Շաբաթ, 27 Օգոստոսի 2011 15:08
SMEDNC-ն կներկայացնի Հայաստանը ՙՍևծովյան ավազանի առևտրային ցանց՚ ծրագրում
ԱրմԻնֆո: Մեկնարկել է ՙՍևծովյան ավազանի առևտրային ցանց՚ ծրագիրը: Այն իրականացվում է Սևծովյան ավազանի երկրների 2007-2013 թվականների համատեղ գործողությունների ծրագրի ֆինանսավորմամբ և Ռումինիայից, Հունաստանից, Բուլղարիայից, Հայաստանից և Թուրքիայից ներկայացված ստորև նշված 7 կազմակերպությունների համագործակցությամբ` Կոնստանտայի առևտրաարդյունաբերական պալատ (համակարգող) - Ռումինիա, Դոբրիչի առևտրաարդյունաբերական պալատ - Բուլղարիա, Հելենական արտաքին առևտրի խորհուրդ - Հունաստան, Կավալայի առևտրաարդյունաբերական պալատ – Հունաստան, ՙՀայաստանի ՓՄՁ զարգացման ազգային կենտրոն՚ հիմնադրամ –Հայաստան, Տրաբիզոնի առևտրաարդյունաբերական պալատ – Թուրքիա, Զոնգուլդակի առևտրաարդյունաբերական պալատ – Թուրքիա:
Ինչպես ԱրմԻնֆո-ին հաղորդել են SMEDNC մամլո ծառայությունում, ծրագրի հիմնական խնդիրն է համատեղ ջանքերով և ռեսուրսներով խրախուսել ներտարածաշրջանային և միջսահմանային տնտեսական համագործակցությունը` նպատակ ունենալով խթանել Սևծովյան ավազանի հարակից շրջանների կայուն զարգացումը: Ծրագրի հիմնական գործողություններն են. ծրագրի մասնակից 5 երկրների (Ռումինիա, Բուլղարիա, Հունաստան, Հայաստան, Թուրքիա) գործարար միջավայրի վերլուծության հիման վրա ՙՍևծովյան ավազանի կոմերցիոն քարտեզի՚ մշակում և ներկայացում, տնտեսական զարգացման և առևտրի հարցերի վերաբերյալ տեղեկատվական ինտերնետային կայքի ձևավորում, որը կունենա նաև գործարար համագործակցության առաջարկների առցանց հիմնապաշար, Սևծովյան ավազանում համագործակցության վերաբերյալ տեղեկատվության տարածմանը և հետաքրքրության խթանման 7 համաժողովների կազմակերպում` ուղղված ծրագրի մասնակից երկրների գործարարներին, գործարար համագործակցության հաստատման միջոցառման կազմակերպում (Հունաստան) ծրագրի մասնակից 5 երկրների ՓՄՁ սուբյեկտների մասնակցությամբ: Տեղական գործարար համայնքին համապատասխան գործարար տեղեկատվությունը և ծառայությունները հասանելի դարձնելու նպատակով ծրագրի ավարտական փուլում նախատեսվում է ՙՍևծովյան ավազանի առևտրային ցանցի՚ ձևավորում 7 կոնտակտային կետերով` տեղակայված ծրագրի գործընկեր կազմակերպություններում: Ծրագրի տևողությունն է 18 ամիս` 2011թ.-ի հունիսից մինչև 2012թ. նոյեմբեր: Ծրագրի ընդհանուր գումարն է 397.975 Եվրո, որից ԵՄ ներդրումը կազմում է 90%-ը:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները