Չորեքշաբթի, 15 Հունիսի 2011 17:36

Անելիք Բանկը նախորդ տարվա նույն ժամանակահատվածի համեմատ գրանցել է թողարկված պլաստիկ քարտերի եռակի աճ

Արմինֆո. ՙԱնելիք Բանկ՚ ՓԲԸ-ն գրանցել է 184.3 % աճ թողարկված պլաստիկ քարտերի քանակով 2011 թվականի հունվար - մայիս ամիսներին նախորդ տարվա նույն ժամանակահատվածի համեմատ:

Ինչպես ԱրմԻնֆո գործակալությանը տեղեկացվել է Անելիք Բանկի մամուլի ծառայությունից, սույն թվականի հունվար–մայիս ամիսների ընթացքում Անելիք Բանկի կողմից թողարկված պլաստիկ քարտերի քանակը 2010 թվականի ամփոփիչ տվյալների համեմատ աճել է 10.9 %-ով` հասնելով 37,934 պլաստիկ քարտի: Թողարկված պլաստիկ քարտերի քանակով 2010 թվականի նույն ժամանակահատվածի նկատմամբ գրանցվել է 184.3 % աճ:

Աղբյուրի համաձայն, բանկը ավելացրել է նաև իր բանկոմատների քանակը, որոնց թիվը հանրապետությունում այժմ 40 է: Անելիք Բանկի պլաստիկ քարտերով կատարված գործարքների ծավալն նույնպես ընթացիկ տարվա 5 ամիսների ընթացքում աճել է 13.4 %-ով:

ՙՏարեսկզբին Բանկն իր առջև խնդիր էր դրել ավելացնել Անելիք Բանկի պլաստիկ քարտերի քանակը մինչև 50.000-ի: Թողարկված քարտերի քանակի նկատելի աճը թույլ է տալիս կանխատեսել դրված նշաձողի հաղթահարումը մինչև 2011 թվականի ավարտը:
Աշխատավարձային ծրագրերի շրջանակներում թողարկված քարտերի քանակական աճը նշված ժամանակահատվածում կազմել է 30 %: 2011 թվականից Անելիք Բանկը մի շարք այլ բանկերի հետ սկսեց թոշակառուներին կենսաթոշակներ տրամադրել պլաստիկ քարտերով: Բանկի պլաստիկ քարտերով կենսաթոշակ ստանալու դեպքում` հաշվի բացումը, կանխիկացումը և տարեկան սպասարկումը անվճար են, իսկ դրական մնացորդի վրա հաշվարկվում է տարեկան 2% տոկոսադրույք: Կենսաթոշակները ստանալու համար թոշակառուներին տրամադրվում են ArCa Classic կամ Visa Electron տեսակի պլաստիկ քարտեր: Պլաստիկ քարտերի աճին նպաստել է նաև ՙԱրձակուրդային՚ ավանդ բանկային պրոդուկտը: Այս ավանդատեսակով ավանդ ներդնելու դեպքում բացի նրանից, որ ավանդատուները հնարավորություն են ստանում շահելու 2 ուղեգիր դեպի Փարիզ, նաև ստանում են անժամկետ, առանց սպասարկման վճարների MasterCard կամ Visa նվեր պլաստիկ քարտեր: Մինչ 2011 թվականի ավարտը Բանկը պլանավորում է իր քարտապանների համար ներդնել զեղչային համակարգ, ինչը թույլ կտա նրանց լրացուցիչ զեղչերով օգտվել Երևան քաղաքում գործող 200-ից ավելի ընկերությունների ծառայություններից: Թողարկված պլաստիկ քարտերի աճը ևս մեկ անգամ փաստում է պլաստիկ քարտերի շուկայում Անելիք Բանկի ունեցած կայուն դիրքի մասին՚, - ասել է Պլաստիկ քարտերով գործառնությունների վարչության պետ` Աստղիկ Ղասաբյանը:

ՙԱնելիք Բանկ՚ ՓԲԸ-ն հիմնադրվել է 1990թ.-ին, դեռևս 1997 թվականին ստեղծելով սեփական Դրամական Փոխադրումների ՙԱնելիք՚ Համակարգը, որը գործում է աշխարհի գրեթե 90 երկրների 63 000 սպասարկման կետերում: Այն միակն է հայկական բանկերի մեջ, որը ՌԴ-ում ունի ՙԱնելիք Ռու՚ ՍՊԸ դուստր բանկ: Բանկը համագործակցում է ՀՀ-ում գործող գրեթե բոլոր միջազգային վարկային ծրագրերի հետ: Բանկի ակտիվները 2010 թ.-ի արդյունքներով կազմել են շուրջ 60.1 միլիարդ դրամ, վարկային ներդրումները՝ 29.7 միլիարդ դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Անելիք Բանկը նախորդ տարվա նույն ժամանակահատվածի համեմատ գրանցել է թողարկված պլաստիկ քարտերի եռակի աճ