Երկուշաբթի, 9 Հունվարի 2012 16:02

Հայաստանի արտաքին առևտրի շրջանառությունը 2011 թվականի դեկտեմբերին հասավ մոտ 5 մլրդ.դոլարի

ԱրմԻնֆո. Հայաստանի արտաքին առևտրի շրջանառության բացասական սալդոն 2011 թվականի հունվար-նոյեմբեր ամիսներին կազմել է 2544.4 մլն.դոլար կամ 946.2 մլրդ.դրամ:

Ըստ Ազգային վիճակագրական ծառայության տվյալների, Հայաստանի արտաքին առևտրի շրջանառությունը 2011 թվականի հունվար-նոյեմբեր ամիսներին ընթացիկ գրենով կազմել է 4957.8 մլն.դոլար կամ 1843.8 մլրդ.դրամ, այդ թվում`արտահանման ծավլները FOB-գներով (Free on Board) կազմել է 1206.7 մլն.դոլար կամ 448.8 մլրդ.դրամ, իսկ ներմուծման ծավալները (CIF-գներով) կազմել են 3751.1 մլն.դոլար կամ 1395 մլրդ.դրամ:

Միևնույն ժամանակ, արտաքին առևտրի շրջանառության ծավալը միայն 2011 թվականի նոյեմբերին 504.5 մլն.դոլար կամ 192.8 մլրդ.դրամ, հոկտեմբերի համեմատ աճելով 0.1%, իսկ 2010 թվականի նոյեմբերի համեմատ` 10.2%: Ընդ որում, նախորդ տարվա նոյեմբերի համեմատ 2011 թվականի նոյեմբերին արտահանման ծավալները աճել են 22.3%, իսկ հոկտեմբերի համեմատ`22.3%, կազմելով 124.1 մլն.դոլար կամ 47.4 մլրդ.դրամ: Ներմուծման ծավալը տարեկան կտրվածքով աճել է 6.7%, միայն նոյեմբերին կրճատվել է 2.8%, կազմելով 380.4 մլն.դոլար կամ 145.4 մլրդ.դրամ:

2011 թվականի հունվար-հոկտեմբերին, Եվրամիության երկրների հետ ապրանքաշրջանառությունը կազմել է 1.6 մլրդ.դոլար կամ արտաքին առևտրի ընդհանուր ծավալի 32.5%-ը, տարեկան կտրվածքով աճելով 18.9%: ԵՄ երկրների հետ բացասական սալդոն տարվա կտրվածքով աճել է 9.7%, մինչև 499.7 մլն. դոլար: 2011 թվականի հունվար-հոկտեմբերին դեպի ԵՄ երկրներ է արտահանվել 556 մլն.դոլարի ապրանք և ներմուծվել է 1.1 մլրդ. դոլարի ապրանք:

Արտասահմանյան մյուս երկրների հետ ապրանքաշրջանառությունը կազմել է 2028 մլն. դոլար, տարվա կտրվածքով աճելով 18.2%: Այս երկրների հետ բացասական սալդոն տարվա կտրվածքով աճել է 7.4%, կազմելով 1194 մլն.դոլար: ԱՊՀ երկրների հետ արտաքին առևտրի շրջանառությունը հունվար-նոյեմբերին տարվա կտրվածքով աճել է 10.9%, կազմելով 1317 մլրդ.դոլար, իսկ առևտրի բալանսի բացասական սալդոն կրճատվել է 0.1%, կազմելով 851 մլն.դոլար: Ընդ որում, ԱՊՀ երկրների մեջ ապրանքաշրջանառության ամենամեծ բաժինը 2011 թվականի հունվար-նոյեմբերին ընկնում է Ռուսաստանին`20% կամ 993 մլն.դոլար: 2011 թվականի հունվար-նոյեմբերին Հայաստանից դեպի ԱՊՀ երկրներ արտահանումների ծավալը կազմել է 233.2 մլն.դոլար, նախորդ տարվա համեմատ աճելով 38.5%, իսկ ԱՊՀ երկրներից ներմուծման ծավալը կազմել է 1084 մլն. դոլար, տարեկան կտրվածքով աճելով 6.3%:

2011 թվականի հունվար-նոյեմբեր ամիսներին հայկական ապրանքների հիմնական գնորդներն են եղել` Ռուսաստանը (ընդհանուր արտահանման16.5%-ը), երմանիան (12.3%), Բուլղարիան (11.2%), Նիդեռլանդներ (8.8%), Իրանը (8%), ԱՄՆ (7,6%), Իսպանիան (6,2%), Բելգիան (5.5%), Կանադան (5.2%) և Վրաստանը (4.6%): Դեպի Հայաստան հիմնական մատակարարներն եղել Ռուսաստանը (ընդհանուր ներմուծման 21.2%-ը), Չինաստանը (9.8%), երմանիան (5.9%), Թուրքիան (5.8%), Ուկրաինան ¥5.6%¤, Իրանը (5,2%) և Իտալիան (4.2%): Արտահանման ընդհանուր ծավալներում 2011 թվականի հունվար-նոյեմբերին տարեկան աճ է արձանագրվել մի շարք ապրանքների գծով: Այսպես, արտահանման ամենաբարձր տեմպերը գրանցվել են ցամաքային, օդային և ջրային տրանսպորտի ոլորտում`6 անգամ, մինչև 27.1 մլն.դոլար: 2.2 անգամ աճել է բուսական և կենդանական ծագումով յուղերի արտահանման ծավալը, կազմելով 25.3 մլն.դոլար, մեքենանրի, սարքավորումների և մեխանիզմների արտահանման ծավալը` 61.9%, մինչև 29 մլն.դոլար: Ընդ որում, արտահանման ամենամեծ ծավալները գրանցվել է ոչ թանկարժեք մետաղների և դրանցից պատրաստված իրերի գծով` 339 մլն.դոլար (տարեկան աճը` 13.5%) և հանքահումքային արտադրանքների գծով`362 մլն.դոլար ¥տարեկան աճը`31.6%¤: Քիմիական արդյունաբերության արտահանման ծավալները հունվար-նոյեմբերին տարեկան կտրվածքով աճել են 26.3%, կազմելով 10.1 մլն.դոլար: Ներմուծման ծավալներում զգալի աճ է արձանագրվել է կենդանական ծագումով ապրանքների գծով` 37%, մինչև 118 մլն. դոլար, իսկ զգալի ծավալներ են գրանցվել հանքահումքային արտադրանքի գծով`728 մլն.դոլար, գրանցելով տարեկան 31.6% աճ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	0.00
USD	382.54	0.06
EUR	441.83	1.56
GBP	501.40	1.12
CAD	271.06	-0.26
JPY	24.95	0.07
CNY	53.72	0.02
CHF	473.91	1.25

Նորություններ

Հայաստանի արտաքին առևտրի շրջանառությունը 2011 թվականի դեկտեմբերին հասավ մոտ 5 մլրդ.դոլարի