Երեքշաբթի, 24 Հունվարի 2012 18:57
Յունիբանկը շուկա է դուրս բերում լոյալության “Մագնիս" ծրագրը
ԱրմԻնֆո: Սեփական պրոցեսինգային կենտրոնի ներդրումից հետո, Հայաստանի խոշորագույն բանկերից մեկը` Յունիբանկը, ձեռնամուխ եղավ մի շարք քարտային ծրագրերի իրականացմանը, որոնք ուղղված էին մանրածախ բանկինգի զարգացմանը` քարտապանների լոյալության ինովացիոն ծրագրի միջոցով: Վերջերս բանկի կողմից մշակվեց լոյալության ևս մեկ ծրագիր` <Մագնիս> ծրագիրը: ԱրմԻնֆո լրատվական գործակալության հետ հարցազրույցում այդ ծրագրի մանրամասների մասին է պատմում Յունիբանկի հաճախորդների հետ հարաբերութոյւների գծով տնօրեն Սամվել Վարդանյանը:
Այսօր շատ բանկեր են հայտարարում զանազան քարտային նախագծերի և դիսկոնտային ծրագրերի մասին: Ինչո՞ւմ է Յունիբանկի <Մագնիս> լոյալության ծրագրի առանձնահատկությունը:
<Մագնիս> լոյալության ծրագրի միջոցով Յունիբանկն իր հաճախորդներին ավելի շատ առավելություններ է առաջարկում, հնարավորություն տալով զգալիորեն կրճատել առօրյա ծախսերը: Գործընկեր-ընկերություններում իրականացված առևտրի կամ զանազան ծառայությունների դիմաց վճարելով, բանկի քարտապանը կարող է ստանալ համապատասխան բոնուսներ և զեղչեր: Ընդ որում, բոնուսները գործընկեր ցանցում կարելի է ծախսեր որպես սովորական փող, 1 բոնուսը = 1 դրամի փոխարժեքով: Յունիբանկն էլ իր հերթին է բոնուսներ ավելացնում բանկային սպասարկմանը և ծրագրին ակտիվորեն մասնակցելու համար: Քարտապանների համար բանկը սահմանել է նաև բարձր տարեկան տոկոսադրույք` քարտային հաշվի դրական մնացորդի վրա:
Բացի այդ, <Մագնիս>ծրագրի բոլոր քարտապանները հնարավորություն են ստանում մասնակցել թանկարժեք մրցանակների խաղարկությանը և գործընկեր ծրագրերի հատուկ ակցիաներին: Հետաքրքրական է, որ առաջին անգամ Հայաստանում ծրագրի մասնակիցը, ըստ ցանկության, կարող է քարտի վրա հաշվագրված բոնուսները նվիրել մյուս մասնակցին, փոխանցելով այն վերջինիս հաշվին:
Յունիբանկի ծրագիրն ունի ևս մեկ առանձնահատկություն, դա գործընկերների Փուլի ստեղծումն է: <Մագնիս> ծրագրին մասնակցում են տարբեր ուղղվածություն ունեցող ընկերություններ` խանութներ, հյուրանոցներ, գեղեցկության սրահներ, սպորտային ակումբներ, ռեստորաններ, բժշկական հաստատություններ և այլն: Գործընկերների ընտրության հիմնական չափանիշներն են` դեպի հաճախորդներն ունեցած կողմնորոշումը և սպասարկման համապատասխան մակարդակը: Հիմնականում դրանք հայրենական և օտարերկրյա բրենդներ են, որոնք վաստակել են հաճախորդների վստահությունը և ունեն ապրանքների ու ծառայությունների բարձր մակարդակ:
Մեր քարտերի առավելությունն է նաև դրանց բազմաֆունկցիոնալությունը: <Մագնիս> ծրագրի քարտն իր մեջ համատեղում է բանկային, բոնուսային և դիսկոնտային քարտերը: Ընդ որում, այն նաև բազմարժութային է, այսինքն, քարտը միաժամանակ կարող է հաշիվներ ունենալ ՀՀ դրամով, ԱՄՆ դոլարով և եվրոյով: Դա հնարավորություն է տալիս գործընկեր-ընկերությունների լայն ցանցում օգտագործել ընդամենը մեկ քարտ:
