Չորեքշաբթի, 20 Հուլիսի 2011 21:29
ԱրմԻնֆո գործակալությունը հրապարակել է Հայաստանի քարտային շուկայի վերաբերյալ իր երրորդ վերլուծական Տեղեկագիրը
ԱրմԻնֆո: Հայաստանի բանկերի կողմից թողարկված միջազգային բանկային քարտերի քանակի աճի տեմպերն սկսել են հավասարվել տեղական քարտերին, սակայն միջնաժամկետ հեռանկարում այդ միտումը ի վիճակի չէ իրավիճակն էապես փոխել միջազգային համակարգերի կողմը: Նման եզրակացության են հանգել "ԱրմԻնֆո ռեյտինգային մարկետինգային ինֆորմացիայի" (ԱրմԻնֆո) գործակալության վերլուծական ծառայության փորձագետները, պատրաստելով "Հայաստանի բանկերը քարտային բիզնեսում" ամփոփ-վերլուծական տեղեկագրի երրորդ թողարկումը:
Փորձագետների կարծիքով, տնտեսական դժվարությունների պայմաններում,կապված կորպորատիվ հաճախորդների սահմանափակ թվի հետ, շուկայի աճն առաջին հերթին ապահովում է աշխատավարձային քարտերի թողարկումը: Միևնույն ժամանակ, չնայած դեպի միջազգային քարտեր հաճախորդների մասնակի տեղափոխմանը, Armenian Card (ArCa) ազգային տեղական քարտի "պլաստիկը" դեռևս մնում է հարմարավետ ու ոչ թանկ գործիքը տեղական ոչ մեծ նախագծերի իրականացման գործում: Միևնույն ժամանակ, հաճախորդների համար մղված պայքարը, որոնց թիվը երկրում գործարար ակտիվության անկման պատճառով մնում է խիստ սահմանափակ, այսօր գերազանց հնարավորություններ է ստեղծում շուկայի հետագա թռիչքի համար ինովացիոն բազայի ստեղծմանը, ինչը շուկայի մասնակիցները կանխատեսում են 2012-2013 թվականներին: Հատկապես այս հանգամանքն է, որ այսօր հարկավոր է քննարկել որպես շուկայում առկա գլխավոր միտում: Այդ զարգացման մահճում հարկավոր է դիտարկել նաև որոշ բանկերի կողմից սեփական պրոցեսինգային կնտրոնի ստեղծման հետ կապված թանկարժեք ծրագրերը:
Հայաստանի համարյա բոլոր առևտրային բանկերը, բացառությամբ Արմսվիսբանկի, մասնագիտանում են ներդրումային, կարելի է համարել "պլաստիկային" բիզնեսում: 2011 թվականի ապրիլի 1-ի տվյալներով, Հայաստանում կար մոտ 790 հազ.ակտիվ քարտ, որոնց 642 հազարը թողարկվել է Armenian Card-ի շրջանակներում և որոնց հիմնական զանգվածը ներգրավված է, այսպես կոչված, "աշխատավարձային նախագծերում": Հատկապես այդ "սովորական" քարտերի շնորհիվ է, որ այդ քարտերը մեկ տարում ավելացել են 60%-ով, իսկ "պլաստիկի" ընդհանուր քանակը 30%-ով գերազանցել է նախորդ տարվա նույն ժամանակահատվածի ցուցանիշը: Այսպես, ArCa տեղական քարտերի քանակն անցել է 322 հազարից (10% տարեկան աճով), Visa քարտերինը` ավելի քան 300 հազար (մոտ 47% տարեկան աճով), MasterCard քարտերի քանակը` մոտ 130 հազար (68% տարեկան աճով): Ընդ որում, վերջիններիս զգալի աճի շնարհիվ միջազգային ակտիվ քարտերի ընդհանուր քանակը տարեկան կտրվածքով աճել է 53%-ով:
Գործակալության վերլուծաբանները մշակել և հաշվարկել են տրանսակցիաների ծավալների ակտիվության Գործակից: Այն բացահայտել է հետևյալ պատկերը, որ միջին կամ փոքր քանակի քարտերով բանկերը առաջատարների շարքում են հայտնվել հատկապես քարտային տրանսֆերտների ծավալներով: Սա ինչպես վկայում է այն մասին, որ այդ բանկերում շուկան դեռևս կողմնորոշված է դեպի խոշոր կորպորատիվ հաճախորդները, այնպես էլ այն մասին, որ բիզնեսի որակական բաղադրիչն այստեղ գերազանցում է քանակականին: Քարտերի քանակով, ինչպես նաև ակտիվության գործակցով միայն առաջատար այն բանկերը պահպանեցին իրենց բարձր դիրքերը, որոնք նոր քարտերի թողարկմանը և քարտային նոր նախագծերին զուգահեռ, պարբերաբար "մաքրազատում են" իրենց քարտային պորտֆելը:
Նշենք, որ գործակալության կողմից Տեղեկագիրը հրապարակվում է տարեկան երկու անգամ:
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները