Հինգշաբթի, 30 Հունիսի 2011 20:23

Հայաստանում ոչ պարենային ապրանքների գները 2011 թվականի հունիսին աճել են 0.1%

ԱրմԻնֆո: Հայաստանում ոչ պարենային ապրանքների գները 2011 թվականի հունիսին, մայիսի համեմատ աճել են 0.1%, իսկ հունվար-հունիս ամիսներին` 2.1%:

Ինչպես Արմինֆո գործակալությանը տեղեկացվել է ՀՀ Ազգային վիճակագրական ծառայությունից, ոչ պարենային ապրանքների շուկայում գների հունիսյան թանկացումները հիմնականում պայմանավորված են եղել բենզինի` 1.3% և դիզելային վառելիքի`0.3% գների թանկացումով: 2011 թվականի հունիսին, նախորդ տարվա նույն ժամանակահատվածի համեմատ բենզինը և դիզելային վառելիքը համապատասխանաբար թանկացել են 19.8% և 25.4%-ով, իսկ 2010 թվականի դեկտեմբերի համեմատ` համապատասխանաբար 22.7 և 25.3%-ով:

Միաժամանակ, 2011 թվականի հունիսին գործվածքեղենը թանկացել է 0.1%, անձնական օգտագործման իրերը`0.1%, վառելիքը`0.2%, դեղերը` 0.2%, կոշկեղենը` 0.4%, հագուստը` 0.7%: Միևնույն ժամանակ, 5.9-0.1% իջել են մշակույէի առարկաների, այգոեգործական առարկաների, գրասենյակայի իրերի, ոսկերչական իրերի, շինանյութերի, կենցաղային տեխնիկայի գները: Իսկ կահույքի, գորգերի, խոհանոցային առարկաների, լվացող միջոցների գները չեն փոփոխվել:

ՀՀ հետազոտվող 5 քաղաքներում 2011 թվականի հունիսին, մայիսի համեմատ ոչ պարենային ապրանքների գներն աճել են 0.2-0.9%, 6 քաղաքներում գներն իջել են 0.5-0.1%, իսկ Երևանում աճը կազմել է 0.2%:

Նշենք, որ Հայաստանի սպառողական ապրանքների շուկայում 2011 թվականի հունվար-հունիսին գրանցվել է 3.5% ինֆլյացիա, իսկ միայն հունիսին` 1.4% դեֆլյացիա:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանում ոչ պարենային ապրանքների գները 2011 թվականի հունիսին աճել են 0.1%