Հինգշաբթի, 30 Հունիսի 2011 15:03

Հայաստանի դրամական բազան 2011 թվականի մայիսին կրճատվել է 2.2%, մինչև 1.3 մլրդ.դոլար

ԱրմԻնֆո: Հայաստանի դրամական բազան 2011 թվականի մայիսին կրճատվել է 2.2%, 2011 թվականի հունիսի 1-ի դրությամբ կազմելով 488.9 մլրդ.դրամ կամ 1.297 մլրդ. դոլար: Ըստ ՀՀ Ազգային վիճակագրական ծառայությունից ԱրմԻնֆո գործակալությանը տրամադրված` ՀՀ ԿԲ նախնական տվյալների, 2011 թվականի հունվար-հունիս ամիսներին Հայաստանի դրամական բազան կրճատվել է 3.6%:

Դրամական բազայի կազմում բանկային համակարգից դուրս կանխիկ դրամական միջոցները մայիսին աճել են 3.4%, հունիսի 1-ի դրությամբ կազմելով 330.6 մլրդ. դրամ: Հունվար-մայիսին այս ցուցանիշ կրճատվել է 5%: Դրամական պարտադիր պահուստների տեսակարար կշիռը դրամական բազայի ընդհանուր ծավալներում կազմել է 18.4% կամ 89.8 մլրդ.դրամ, կրճատվելով մայիսին 12.8%, իսկ հունվար-մայիս ամիսներին` 56.3%: Պարտադիր արտարժութային պահուստների բաժինը կազմել է դրամական ընդհանուր բազայի 11.4%-ը կամ 55.8 մլրդ. դրամ, մայիսին կրճատվելով 12.4%:

Աղբյուրի տվյալներով, արտաքին պահուստների չափերը 2011 թվականի մայիսին կրճատվել են 3.2%, մինչև 375.1 մլրդ.դրամ (հունվար-մայիսին անկումը կազմել է 17.3%):

Ներքին ակտիվների չափերը 2011 թվականի մայիսին աճել են մոտ 1.6%, մինչև 113.7 մլրդ.դրամ: Ներքին ակտիվների կազմում կառավարության հանդեպ պահանջների գծով գրանցվել է 78.2 մլրդ.դրամի բացասական ցուցանիշ, մայիսին աճելով 10.4%: Ներքին ակտիվների ընդհանուր ծավալներում բանկերի նկատմամբ պահանջների բաժինը հաշվետու ամսում կրճատվել է 7.2%, մինչև 81.8 մլրդ. դրամ: Ներքին ակտիվների կազմում ՌԵՊՈ-պայմանագրերով գործարքների ծավալը մայիսին կրճատվել է ավլի քան 2 անգամ, մինչև 9.2 մլրդ. դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.76	0.04
USD	382.28	0.19
EUR	443.94	1.90
GBP	502.81	1.36
CAD	273.14	0.55
JPY	24.72	0.05
CNY	53.87	0.19
CHF	480.49	2.58

Նորություններ

Հայաստանի դրամական բազան 2011 թվականի մայիսին կրճատվել է 2.2%, մինչև 1.3 մլրդ.դոլար