Շաբաթ, 8 Հոկտեմբերի 2011 12:44
Հայաստանի ապահովագրական համակարգի մեկ աշխատակցի աշխատանքի դիմաց ամսական միջին վարձատրությունը 2001 թվականի առաջին կիսամյակում կազմել է 611 դոլար
ԱրմԻնֆո. Հայաստանի ապահովագրական համակարգի մեկ աշխատակցի աշխատանքի դիմաց ամսական միջին վարձատրությունը 2001 թվականի առաջին կիսամյակում կազմել է 225.5 հազար դրամ (611 դոլար)` 11,4% տարեկան անկմամբ: Այս ցուցանիշը նվազել է ապահովագրական շուկայում գործող 8 ընկերություններից չորսում և աշխատակիցների թվի տարեկան գրեթե եռակի աճի ֆոնի վրա: Մեկ աշխատակցի աշխատանքի դիմաց ամսական միջին վարձատրության առավելագույն տարեկան անկում է արձանագրվել ՙԻՆՈ ԱՐՄԵՆԻԱ՚ ընկերությունում` 44,8%` մեկ տարում աշխատակիցների թվի ավելի քան 4 անգամ աճի պայմաններում: Իսկ միջին աշխատավարձի առավելագույն աճ է արձանագրվել ՙարանտ-Լիմենս՚ ԱԸ-ում` 84,8%:
ԱրմԻնֆո գործակալության կազմած ՙՀայաստանի ապահովագրական ընկերությունների ռենքինգի՚ տվյալների համաձայն, մեկ աշխատակցի աշխատանքի դիմաց ամենաբարձր վարձատրությունն (332,3 հազ. դրամ կամ 901 դոլար) արձանագրվել է ՙՌԵՍՈ՚ ընկերությունում` 44,7% տարեկան աճով (աշխատակիցների թիվը`113, տարեկան աճը` գրեթե 4 անգամ): Ամենացածր ամսական միջին աշխատավարձ է արձանագրվել ՙՍիլ Ինշուրանս՚ ընկերությունում` 85.4 հազ. դրամ կամ 232 դոլար (աշխատակիցների թիվը մեկ տարում ավելացել է 22-ով):
2011 թվականի հուլիսի 1-ի դրությամբ ապահովագրական հատվածում աշխատել է ընդհանուր առմամբ 886 աշխատակից, ինչը գրեթե 3 անգամ (589 մարդով) բարձր է 2010 թվականի նույն ժամանակահատվածի ցուցանիշից: ործող 8 ապահովագրական ընկերություններից աշխատակիցների թվի տարեկան աճ են ապահովել բոլոր ապահովագրական ընկերությունները, ընդ որում առավել աճ է արձանագրվել ՙԻՆՈ ԱՐՄԵՆԻԱ՚ ընկերությունում` 4 անգամ կամ 96 մարդով, իսկ նվազագույնը` ՙՍիլ Ինշուրանսում՚` 22 աշխատակցով: Մինչև 2011 թվականի հուլիս առավելագույն հաստիքացուցակ է արձանագրվել ՙՌոսգոսստրախ-Արմենիա՚-ում` 227 աշխատակից, իսկ նվազագույնը`ՙՍիլ Ինշուրանսում՚` 60 մարդ:
2011 թվականի առաջին կիսամյակում աշխատավարձի և դրան հավասարեցված ծախսերն ավելացել են գրեթե 3 անգամ և հասել 1.3 մլրդ դրամի կամ վարչական ծախսերի 33,7%-ին: Շուկայում գործող 8 ապահովագրական ընկերություններից աշխատավարձի ծախսերի տարեկան աճ է արձանագրել 7 ընկերություն, որոնցից առավելագույն աճ է ապահովել ՙՌԵՍՈ՚ ընկերությունը` ավելի քան 7 անգամ:
Աշխատավարձի ծախսերի տարեկան անկում է արձանագրվել ՙՍիլ Ինշուրանսում՚` 59,3%: Որպես աշխատավարձի ֆոնդի չափով առաջատար հանդես է գալիս ՙՌոսգոսստրախ-Արմենիան՚` 399.7 մլն դրամ (տարեկան աճը 3,7 Ոնգամ) կամ վարչական ծախսերի 45,8%, երկրորդ տեղն զբաղեցնում է ՙՌԵՍՈ՚ ընկերությունը` 225.3 մլն դրամ (տարեկան աճը ավելի քան 7 անգամ) կամ վարչական ծախսերի 27,7%, երրորդ տեղն զբաղեցնում է ՙԿասկադ Ինշուրանսը՚` 178.4 մլն դրամ կամ վարչական ծախսերի 60% (տարեկան աճը գրեթե 3 անգամ): Ապահովագրական ընկերությունների շրջանում նվազագույն աշխատավարձի ֆոնդ է արձանագրվել ՙՍիլ Ինշուրանսում՚` 30.7 մլն դրամ (տարեկան անկումը` 59,3%) կամ վարչական ծախսերի 27,5%:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները