Երկուշաբթի, 3 Հոկտեմբերի 2011 17:21
Յունիբանկը տոնում է իր հիմնադրման տասնամյակը
ԱրմԻնֆո. Ընթացիկ տարվա հոկտեմբերին Հայաստանի առաջատար բանկերից մեկը` «Յունիբանկ» ՓԲԸ-ն նշելու է իր հիմնադրման տասնամյակը: Հաջող գործունեության շնորհիվ բանկը հուսալի գործընկեր է դարձել ինչպես ֆիզիկական, այնպես էլ իրավաբանական անձանց համար: Հազարավոր հաճախորդներ բանկին են վստահել իրենց խնայողություններն ու բիզնեսի զարգացումը: Այսօր Յունիբանկը հանդիսանում է հանրապետության խոշոր բանկերից մեկը, իր 37 մասնաճյուղերի հզոր ցանցով:
Բանկի կատարած աշխատանքների ու զարգացման հեռանկարների մասին է պատմում Յունիբանկի համահիմնադիր և խորհրդի նախագահ Գագիկ Զաքարյանը:
Յունիբանկը դարձել է Հայաստանի խոշորագույն բանկերից մեկը: Ինչպե՞ս եք գնահատում բանկի անցած ուղին:
Յունիբանկն ստեղծվեց բավականին բարդ ժամանակահատվածում, երբ շուկայում տիրում էր ինտենսիվ մրցակցություն, երբ արդեն ձևավորվել էր Հայաստանի բանկային համակարգը: Մենք սկսեցինք յոթ հոգուց բաղկացած թիմով, բայց ունեինք զարգացման բավականին հավակնոտ ծրագրեր, որոնց համաձայն, կարճ ժամկետներում բանկը պետք է վերածվեր հանրապետության ամենապահանջված ֆինանսական հաստատություններից մեկը: Մենք կարողացանք հաջողությամբ իրականացնել մեր ծրագրերը և արդարացնել հաճախորդների վստահությունը: Մենք գնացինք հաճախորդին որակ և ծառայությունների լայն շրջանակ մատուցելով ներգրավելու ճանապարհով, որոնք մշակվել էին հաճախորդների կոնկրետ խմբի համար: Ի վերջո, Յունիբանկը տեղ գտավ երկրի 7 խոշորագույն բանկերի շարքում: Բայց մենք չենք պատրաստվում բավարարվել ձեռք բերածով: Այսօր էլ մենք ունենք ոչ պակաս հավակնոտ պլան, որը նույնպես մտադիր ենք ամբողջությամբ իրականացնել: Մենք մեր առջև խնդիր ենք դրել բանկը դարձնել մանրածախ շուկայի առաջատար:
Որոշ ցուցանիշներով Յունիբանկն արդեն հանդիսանում է բանկային շուկայի առաջատարը և, հետևաբար, բանկի գործունեությունն էական ազդեցություն է թողնում երկրի ֆինանսական համակարգի վրա: Ինչպիսի՞ն է Յունիբանկի նշանակությունը Հայաստանի տնտեսության համար, առհասարակ և գործունեության ո՞ր ուղղություններն են, որ արդիական կլինեն բանկի համար առաջիկայում:
Մեր նպատակը բնակչության լայն շրջանների համար բանկային ծառայությունների մատչելիոթւյան բարձրացումն է, ինչպես նաև լայն հնարավորությունների ստեղծումը փոքր և միջին բիզնեսի զարգացման համար, ինչն անմիջականորեն դրական ազդեցություն է թողնում երկրի տնտեսական աճի վրա: Իմ կարծիքով, բանկի գործունեությունը կարող է արդյունավետ լինել միայն այն դեպքում, եթե մեր գործունեության արդյունքն է դառնում մեր հաճախորդների բարեկեցության աճը: Դա կարող է արտահայտվել ճիշտ ժամանակին վարկ տրամադրելոու միջոցով, փոքր խնայողությունների միջոցով բնակարան կամ ավտոմեքենա ձեռք բերելու կամ շրջանառու միջոցները համալրելու և ձեռնարկության անխափան գործունեությունն ապահովելու համար: Միևնույն ժամանակ, մենք փորձում ենք հայկական շուկայում ներդնել բանկային գործի զարգացման նոր, ինովացիոն մոդելներ: Ընտրված ուղու ճշմարտությունն է հաստատում մեր ֆինանսական արդյունքների զգալի աճը և բանկի ցուցանիշների դինամիկան: Յունիբանկի ակտիվները գերազանցել են 112,9 մլրդ. դրամը, վարկային պորտֆելը`74,8 մլրդ դրամը: Յունիբանկի ժամկետային ավանդների ծավալը կազմել է 80,3 մլրդ. դրամ, ինչը լավագույն ցուցանիշն է Հայաստանի բանկային համակարգում:
Այսօր իրենց միջոցները պահպանելու և ավելացնելու նպատակով ավելի ու ավելի շատ ավանդատուներ են ընտրում հատկապես մեր բանկը, ինչի շնորհիվ Յունիբանկն առաջատարն է իրավաբանական և ֆիզիկական անձանց ժամկետային ավանդների ծավալով: Ընդ որում, պորտֆելում գերակշռում են երկարաժամկետ ավանդները, ինչը բնակչության վստահության լավագույն վկայականն է: Իր տասնամյակի նախօրեին բանկը գործողության մեջ է դրել մի նոր տոնական ավանդատեսակ, տարեկան 12.5% բարձր տոկոսադրույքով: Տեղաբաշխելով միջոցները Յունիբանկում, հաճախորդները, կախված ավանդի պայմաններից, կարող են օգտվել բազմարժութային ռեժիմից, իրականացնել տոկոսների կապիտալացում, համալրել կամ մասնակիորեն վերցնել ավանդի գումարը, ստանալ անվճար ապահովագրության հնարավորություն կամ մասնակցել մրցանակների խաղարկությանը:
Այս ամենի վառ ապացույցն է նաև, որ Յունիբանկը հայտնվեց Հայաստանի 50 խոշորագույն հարկատուների ցանկում: 2011 թվականի առաջին կիսամյակի արդյունքներով, մենք ապահովեցինք Հայաստանի բանկային համակարգում զուտ շահույթի ամենամեծ աճը` ավելի քան 5 անգամ, գերազանցելով 1 մլրդ.դրամը:
Հաստատության նշանակությունն արտահայտվում է ոչ միայն նրա հաջող գործունեությունով, այլ նաև բիզնեսի նկատամբ սոցիալական պատասխանատվությունով, իսկ դա նշանակում է`ժամանակին ապահովել պետական բյուջեի վճարումները, ստեղծել աշխատատեղեր, մասնակցել պետական և հասարակական ծրագրերին: Յունիբանկը, որպես կորպորատիվ քաղաքացի, ակտիվ մասնակցություն է ունենում մեր հասարակության և պետության կյանքում, որտեղ գործում և զարգանում է:
Վերջին տարին Յունիբանկի համար բնորոշ էր մանրածախ բիզնեսի դինամիկ զարգացման առումով: Բանկը դիվերսիֆիկացնում է վարկային պորտֆելը, նախապատվությունը տալով ֆիզիկական անձանց վարկավորմանը: Որքանո՞վ է խոստումնալից բանկի նման քաղաքականությունը:
Անցնող 2010 թվականը կարևոր փուլ հանդիսացավ բանկի զարգացման համար: Իր գործունեության առաջնային ուղղությունը Յունիբանկը հայտարարեց մանրածախի ոլորտը, մասնավորապես, ապառողական վարկավորման և քարտային բիզնեսի զարգացումը: Ինչպես արդեն նշեցի, մենք ձգտում ենք դառնալ Հայաստանի ամենապահանջված բանկը: Իսկ դա նշանակում է, որ մեծ ուշադրություն ենք դարձնում ֆիզիկական անձանց վարկավորմանը, ինչն էլ իր հերթին ենթադրում է մեծ քանակությամբ փոքր վարկերի տրամադրում` մինչև 1.5 մլն դրամի սահմաններում: Շահավետ պայմաններով, հիմնականում առանց գրավի, Յունիբանկը տրամադրում է սպառողական վարկեր և օվերդրաֆտներ, ցանկացած կարիքների համար, այդ թվում` կենցաղային և համակարգչային տեխնիկա կամ կահույք գնելու, վերանորոգումներ կատարելու, հանգստի, բժշկական ծառայությունների դիմաց վճարելու համար և այլն: Սրանք սովորական պրոդուկտներ են, որոնք մեծ պահանջարկ ունեն, քանի որ ֆիզիկական անձանց սպասարկման գործում մենք ապահովում ենք երկու կարևոր պայման` որոշումների կայացման բարձր արագություն և նվազագույն բյուրոկրատիզմ: 2011 թվականի հունիսի 30-ի դրությամբ Յունիբանկի կողմից ֆիզիկական անձանց տրամադրված վարկերի ծավալը գերազանցել է 23.6 մլրդ դրամը, ինչը կազմում է բանկի վարկային ընդհանուր ներդրումների 31.6% - ը: Բանկի սպառողական վարկերի քանակը, նախորդ տարվա համեմատ աճել է ավելի քան 7 անգամ:
Յունիբանկի արդյունավետ գործունեությունը սպառողական վարկաավորման շուկայում հիմք հանդիսացավ մայրաքաղաքի երկու մասնաճյուղերի բազայի հիքի վրա սպառողական և քարտային վարկավորման մասնագիտացված գրասենյակներ ստեղծելու համար: Կենտրոնների հիմնական խնդիրն է` սպառողական վարկերի և քարտերի ձևակերպման գործընթացը դարձնել հաճախորդների համար ավելի հեշտ ու հարմարավետ, զգալիորեն կրճատելով հայտերի քննարկման ժամկետները: Իր ներկայությունն ընդլայնելու համար բանկը շարունակում է ընդլայնել նաև պրոմո-կետերի ցանցն առևտրի վայրերում: Բանկի պրոմո-կետեր են տեղակայված տեխնիկայի, կահույքի խանութներում, ինչպես նաև «Ավիատրանս» ավիագործակալությունում: Այս տարվա սեպտեմբերին մենք սկսեցինք համագործակցությունը հայկական շուկայի առաջատարներից մեկի` «Օրանժ Արմենիա» ընկերության հետ, հինգ պրոմո-կետեր տեղադրելով ընկերոթյան սպասարկման կետերում` Երևանում, Գյումրիում և Վանաձորում: Առաջիկայում Orange-ի տեխնիկան կարելի կլինի ապառիկ կարգով ձեռք բերել ընկերոթյան բոլոր 75 սպասարկման կետերից:
Թողարկված քարտերի քանակով Յունիբանկը գտնվում է Հայաստանի բանկերի առաջին հնգյակում: Ներկայումս բանկի կողմից թողարկած քարտերի թիվը կազմում է 73 հազար, օվերդրաֆտների պորտֆելը կազմում է 11 մլրդ.դրամ: Ընթացիկ տարին նախատեսում ենք եզրափակել 110 հազար քարտի ցուցանիշով: Ընդ որում, նոյեմբերի սկզբին սեփական պրոցեսինգային կենտրոնի շրջանակներում նախատեսվում է Visa չիպային քարտերի թողարկում, որի ստեղծմանը հատկացրել ենք մոտ 1 մլն.դոլար: Սեփական պրոցեսինգային կենտրոնին անցնելը Յունիբանկին թույլ կտա զգալիորեն ավելացնել քարտերի թողարկման ծավալները, էապես ընդլայնել քարտային պրոդուկտների շարքը, արտադրողների ու առևտրի ցանցերի հետ սկսելով համատեղ նախագծեր:
Առաջին անգամ Հայաստանի բանկային համակարգի պատմության մեջ Յունիբանկը պատրաստվում է սկսել mobile commerce ծրագիրը: Այս ծառայությունը հաճախորդներին հասանելի կլինի արդեն 2012 թվականի առաջին եռամսյակի ավարտին: Դրանով բանկն իր հաճախորդներին հնարավորություն կտա մանրածախ ապրանքներ գնելիս կամ ծառայություններից օգտվելիս վճարումները կատարել բջջային հեռախոսից: Նման ծրագիրը մեծ պահանջարկ ունի Ռուսաստանում, դրա համար էլ մենք վստահ ենք, որ Հայաստանում էլ այդ ծրագրին սպասվում է ոչ պակաս ժողովրդականություն:
Յունիբանկի հաջող զարգացման ներուժն ու նրա կայուն դիրքերը մանրածախ բիզնեսի շուկայում դրական է գնահատել նաև Moody ի Investors Service միջազգային գործակալությունը: Ըստ վերլուծաբանների, ժամկետային ավանդների և դրամական փոխանցումների շուկայում մեր առաջատար դիրքը լրացուցիչ հնարավորություններ է ստեղծում մանրածախի հատվածում cross-վաճառքների համար:
Մանրածախի զարգացման, լավ իմաստով ագրեսիվ քաղաքականության հետ մեկտեղ, Յունիբանկը պահպանել է նաև իր կողմնորոշումը դեպի փոքր և միջին ձեռնարկատիրությունը:
Ձեռնարկատիրության զարգացումը կարևոր դեր է խաղում ցանկացած երկրի տնտեսության համար, և այն մեզ համար հանդիսանում է հեռանկարային բիզնես ուղղություն: Յունիբանկի կողմից տրամադրված բիզնեսի վարկերի քանակն ընթացիկ տարվա առաջին կիսամյակում, 2010-ի նույն ժամանակահատվածի համեմատ, ավելացել է ավելի քան 1.5 անգամ: Յունիբանկը ձգտում է առաջարկությունների շուկայում լինել ամենաշահավետը, մանավանդ փոքր և միջին բիզնեսում և, հետևաբար, մշտապես բարելավում է իր պրոդուկտների մրցունակությունը, հաշվի առնելով հաճախորդների փոփոխվող պահանջները և բիզնեսի ոլորտային առանձնահատկութոյւնները: Օրինակ, փոքր բիզնեսի համար բանկի կողմից մշակվել է մի վարկային պրոդուկտ, որը պարտադիր գրավ չի պահանջում, բավական է որևէ ֆիզիկական կամ իրավաբանական անձի երաշխավորությունը: Իրավաբանական անձանց և անհատ ձեռնարկատերերին մենք առաջարկում ենք ոչ միայն վարկեր, այլ նաև բիզնես-օվերդրաֆտներ, որը շատ հարմար է անհրաժեշտ վճարումներն օպերատիվորեն իրականացնելու համար, փողերի ժամանակավոր բացակայության կամ անբավարարության դեպքերում: Յունիբանկի վարկային ծրագրերի առանձնահատկությունը կայանում է նրանում, որ դրանք ունեն նեղ ուղղվածություն և առավելագույն կերպով են համապատասխանում մեր հաճախորդների պահանջներին: Վարկը ժամանակից շուտ մարելու դեպքում մենք տույժեր չենք հաշվարկում, մենք չունենք նաև թաքնված միջնորդավճարներ:
Յունիբանկը նվաճել է դրամական փոխանցումների շուկայի մեծ մասը: Ինչո՞ւմն է UNISTREAM համակարգի պահանջվածության գաղտնիքը է և ինչպե՞ս եք նախատեսում զարգացնել այդ ուղղությունը հայկական շուկայում:
UNISTREAM համակարգը հանդիսանում է շուկայի անվերապահ առաջատարը, ինչպես փոխանցումների քանակով, այնպես էլ շրջանառության ծավալներով: Ընթացիկ տարվա հունվար - հուլիս ամիսներին Հայաստանում UNISTREAMի շրջանառությունը գերազանցել է 349 մլն. դոլարը, գրանցելով 27% աճ: Փոխանցումների քանակը հասել է 436.6 հազարի: Հայաստանը հանդիսանում է ԱՊՀ տարածքում դրամական փոխանցումների հեռանկարային շուկաներից մեկը և Յունիբանկը մտադիր է ակտիվացնել իր գործունեությունն այս ուղղությամբ: Մենք ակնկալում ենք մեծացնել մեր բաժինը շուկայում, սակագների մշտական օպտիմալացման և հաճախորդների լոյալության բարձրացմանն ուղղված նախագծերի իրականացման հաշվին: Ակնկալում ենք, որ 2011 թվականին Համակարգի շրջանառությունը կգերազանցի 670 մլն.դոլարը:
UNISTREAM համակարգով փոխանցումները կատարվում են Յունիբանկի բոլոր 37 մասնաճյուղերի միջոցով: Համակարգը հարմար և շահավետ է հաճախորդների համար` իր ցածր սակագների հաշվին, որոնք սկսվում են 0.35%-ից, ձևակերպման պարզությամբ և լայն աշխարհագրականա ծածկույթով, ունենալով ավելի քան 220 հազար սպասարկման կետեր ամբողջ աշխարհում: Գումար փոխանցելու համար բանկային հաշիվ բացել չի պահանջվում, փոխանցումն ստացողը որևէ ծախսեր չի կրում: Փոխանցումների հետ կապված բոլոր ձևակերպումներն իրականացնում է բանկային օպերատորը:
UNISTREAM համակարգի մրցակցային հիմնական առավելությունը դա կողմորոշումն է դեպի հաճախորդը: Համակարգը գործածության մեջ է դրել անհասցե փոխանցումների ֆունկցիա, որը հաճախորդներին թույլ է տալիս գումարն ստանալ Յունիբանկի ցանկացած մասնաճյուղում, անկախ փոխանցման հասցեից, գործարկել ենք նաև հաճախորդի միասնական քարտի առաջխաղացման նախագիծը: Քարտի առկայությունը հնարավորություն է տալիս արագացնել միջոցներն ուղարկելու գործընթացը, նվազագույն չափով կրճատելով փոխանցման ձևակերպման ժամկետը: Վերջերս որոշում է կայացրել նաև փոխանցումն ստացողի համար քարտ թողարկելու մասին:
Բանկիրի Ձեր պրոֆեսիոնալ ուղին սկսվել է Ռուսաստանում: Դուք հանդիսանում եք Ռուսաստանի խոշորագույն բանկերից մեկի` Յունիաստրում Բանկի նախագահը, որը Կիպրոսի Բանկի ընկերությունների խմբի կազմում է, ինչպես նաև հանդիսանում եք Յուիստրիմ բանկի տնօրենների Խորհրդի նախագահը: Դուք բազմիցս պարգևատրվել եք «Ռուսաստանի լավագույն բանկիր» պատվավոր մրցանակով, հանդիսանում եք «ՏԱՐՎԱ ՄԱՐԴ» մրցանակի դափնեկիր` բիզնեսի սոցիալական պատասխանատվության համար: Ո՞րն է ձեզ համար մասնագիտական հաջողության չափանիշը:
Բիզնեսում ամենամեծ բավականություն է պատճառում գիտակցությունն այն մասին, որ արված գործը նշանակալից է ներգրավված բոլոր կողմերի` հաճախորդների, աշխատակիցների, գործընկերների և բաժնետերերի համար: Մեր ծառայությունները պետք է հավասարապես օգտակար լինեն ինչպես բիզնեսին, այնպես էլ հաճախորդներին: Այսօր մենք զգում ենք որակյալ բանկային ծառայությունների նկատմամբ մարդկանց պահանջները և փորձում ենք նրանց առաջարկել լավագույնը: Մեր ամենամեծ ձեռքբերումը դա տարեկան մոտ 1 մլն. հաճախորդների սպասարկումն է, հաճախորդների, ովքեր արդեն մեկ տարի չէ, որ մեզ հետ են:
