից