Հինգշաբթի, 20 Հոկտեմբերի 2011 13:06

2011 թվականի սեպտեմբերին տնտեսական ակտիվությունը Հայաստանում աճել է 17%

ԱրմԻնֆո. 2011 թվականի սեպտեմբերին, օգոստոսի համեմատ, տնտեսական ակտիվությունը Հայաստանում աճել է 17%, իսկ 2010 թվականի սեպտեմբերի համեմատ` 9%: սեպտեմբերին տեղի ունեցած տնտեսական ակտիվության աճը հիմնականում պայմանավորված է եղել գյուղատնտեսության ոլորտի 39.8% աճով:

Ըստ ՀՀ Ազգային վիճակագրական ծառայության նախնական տվյալների, գյուղատնտեսության ոլորտի համախառն ծավալները 2011-ի սեպտեմբերին աճել է 18.6% բացարձակ մեծությամբ կազմելով 169 մլրդ.դրամ կամ 454 մլն.դոլար:

Ըստ վիճակագրական տվյալների, արդյունաբերական արտադրության ծավալը օգոստոսի համեմատ աճել է 9.4%, իսկ 2010-ի սեպտեմբերի համեմատ` 16.6%, մինչև 92.7 մլրդ.դրամ կամ 249 մլն.դոլար: Արդյունաբերական արտադրության գների ինդեքսը սեպտեմբերին աճել է 1.2%, իսկ տարվա կտրվածքով` 4.9%: Էլեկտրաէներգիայի արտադրության ծավալը տարվա կտրվածքով նվազել է 15.8%, իսկ միայն սեպտեմբերին` 23.6%, մինչև 486.5 մլն.կՎտ ժամ:

Առևտրի ոլորտի ծավալը 2011-ի սեպտեմբերին, օգոստոսի համեմատ աճել է 4.6%, մինչև 188.6 մլրդ.դրամ կամ 506.6 մլն.դոլար, իսկ տարեկան կտրվածքով աճը կազմել է 1.7%: Բնակչությանը մատուցվող ծառայությունների ծավալը տարեկան կտրվածքով աճել է 3.5%, իսկ միայն սեպտեմբերին` 0.3%, կազմելով 79 մլրդ.դրամ կամ 212.2 մլն.դոլար:

Արտաքին առևտրի շրջանառությունը 2011 թվականի սեպտեմբերին աճել է 1.9%, իսկ տարեկան կտրվածքով` 26.7%, մինչև 195.4 մլրդ.դրամ կամ 525.3 մլն.դոլար: Արտաքին առևտրի կազմում արտահանման ծավալները սեպտեմբերին աճել են 21.8%, իսկ տարեկան կտրվածքով` 48.4%: Ներմուծման ծավալները սեպտեմբերին կրճատվել են 4%, իսկ տարեկան կտրվածքով աճել են` 20.1%:

ՀՀ դրամի միջին փոխարժեքը 2011թ.սեպտեմբերին կազմել է 372.28 դրամ/դոլար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

2011 թվականի սեպտեմբերին տնտեսական ակտիվությունը Հայաստանում աճել է 17%