Ինչպե՞ս Յունիբանկը կնշի իր տարելիցն այս տարի:
Հոբելյանը դա բանկի և հաճախորդների ընդհանուր տոնն է: Ուստի, մենք, ինչպես միշտ, չենք սահմանափակվում ավանդական բանկետով, և նվեր ենք պատրաստել հաճախորդների համար, Երևանում կազմակերպելով ռուսական էստրադայի աստղերից մեկի` Քրիստինա Օրբակայտեի համերգը:
Իր ծննդյան օրվա նախաշեմին Յունիբանկն իրականացրել է մի շարք սոցիալական և մշակութային ծրագրեր: Մենք ուրախ էինք Երևանի քաղաքապետարանի նախաձեռնած լայնամասշտաբ ծրագրին մասնակցելու հնարավորության համար, մեր լուման ներդնելով քաղաքի բարեկարգման գործին, ֆինանսավորելով Կիևյան կամրջի լուսավորման աշխատանքները: Կամրջի երկու կողմերում տեղադրված պայծառ լույսերը թույլ տվեցին ապահովել երթևեկության անվտանգությունը, շինությանը տալով նոր գունավետ տեսք:
Բանկը միջոցներ հատկացրեց Երևանի Լ.Տոլստոյի անվ.դպրոցի ուսումնական հատուկ կաբինետի բարեկարգմանը: Դրանով մեր համագործակցությունը դպրոցի հետ չի ավարտվում: Բանկը կշարունակի խրախուսել և աջակցել կրթական մակարդակների բարձրացման ծրագրերի իրականացմանը:
Յունիբանկն ակտիվորեն է ներգրավված «Նվիրիր կյանք» հիմնադրամի բարեգործական միջոցառումներին, որն օգնում է հիվանդ երեխաներին: Մենք հովանավորչական աճակցություն ենք իրականացրել 5-րդ Միջազգային երաժշտական փառատոնին, որը կընթանա մինչև հոկտեմբերի 12-ը: Փառատոնը նվիրված է Հայաստանի անկախության 20 - ամյակին և Հայաստանի պետական ֆիլհարմոնիկ նվագախմբի 85 – ամյակին: Փառատոնիշրջանակներում նախատեսվում է տասը համերգ, որոնց կմասնակցեն ինչպես հայրենական, այնպես էլ արտասահմանյան տաղանդավոր երաժիշտներ:
Բանկն առանձնահատուկ ուշադրություն է դարձնում նաև սպորտային ծրագրերին, հատկապես մանկական սպորտին: Յունիբանկը միջոցներ է տրամադրել սամբոյի մրցաշարին, դարձավ 5-րդ Համահայկական խաղերի հովանավորներից մեկը, որոնք առաջին անգամ էին տեղի ունենում Հայաստանում: Ի դեպ, երեկոյի գլխավոր հանդիպումը դարձավ աշխարհի չեմպիոն Վիկ Դարչինյանի ելույթը: Հայտնի է նաև, որ Յունիբանկը հանդիսանում է Արթուր Աբրահամի մրցամարտերի հայաստանյան մշտական հովանավորը:
10 տարին այնքան էլ երկար ժամկետ չէ բանկի համար, բայց այդ ընթացքում մենք հասցրել ենք շատ բան անել, հասնելով բարձր արդյունքների: Մենք` դա մեր բոլոր աշխատակիցներն են, որոնք միասնական թիմ են կազմում և որոնց պրոֆեսիոնալիզմից ու նպատակամղվածությունից է ուղղակիորեն կախված բանկի հաջողությունը:
Կրկնակի անգամ հաճելի է, որ այս տարի ոչ միայն մեր բանկի Հոբելյանն է: Հայաստանը նշում է անկախության 20-ամյակը: Սրտանց շնորհավորում եմ բոլորիս, այս կարևորագույն համազգային տոնի առթիվ: Խաղաղություն, բարգավաճում և բարօրություն մեր երկրին:
ԱրմԻնֆո
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները