Չորեքշաբթի, 1 Փետրվարի 2012 18:34

Հայաստանի դրամական բազան 2011 թվականին ավելացել է 32.3 տոկոսով

ԱրմԻնֆո. Հայաստանի դրամական բազան 2011 թվականին ավելացել է 32.3%, 2012 թվականի հունվարի 1-ին կազմելով 671.3 մլրդ.դրամ կամ 1.7 մլրդ.դոլար: Ըստ ՀՀ Ազգային վիճակագրական ծառայության կողմից ԱրմԻնֆո գործակալությանը տրամադրված`ՀՀ ԿԲ նախնական տվյալների, միայն 2011-ի դկտեմբերին Հայաստանի դրամական բազան աճել է 13.6%:

Դրամական բազայի կազմում բանկային համակարգից դուրս կանխիկ դրամական միջոցների ծավալը 2011 թվականին, 2010 թվականի համեմատ ավելացել է 14.5%, կազմելով 398.8 մլրդ.դրամ: Միայն դեկտեմբերին այս ցուցանիշը աճել է 8.2%:

Դրամական պարտադիր պահուստների տեսակարար կշիռը դրամական բազայի ընդհանուր ծավալներում կազմել է 24.3% կամ 163.2 մլրդ.դրամ, դեկտեմբերին աճելով 40.3%, գրանցլով տարեկան եռակի աճ: Արտարժույթով պարտադիր պահուստների բաժինը կազմել է ընդհանուր դրամական բազայի 15.2%-ը կամ 102.5 մլրդ.դրամ, հաշվետու ամսում աճելով 4.1%, իսկ տարեկն կտրվածքով`16.2%-ով:

Աղբյուրի տվյալներով, արտաքին պահուստների չափերը ¥առանց մասնավորցված միջոցների¤ 2011 թվականին աճել են 4.3%, մինչև 470.6 մլրդ.դրամ, դկտեմբերին աճելով 5.1%:

Ներքին ակտիվների չափերը դեկտեմբերին աճել են 40%, մեկ տարում`3.6 անգամ, 2012 թվականի հունվարի 1-ին կազմելով 200.6 մլրդ.դրամ: Ներքին ակտիվների կազմում կառավարության հանդեպ պահանջների գծով արձանագրվել են 66.7 մլրդ.դրամի բացասական ցուցանիշ, մեկ ամսում աճելով 19.1%: Բանկերի հանդեպ պահանջները դեկտեմբերին ավելացել են 37.6%, մինչև 137 մլրդ.դրամ: Ներքին ակտիվների ընդհանուր կազմում ռեպո-պայմանագրերի ծավալները դեկտեմբերին ավելացել են ավելի քան 4 անգամ, մինչև 46.3 մլրդ.դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի դրամական բազան 2011 թվականին ավելացել է 32.3 տոկոսով