Որքանո՞վ է ծրագիրը հետաքրքիր գործընկերներին և ինչպիսի՞ն է ծրագրի աշխարհագրությունը:
Այսօր <Մագնիս> ծրագրի գործընկերների ցանցը միավորում է մոտ 80 ընկերություն և գործում է ինչպես Երևանում, այնպես էլ Հայաստանի մարզերում: Տվյալ ընկերության կողմից ծրագրին մասնակցելու փաստը հաճախորդներին կհուշի լոգոտիպով նշանը, որը փակցված կլինի հաստատության մուտքի կան դրամարկղի մոտ: Ծրագրին մասնակցելն ինչպես հաճախորդներին, այնպես էլ գործընկերներին հարմարավետ է ու շահավետ: Ծրագրի շրջանակներում տրամադրվող արտոնություններն ավելի շատ են սկսում բավարարել սպառողների պահանջները, ընդլայնելով մեր գործընկերների նպատակային աուդիտորիան: Ծրագրի շրջանակներում հաճախորդը կատարում է շահավետ գնումներ, իսկ գործընկերները` շրջանառության ընդլայնման հաշվին մեծացնում իրենց շահույթը:
Ինչպե՞ս կարելի է դառնալ այդ ծրագրի մասնակիցը:
Մեր բանկի բոլոր քարտապաններն ավտոմատ կերպով դարձան ծրագրի մասնակիցը և մեր գործընկերների առևտրի ցանցերում կարող են ստանալ զեղչեր: Բոնուսային ծրագիրը բանկը նախատեսում է գործարկել այս տարվա փետրվարին: Երբ այս ամենը մատչելի դառնա հաճախորդներին, բանկը սովորական բանկային քարտերն անվճար կփոխարինի բազմաֆունկղիոնալ չիպային քարտերով: Ի դեպ, Յունիբանկի գործընկերների ցանցում վճարներ կատարելիս քաղաքացու մոտ քարտի բացակայության դեպքում, տեղում, նրա ցանկությամբ, կարող է տրամադրվել ժամանակավոր անանուն քարտ, որը 2 ամսվա ընթացքում հարկավոր է փոխարինել բազմաֆունկցիոնալ չիպային քարտով: Դրա համար հարկավոր է այցելել Յունիբանկի ցանկացած 39 մասնաճյուղերից մեկը և ձևակերպել հիմնական քարտ ստանալու դիմում-հայտը: Եթե քարտի վրա կան կուտակված բոնուսներ, ապա դրանք ժամանակավոր քարտից փոխանցվում են հիմնական քարտի վրա: Այսպիսով, հաճախորդը չի կորցնի առաջին գնումներից կուտակված բոնուսները և զղչերը: Բացի այդ, <Մագնիս> ծրագրի բոլոր մասնակիցներին քարտերը փոխանակելիս տրվում է հատուկ նվեր` Visa Electron տիպի քարտ, անվճար տարեկան սպասարկման տեսքով և դրամային հաշվով:
Ծրագրի մասնակիցների համար մշակվել է հատուկ կայք`www.magnis.am, որտեղ յուրաքանչյուր քարտապան կունենա ծածկագրով պաշտպանված իր սեփական էջը, որը նախատեսված կլինի քարտային հաշիվներով <Ինտերնետ Բանկ-Հաճախորդ> ծառայության միջոցով աշխատելու համար: Իր էջում հաճախորդը կարող է լիակատար տեղեկություններ ստանալ ծրագրին իր մասնակցության վերաբերյալ, դիտել բոնուսային հաշվի վճարների իրականացման պատմությունը, ստուգել հաշիվը, կատարել ավտորիզացիա պահանջող օպերացիաներ, օրինակ, լրացնել ընկերոջը ծրագրին մասնակցել հրավիրելու կամ ծրագրի այլ մասնակցին բոնուսներ նվիրելու վերաբերյալ հարցաթերթիկը:
Զրուցեց Լիլիթ Ասլանյանը
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները