Երկուշաբթի, 12 Մարտի 2012 19:35

Արա Բաբլոյան. Պարտադիր բժշկական ապահովագրությունը զգալիորեն կնվազեցնի կոռուպցիոն ռիսկերը

ԱրմԻնֆո. Պարտադիր բժշկական ապահովագրությունը զգալիորեն կնվազեցնի կոռուպցիոն ռիսկերը: Այս մասին այսօր Երևանում կայացած մամուլի ասուլիսում հայտարարել է ՀՀ ԱԺ առողջապահության, մայրության և մանկության հարցերի հանձնաժողովի նախագահ Արա Բաբլոյանը:

Նա հիշեցրել է, որ տարեսկզբից Հայաստանում մշակույթի, կրթության և սոցիալական ապահովության պետծառայողների համար ներդրվել է սոցիալական փաթեթ, որի արժեքը կազմում է 132 հազ.դրամ, որի 52 հազ.դրամը բաժին է ընկնում բժշկական ապահովագրությանը:

Հանձնաժողովի ղեկավարն ընդգծել է, որ բժշկական ծառայությունների գները կհամաձայնեցվեն ՀՀ առողջապահության և ֆինանսների նախարարությունների հետ: Բացի այդ, բուժհիմնարկության աշխատակազի անդամների կողմից հաճախորդից լրացուցիչ վճարների պահանջելու դեպքում ապահովագրական ընկերությունները կարող են պաշտպանել իրենց հաճախորդների իրավունքները, անգամ դադարեցնելով այդ բուժհաստատության հետ կնքված պայմանագիրը: Այս ամենը, ըստ Բաբլոյանի, թույլ կտա զգալիորեն նվազեցնել կոռուպցիոն ռիսկերը, բուժծառայություններն ավելի մատչելի դարձնելով բնակչությանը:

Նշենք, որ ապահովագրությունը թույլ կտա ծածկել ոչ միայն թերապեվտիկ, այլ նաև վիրաբուժական գործընթացները, այդ թվում նաև թանկարժեք վիրահատությունները:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Արա Բաբլոյան. Պարտադիր բժշկական ապահովագրությունը զգալիորեն կնվազեցնի կոռուպցիոն ռիսկերը