Երկուշաբթի, 9 Հունվարի 2012 15:16

Հայաստանի դրամական զանգվածը 2011 թվականի նոյեմբերին աճել է 2,7 տոկոսով` մինչև 2.8 մլրդ դոլար

ԱրմԻնֆո: Հայաստանի դրամական զանգվածը 2011 թվականի նոյեմբերին աճել է 2,7%-ով, հունվար-նոյեմբեր ամիսներին` 22,2%-ով (տարեկան կտրվածքով` 27,6% աճ)` դեկտեմբերի 1-ի դրությամբ կազմելով 1.071 տրլն դրամ (2.8 մլրդ դոլար):

ՀՀ ազգային վիճակագրական ծառայությունից ԱրմԻնֆո գործակալությանը տրամադրված ՀՀ կենտրոնական բանկի նախնական տվյալների համաձայն, դրամական զանգվածի կազմում բանկային համակարգից դուրս կանխիկ դրամի ծավաները նոյեմբերին ավելացել են 0,3%-ով (հունվար-նոյեմբեր ամիսներին 19,1% աճ)` դեկտեմբերի 1-ի դրությամբ կազմելով 328 մլրդ դրամ: Դրամական զանգվածի ընդհանուր ծավալաի 26,7%-ը կամ 286.2 մլրդ դրամ բաժին է ընկել դրամային ավանդներին, իսկ 42,7% կամ 457 մլրդ դրամ` արտարժութային ավանդներին:

Արտաքին ակտիվները 2011 թվականի նոյեմբերին կրճատվել են 2,2%-ով` մինչև 28.8 մլրդ դրամ (հունվար-նոյեմբեր ամիսներին` ավելի քան 6 անգամ անկում): Ներքին ակտիվները նոյեմբերին ավելացել են 2,8%-ով (հունվար-նոյեմբեր ամիսներին` 50% աճ)` մինչև դեկտեմբերի 1-ը գերազանցելով 1 տրլն դրամը:

Ներքին ակտիվների կառույցում կառավարության հանդեպ պահանջներն արձանագրվել են 34.1 մլրդ դրամ բացասական մակարդակում (նոյեմբերին` 24,4% աճ): Տնտեսությանը բաժին է ընկել 1.28 տրլն դրամ` նոյեմբերին 2,7% աճ: Կազմակերպություններին բաժին է ընկել 752.4 մլրդ դրամ (նոյեմբերին` 2,8% աճ), տնային տնտեսությունների բաժինը կազմել է 499.5 մլրդ դրամ (հաշվետու ամսում` 2,5% աճ), ոչ առևտրային ձեռնարկություններին բաժին է ընկել 13.7 մլրդ դրամ (նոյեմբերին` 1% անկում):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի դրամական զանգվածը 2011 թվականի նոյեմբերին աճել է 2,7 տոկոսով` մինչև 2.8 մլրդ դոլար