Երկուշաբթի, 20 Հունիսի 2011 20:10
Մինչեւ տարեվերջ Յունիբանկը կտեղադրի 50 նոր բանկոմատ` հասցնելով դրանց քանակը 120-ի
Արմինֆո. Յունիբանկը շարունակում է ամրապնդել իր դիրքերը բանկային քարտերի շուկայում` արձանագրելով քարտային բիզնեսի զարգացման նշանակալի աճ: Ինչպես ԱրմԻնֆո գործակալությանը տեղեկացվել է մամուլի ծառայությունից, 01.06.11թ.-ի դրությամբ Բանկի կողմից թողարկված քարտերի քանակը կազմել է 69 106` գերազանցելով նախորդ տարվա նույն ժամանակահատվածի ցուցանիշը 57.4 %-ով:
Յունիբանկի կողմից թողարկված Visa միջազգային քարտերի քանակը կազմել է 53 163, իսկ ArCa քարտերի քանակը` 15 943: Քարտերի քանակի ավելացումը հիմնականում պայմանավորված է նոր վարկային ծրագրերի իրականացմամբ, որոնց հիմնական նպատակը հաճախորդների սպառողական տարբեր կարիքների բավարարումն է: Յունիբանկում հնարավոր է վարկային քարտ ձեւակերպել բժշկական, տուրիստական, ապահովագրական ծախսերը հոգալու կամ կենցաղային եւ էլեկտրական տեխնիկա ձեռքբերելու, ինչպես նաեւ առօրյա կյանքում անհրաժեշտ այլ տեսակի ապրանքների կամ ծառայությունների դիմաց վճարումներ կատարելու համար: Բանկը վարկային քարտ է առաջարկում է նաեւ ընդհանուր սպառողական նպատակների համար` U-Buy: Այս քարտով հաճախորդը կարող է գնումներ կատարել խանութներում, վճարել ծառայությունների դիմաց կամ կանխիկ գումար ստանալ: Վարկի գումարը կազմում է մինչեւ 1 մլն դրամ, ժամկետը` 24 ամիս: Վարկի տարեկան տոկոսադրույքը կազմում է 22 տոկոս, որը հաշվարկվում է միայն փաստացի օգտագործված գումարի նկատմամբ:
Վարկի ձեւակերպման պարզ գործընթացը եւ վարկառուի հանդեպ նվազագույն պահաջները բարձրացնում են Յունիբանկի քարտերի հասանելիությունը հասարակության լայն շերտերի համար: Վարկային քարտը ձեւակերպելու համար անհրաժեշտ է դիմել Յունիբանկի 37 մասնաճյուղերից մեկը եւ ներկայացնել փաստաթղթերի նվազագույն փաթեթը` անձնագիր, սոցիալական քարտ եւ տեղեկանք աշխատավայրից:
Քարտապանների հարմարավետ սպասարկման նպատակով Բանկն ընդլայնում է նաեւ բանկոմատների ցանցը: Ներկա դրությամբ Բանկի բանկոմատների քանակը կազմում է 70, որոնք տեղադրված են մայրաքաղաքի տարբեր շրջաններում եւ մարզերում: Մինչեւ տարեվերջ Յունիբանկը նախատեսում է շահագործման հանձնել 50 նոր բանկոմատ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները