Չորեքշաբթի, 31 Օգոստոսի 2011 13:15

2011 թվականի հուլիսին տնտեսական ակտիվությունը Հայաստանում աճել է 13%

Արմինֆո. 2011 թվականի հուլիսին տնտեսական ակտիվությունը Հայաստանում աճել է 13%, իսկ 2010 թվականի հուլիսի համեմատ` 7%: Տնտեսական ակտիվության հուլիսյան աճը հիմնականում պայմանավորված է եղել գյուղատնտեսության ոլորտի 66.2% աճի հաշվին:

Ըստ ՀՀ Ազգային վիճակագրական ծառայության նախնական տվյալների, գյուղատնտեսության ոլորտի համախառն ծավալները բացարձակ մեծությամբ հուլիսին կազմել են 96.6 մլրդ.դրամ կամ 263.2 մլն.դոլար, 32.4% տարեկան աճով: Հուլիսին, հունիսի համեմատ զգալի աճ է գրանցվել նաև բնակչությանը մատուցվող ծառայությունների գծով` 7.7%, մինչև 78.5 մլրդ.դրամ կամ 214 մլն.դոլար, ընդ որում, 2010 թվականի հուլիսի համեմատ այս ոլորտի աճը կազմել է 5%: Ներքին առևտրի ծավալը հուլիսին աճել են 5.4%, իսկ 2010 թվականի հուլիսի համեմատ` 5.9%, կազմելով 166 մլրդ.դրամ կամ 452.2 մլն.դոլար:

Ամսական միջին աշխատավարձը հուլիսին, 2010 թվականի հուլիսի համեմատ աճել է 6.7%, իսկ հունիսի համեմատ` 4.1%, կազմելով 120836 դրամ կամ 329 դոլար:

Սպառողական գների ինդեքսը հուլիսին, հունիսի համեմատ կազմել է 97%, իսկ նախորդ տարվա հուլիսի համեմատ` 106.3%:

Արտաքին առևտրի շրջանառությունը 2011 թվականի հուլիսին կրճատվել է 7.5%, մինչև 149.9 մլրդ.դրամ կամ 408 մլն.դոլար, իսկ տարեկան կտրվածքով աճլ է 3.5%,: Արտաքին առևտրի կազմում արտահանման ծավալները հուլիսին կրճատվել են 8.1%, իսկ տարվա կտրվածքով` աճել են 33%: Ներմուծման ծավալները հուլիսին կրճատվել են 7.3%, իսկ տարեկան կտրվածքով` 4%:

ՀՀ դրամի միջին փոխարժեքը 2011 թվականի հուլիսին կազմել է 367 դրամ/դոլար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.51	-0.09
USD	382.49	-0.46
EUR	447.51	-2.53
GBP	517.74	-2.08
CAD	276.01	-1.31
JPY	25.93	-0.21
CNY	53.71	-0.07
CHF	479.37	-3.18

Նորություններ

2011 թվականի հուլիսին տնտեսական ակտիվությունը Հայաստանում աճել է 13%