Ուրբաթ, 16 Դեկտեմբերի 2011 22:18
ՀՀ ԿԲ կանխատեսում. 2011 թվականին տրանֆերտների կաճեն 19-22 տոկոսով
ԱրմԻնֆո. Ըստ ՀՀ Կենտրոնական բանկի կանխատեսումների, ֆիզիկական անձանց ոչ կոմերցիոն տրանսֆերտների ծավալների աճը 2011 թվականի ավարտին կկազմի 19-22%, ինչը հիմնականում պայմանավորված կլինի առաջին 3 եռամսյակներին դեպի երկիր գրանցված դրամական հոսքերի ծավալների զգալի աճով:
Ինչպես նշվում է ՀՀ Կենտրոնական բանկի 2011 թվականի 4-րդ եռամսյակի դրամավարկային քաղաքականության ծրագրում, 2012 թվականի հունվար-սեպտեմբեր ամիսներին սպասվում է դեպի հանրապետություն ֆիզիկական անձանց տրանսֆերտների հոսքերի 11-13% աճ: ԿԲ-ն հաջորդ տարի տրանսֆերտների տեմպերի աճի դանդաղումը բացատրում է 2012 թվականին Ռուսաստանի համար կատարված նոր կանխատեսումներով: Մասնավորապես, ըստ ԱՄՀ կանխատեսումների, Ռուսաստանը 2011 թվականը կեզրափակի 4.3% տնտեսական աճով, իսկ 2012 թվականին սպասվում է ՀՆԱ-ի 4.1% աճ, ինչը 0.4 տոկոսային կետով ցածր է նախորդ տարվա ցուցանիշից:
Միևնույն ժամանակ, ըստ Կենտրոնական բանկի տվյալների, ընթացիկ տարվա հունվար-սեպտեմբեր ամիսներին Հայաստանի բանկային համակարգի միջոցով ֆիզիկական անձանց տրանսֆերտների հոսքերը դեպի հանրապետություն կազմել են 1.093 մլրդ.դոլար, 2010 թվականի նույն ցուցանիշի համեմատ աճելով 23.3%: Իսկ Հայաստանից մասնավոր տրանսֆերտների արտահոսքն առաջին 3 եռամսյակներում կազմել է 191 մլն.դոլար, տարեկան կտրվածքով աճելով 22%:
Ընդհանուր առմամբ, ֆիզիկական անձանց տրանսֆերտների մաքուր ներհոսքը ¥ընդհանուր ներհոսքի և արտահոսքի միջև տարբերությունը¤ դեպի հանրապետություն հոկտեմբերի 1-ի դրությամբ կազմել է 902 մլն.դոլար, գրանցելով տարեկան 24% աճ: Ընդ որում, միայն սեպտեմբերին տրանսֆերտների մաքուր ներհոսքը դեպի Հայաստան կազմել է 123.3 մլն.դոլար, քանի որ ընդհանուր ներհոսքը եղել է 148.3 մլն.դոլար, իսկ ընդհանուր արտահոսքը`25 մլն.դոլար:
Ըստ ԿԲ տվյալների, դեպի Հայաստան ֆիզիկական անձանց մասնավոր տրանսֆերտների ծավալներով առաջին տեղում է Ռուսաստանը, 2011 թվականի հունվար-սեպտեմբերին գրանցելով 908.1 մլն.դոլարի ընդհանուր ներհոսք ¥25.8% տարեկան աճ¤, իսկ Հայաստանից Ռուսաստան տրանսֆերտների ընդհանուր արտահոսքը կազմել է 101.2 մլն. դոլար ¥27% տարեկան աճ¤, ինչի արդյունքում Ռուսաստանից դեպի Հաաստան տրանսֆերտների մաքուր ներհոսքը կազմել է 806.9 մլն.դոլար, գրանցելով 25.7% տարեկան աճ:
Դեպի Հայաստան տրանսֆերտների ծավալով 2-րդ տեղում է ԱՄՆ-ն`52.4 մլն.դոլար, 9.1% տարեկան աճով, ընդ որում տրանսֆերտների արտահոսքը դեպի ԱՄՆ կազմել է 19.4 մլն. դոլար, տարեկան 10.6% աճով, ապահովելով 33 մլն.դոլարի մաքուր ներհոսք: Երրորդ տեղում է Ուկրաինան, հոկտեմբերի 1-ի դրությամբ ապահովելով տրանսֆերտների 19.4% ներհոսք ¥34% տարեկան աճ¤, 12.1 մլն.դոլարի արտահոսք ¥տարեկան 20.2% աճ¤: Արդյունքում, Ուկրաինայի Հայաստան տրանսֆերտների մաքուր ներհոսքը կազմել է 7.3 մլն.դոլար, 66% տարեկան աճով:
Այնուհետև հաջորդում են`Ղազախստանը` 14.7 մլն.դոլար ընդհանուր ներհոսքով և 1.4 մլն.դոլար ընդհանուր արտահոսքով, երմանիսն`8.1 մլն.դոլար ընդհանուր ներհոսքով և 5.1 մլն.դոլար ընդհանուր արտահոսքով, Ֆրանսիան`7.7 մլն.դոլար ընդհանուր ներհոսքով և 5.6 մլն.դոլար ընդհանուր արտահոսքով, Իսպանիան`5.7 մլն.դոլար ընդհանուր ներհոսքով և 2.3 մլն.դոլար ընդհանուր արտահոսքով, ԱՄԷ`2.4 մլն.դոլար ընդհանուր ներհոսքով և 5.4 մլն.դոլար ընդհանուր արտահոսքով, Թուրքիան`1.8 մլն.դոլար ընդհանուր ներհոսքով և 3.7 մլն.դոլար ընդհանուր արտահոսքով, Չինաստանը`372 հազ.դոլար ընդհանուր ներհոսքով և 6 մլն.դոլար ընդհանուր արտահոսքով:
Ըստ ՀՀ ԿԲ տվյալների, 2010 թվականի արդյունքներով, դեպի Հայաստան մասնավոր տրանսֆերտների ընդհանուր ներհոսքը կազմել է 1.294 մլրդ.դոլար, իսկ ընդհանուր արտահոսքը` 222 մլն.դոլար:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները