Ուրբաթ, 8 Հուլիսի 2011 19:32
Կես տարում ՙՌՈՍԳՈՍՍՏՐԱԽ ԱՐՄԵՆԻԱ՚ ընկերությունը ԱՊՊԱ գծով իրականացրել է 1.8 մլն.դոլարի ապահովագրական հատուցում
Արմինֆո. Պարտադիր ապահովագրության ներդրման օրվանից սկսած անցած կես տարվա ընթացքում ՌՈՍԳՈՍՍՏՐԱԽ ԱՐՄԵՆԻԱ Կոնտակտ-Կենտրոնը. սպասարկել է 25300 զանգ, միջինում՝ օրական 170 զանգ, գրանցել է 5948 ապահովագրական պատահար` կես տարվա միջին օրական ցուցանիշը կազմել է 33 ՃՏՊ: Առավելագույն քանակը գրանցվել է հունիսին՝ 1095 ՃՏՊ:
Ի հակառակ սպասումների և կանխատեսումների ամռանը դեպքերի քանակի նվազում տեղի չի ունեցել: Հունիս ամսվա ընթացքում գրանցված դեպքերի միջին օրական ցուցանիշը կազմել է 37, ինչը հավասար է փետրվարին գրանցված առավելագույն ցուցանիշին: Զգալիորեն աճել է գիշերվա ընթացքում տեղի ունեցող դեպքերի քանակը: Հատկանշական է, որ ՃՏՊ-ների քանակը կտրուկ աճում է անձրևի ժամանակ:
ՌՈՍԳՈՍՍՏՐԱԽ ԱՐՄԵՆԻԱ Հայտերի Կարգավորման Կենտրոն (ՀԿԿ) ներկայացվել է 3720 դիմում, հատուցման ենթակա վնասների ընդհանուր գումարը կազմել է 740 միլիոն ՀՀ դրամ: Արդեն կարգավորվել են 3653 դիմում, որոնց գծով փաստացի վճարվել է 667 միլիոն ՀՀ դրամ (մոտ 1,8 միլիոն ԱՄՆ դոլար): Գույքին պատճառված վնասի գծով միջին հատուցումը կազմել է 201000 ՀՀ դրամ:
Ըստ ՌՈՍԳՈՍՍՏՐԱԽ ԱՐՄԵՆԻԱ ՀԿԿ-ի տվյալների, տարվա սկզբից գրանցվել է ՃՏՊ-ների արդյունքում մարմնական վնասվածքների 151 դեպք (դրանցից 30-ը՝ հունիսին), 5-ը՝ մահացու ելքով: ՌՈՍԳՈՍՍՏՐԱԽ ԱՐՄԵՆԻԱ ընկերության վթարային կոմիսարները դեպքի վայր են ժամանում միջինում 12-15 րոպեում Երևանում և մարզկենտրոններում և մինչև 30 րոպե ժամանակահատվածում՝ մարզերում:
Նշենք, որ ՌՈՍԳՈՍՍՏՐԱԽ ԱՐՄԵՆԻԱ ընկերությունը Հայաստանի ԱՊՊԱ շուկայի առաջատարն է: Ընկերության կողմից կնքված պայմանագրերը կազմում են ԱՊՊԱ շուկայի 35%-ը:
Ի դեպ, ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թ. մայիսին և գործում է Հայաստանի Հանրապետության կողմից 2008 թվականի մայիսի 20-ին տրված «ոչ կյանքի ապահովագրությունե իրականացնելու ԱՊՈ թիվ 0009 լիցենզիայի հիման վրա: Ընկերությունը մտնում է ՌՈՍԳՈՍՍՏՐԱԽ Ընկերությունների Խմբի (Ռուսաստան) մեջ:
Ընկերության կանոնադրական կապիտալը կազմում է 2,13 միլիարդ դրամ (6 միլիոն ԱՄՆ դոլար): Ընկերության Խորհրդի կազմի մեջ են մտնում ՌՈՍԳՈՍՍՏՐԱԽ-ի առաջատար մասնագետները և բարձրաստիճան ղեկավարությունը:
ՌՈՍԳՈՍՍՏՐԱԽ ԱՐՄԵՆԻԱ ընկերությունը ներկայացված է Հայաստանի Հանրապետության բոլոր մարզերում, ունի 10 վաճառքի գրասենյակ Երևանում և 11` մարզկենտրոններում:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները