Ուրբաթ, 16 Մարտի 2012 16:02
ՌՈՍԳՈՍՍՏՐԱԽ ԱՐՄԵՆԻԱՆ շուկա է դուրս գալիս բյուջետային աշխատողների համար նախատեսված վեց նոր ծրագրերով
ԱրմԻնֆո <Բյուջետային աշխատողներին սոցիալական, թեկուզ և փոքր, փաթեթի տրամադրումն արդեն դրական քայլ է երկրում պարտադիր բժշկական ապահովագրության ինստիտուտի կայացման ուղղությամբ>,-գտնում է <ՌՈՍԳՈՍՍՏՐԱԽ ԱՐՄԵՆԻԱ> ապահովագրական ընկերության անձնական ապահովագրության գծով վաճառքների բաժնի ղեկավար Արմինե Բադալյանը: ԱրմԻնֆո լրատվական գործակալոթյան հետ հարցազրույցում մասնագետը նկատել է, որ պետական ծառայողների սոցիալական փաթեթի շրջանակներում ընդգրկված ծրագրերը մշակված են բավականին լավ, ինչը մարդկանց թույլ է տալիս հասկանալ ու գնահատել բժշկական ապահովագրության առավելությունները: <ՌՈՍԳՈՍՍՏՐԱԽ ԱՐՄԵՆԻԱ> ընկերությունն այսօր կամավոր բժշկական ապահովագրական պայմանագրերով սպասարկում է մոտ 10 հազ. ապահովագրված անձանց:
Ըստ ԱրմԻնֆո գործակալության կողմից կազմված` Հայաստանի ապահովագրական ընկերությունների Ռենկինգի, 2011 թվականին ընկերությունը կամավոր բժշկական ապահովագրության գծով հավաքագրել է 235 մլն.դրամ ծավալով պրեմիաներ:
ՌՈՍԳՈՍՍՏՐԱԽ ԱՐՄԵՆԻԱ ընկերությունն ակտիվորեն զբաղվում է կամավոր բժշկական ապահովագրությամբ և հանդիսանում է ապահովագրական շուկայի 7 մասնակիցներից մեկը, որն իր ծառայություններն է մատուցում պետական ծառայողների սոցիալական փաթեթի շրջանակներում: Պատմեք, խնդրեմ, պետական նոր ծրագրի առավելությունների մասին, ինչպիսի՞ հնարավորություններ է այն տալիս բյուջետայիններին և ինչո՞վ է տարբերվում կամավոր բժշկական ապահովագրության ծրագրերից:
Սոցիալական փաթեթի շրջանակներում բժշկական ապահովագրության տրամադրումը շատ է տարածված աշխարհում: Դա գործատուների կողմից կիրառվող շատ հզոր խթանիչ է: Այս տարի Հայաստանի կառավարությունը դիմելով այդ միջոցին որոշեց յուրաքանչյուր պետծառայողին հատկացնել 132 հազ.դրամ: Այդ գումարից ապահովագրությանը պարտադիր կերպով հատկացվում է 52 հազ.դրամ: Իրականում դա մեծ գումար չէ: Եթե այն հատկացվեր որպես պարգևատրություն, ապա օգնությունը կլիներ աննշան, քանի որ մեկ շաբաթ անց աշխատողն արդեն կմոռանար այդ գումարի գոյության մասին: Իսկ նույն գումարով բժշկական ապահովագրութոյւնը գործում է ամբողջ տարին: Աշխատակցին մատչելի են դառնում թանկագին բժշկական ծառայությունները` բուժումը, հետազոտումը, բարդ վիրահատությունները: 3.8 մլն.դրամ գումարի ապահովագրական ծածկույթը խոշոր գումար է, որը հիմնականում կարող է լինել բավարար բոլոր դեպքերի համար: Ստացվում է որ բժշկական ապահովագրությունը ձեռնտու է բոլորին:
Ինչ վերաբերվում է տարբերությանը կամավոր բժշկական ապահովագրության սովորական ծրագրերից, ապա հիմնական տարբերությունը կայանում է նրանում, որ <Բազային> փաթեթի շրջանակներում, որը հանդիսանում է պարտադիր, բյուջետային աշխատողները ապահովագրության պայամանագրի կնքման պահին իրենց ունեցած հիվանդությունների բացահայտման նպատակով չեն անցնում նախնական բժշկական զննում: Պոլիսի գործողոթյան ընթացքում ստացիոնար բուժման ծախսերը փոխհատուցվում են ապահովագրական գումարի սահմաններում: Իսկ կամավոր բժշկական ապահովագրության շրջանակներում մինչ-ապահովագրական զննումը հիմնականում հանդիսանում է պարտադիր պայման և, հետևաբար, պլանային բուժումը փոխհատուցվում է միայն այն հիվանդությունների գծով, որոնք առաջանում են պայմանագիրը կնքելուց հետո:
Որքանո՞վ է բյուջետայինների համար նախատեսված պոլիսի գինը տարբերվում կամավոր բժշկական ապահովագրության ստանդարտ ծրագրերի գներից: Որքա՞ն արժե այդ նույն բազային փաթեթը կամավոր բժշկական ապահովագրության սխեմաների շրջանակներում:
Նշեմ, որ կամավոր բժշկական ապահովագրության ծրագրերն ամբողջովին տարբերվում են այն ծրագրերից, որոնք հատուկ մշակվել են բյուջետային աշխատողների համար: Ինչո՞ւ: Որովհետև մեր առջև խնդիր էր դրված` բազային փաթեթում ներառել ծառայությունների առավելագույն փունջ: Բացի այդ, ապահովագրության ենթական անձանց մեծամասնության համար այդ պրոդուկտի գինը մատչելի է: Կամավոր բժշկական ապահովագրության շրջանակներում մեր ամենասահմանափակ փաթեթը` <Նվազագույնը> ներառում է մի փոքր ավելի լայն ծառայություններ, սակայն ավելի քանկ է, քան բյուջետայինների համար նախատեսված <Բազային> փաթեթը:
Ի՞նչ ծրագրեր է ձեր ընկերությունը մշակել բյուջետային աշխատողների համար:
ՌՈՍԳՈՍՍՏՐԱԽ ԱՐՄԵՆԻԱ-ն ի լրացումն <Բազային> փաթեթի, բյուջետային աշխատողների ու նրանց ընտանիքների համար մշակել է 5 ծրագիր: Առաջին ծրագիրը <Բազային> ծառայություններից բացի ներառում է ախտորոշում, իսկ <Ամբուլատորիա> ծրագրով տրամադրվում են ամբուլատոր ծառայություններ:
Ո՞ւնի արդյոք ընկերությունը ստոմատոլոգիական բաղադրիչով ծրագրեր…
Այո, ընկերությունը մշակել է երկու այդպիսի ծրագիր` <Ստոմատոլոգիա> և <Սուպեր-ստոմատոլոգիա>: Այս երկու ծրագրերը տարբերվում են ապահովագրական ծածկույթի ծավալներով, ինչպես նաև գներով, որոնք համապատասխանաբար կազմում են` 50 հազ. և 80 հազ.դրամ:
Իսկ վերջին` փաթեթը ներառում է համալիր բժշկական ծառայություններ: Նշեմ նաև, որ բյուջետայինների համար մեր ընկերությունը նախատեսել է զեղչերի ճկուն համակարգ: Այսպես, սոցիալական փաթեթի շրջանակներում հատկացված 132 հազ.դրամով բյուջետային աշխատողը կարող է ձեռք բերել իր և ընտանիքի 2 անդամի համար բազային փաթեթ: Իսկ ընտանիքի յուրաքանչյուր հաջորդ անդամի համար բժշկական ապահովագրությունը ստիպված կլինի ձեռք բերել արդեն սեփական միջոցներով, սակայն, այս դեպքում մեր բազային փաթեթը կարժենա ընդամենը 40 հազ.դրամ: Զեղչերը գործում են նաև լրացուցիչ ծրագրերի ձեռքբերման ժամանակ` ինչպես մեծահասակների, այնպես էլ փոքրերի համար:
Շատ ապահովագրողներ դժգոհում են, որ բուժհաստատություններում չկա պատշաճ մնեջմենտ և բացակայում է սակագների միասնական համակարգը: Ի՞նչ եք մտածում այս ուղղությամբ: Ե՞րբ և ի՞նչ ձևով այդ պրոբլեմները կգտնեն իրենց լուծումները:
Բուժհաստատությունների հետ լուրջ դժվարություններ մենք չենք ունեցել, քանի որ նրանց հետ աշխատելու մեծ փորձ ունենք: Բազմաթիվ բուժհաստատությունների հետ արդեն լուծել ենք նախկինում եղած պրոբլեմները, և այսօր նրանց մենեջմենտը բավականին արդյունավետ է: Ինչ վերաբերվում է միասնական սակագների բացակայությանը, ապա այստեղ անելիքները շատ են, և աշխատանքներն ընթանում են: Ի դեպ, պետծառայողների սոցիալական փաթեթի շրջանակներում ծառայությունները կտրամադրվեն միասնական սահմանված սակագներով:
Կարո՞ղ է արդյոք պետական ծառայողների <սոցիալական փաթեթ> ծրագիրը, իսկ ավելի ճիշտ` դրա ապահովագրական բաղադրիչը, ճանապահ հարթել դեպի պարտադիր բժշկական ապահովագրություն: Փորձագետները պնդում են, որ Հայաստանում առկա ցածր եկամուտները և բարձր գործազրկությունը խանգարում են երկրում պարտադիր բժշկական ապահովագրության ներդրմանը:
Ես գտնում եմ, որ այս ծրագիրը չնայած փոքր, բայց արդեն լուրջ քայլ է Հայաստանում պարտադիր ապահովագրական ինստիտուտի ներդրման ուղղությամբ: Ծրագիրը թույլ կտա մարդկանց ծանոթացնել բժշկական ապահովագրությանը, զգալ դրա առավելությունները: Ինչ վերաբերվում է պարտադիրի ներդրման ճանապարհին առաջացող պրոբլեմներին, ապա կարծում եմ, որ իրականում այդ պրոբլեմները լուծելի են: Պարտադիր բժշկական ապահովագրության արդյունավետությունն առաջին հերթին կախված կլինի ընտրված մոդելից, և նաև նրանից, թե ինչպիսի ակտիվությամբ այդ ծրագրին կմասնակցի կառավարությունը:
Ձեր ընկերությունը հաշվարկե՞լ է նոր պրոդուկտի եկամտաբերությունը: Եկատաբերությունը, մանավանդ առաջին տարում, մեր համաքաղաքացիների ապահովագրական ցածր մշակույթի հետևանքով, հավանաբար, բավականին բարձր կլինի:
Անգամ առաջին տարում նոր պրոդուկտը չի լինի բարձր եկամտաբեր, քանի որ, առաջին հերթին, Հայաստանում բարձր է հիվանդացումների մակարդակը, և երկրորդ, մարդիկ կսկսեն ակտիվորեն օգտվել բժշկին դիմելու ընձեռված հնարավորությունից: Ինչ վերաբերվում է ապահովագրական մշակույթին, ապա ԱՊՊԱ-ի օրինակով մենք հնարավորություն ունեցանք համոզվելու, որ մեր ժողովուրդն արագ է հարմարվում լավ բաներին:
Ինչո՞ւ պետք է պետական ծառայողն ընտրի <ՌՈՍԳՈՍՍՏՐԱԽ ԱՐՄԵՆԻԱ> ապահովագրական ընկերությանը: Ինչո՞ւմն է ձեր ընկերության առավելությունը:
Առաջինը, ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունը հանդիսանում է Հայաստանի ապահովագրական շուկայի առաջատարը: Բացի այդ, Ռուսաստանում <ՌՈՍԳՈՍՍՏՐԱԽ>-ը բժշկական ապահովագրության գծով տարեկան սպասարկում է 25 մլն.մարդ, և դա, իհարկե, հսկայական փորձ է, որը մեզ համար հասանելի է: Ներկայումս Հայաստանում մենք սպասարկում ենք ավելի քան 10 հազար ապահովագրված անձանց: Ընդ որում, անցյալ տարի հարցումներ կատարեցինք մեր հաճախորդների շրջանում, ինչի արդյունքում պարզվեց, որ հարցվողների 98%-ն իրենց գոհունակությունն արտահայտեցին ՌՈՍԳՈՍՍՏՐԱԽ ԱՐՄԵՆԻԱ ընկերության կողմից մատուցվող ծառայությունների որակի վերաբերյալ: Իմ կարծիքով, սա ամենալուրջ և կարևոր արգումենտն է մեր ընկերության օգտին:
ԱրմԻնֆո
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները