Երկուշաբթի, 19 Մարտի 2012 17:55
Առողջության ապահովագրական դրական կողմերի մասին հարկավոր են կայուն համոզմունքներ
ԱրմԻնֆո: <ՌԵՍՈ> ապահովագրական ընկերության գործադիր տնօրեն Սամվել Գրիգորյանի հարցազրույցը ԱրմԻնֆո լրատվական գործակալությանը
Պրն.Գրիգորյան, բյուջետային աշխատողների սոցիալական փաթեթի ծրագիրը մի փոքր իրարանցում առաջացրեց ապահովագրական ընկերությունների շրջանում: Բոլոր ապահովագրողներն էլ ձգտում են պետծառայողներին առաջարկել ավելի գրավիչ պայմաններ և զեղչեր: Ինչպիսի՞ առաջարկներ է պատրաստել ՌԵՍՈ-ն և ինչո՞ւմ են կայանում դրանց տարբերիչ առավելությունները:
Մինչ մեր կողմից մշակված առաջարկները ներկայացնելը կցանկանայի հիշեցնել, որ պետծառայողների սոցիալական փաթեթի ծրագրով առողջության ապահովագրության բազային փաթեթի արժեքը կազմում է 52 հազ.դրամ: Եվ այդ ծրագրին մասնակցող ոչ մի ընկերություն չի կարող ապագա ապահովադիրներին առաջարկել բազային փաթեթի հետ կապված ինչ-որ արտոնություններ կամ զեղչեր: Սակայն, յուրաքանչյուր ընկերութոյուն, ի լրացումն այդ փաթեթի, առաջարկում է ապահովագրական լրացուցիչ ծածկույթ կամ լրացուցիչ բժշկական ծառայություններ: Ապահովադիրն էլ իր հերթին, ցանկության դեպքում, կարող է օգտվել այդ հնարավորութոյւններից, դրանց դիմաց վճարելով փաթեթի շրջանակներում կառավարության կողմից հատկացված` մնացած 80 հազ.դրամը: Հիշեցնեմ, որ յուրաքանչյուր պետծառայողի կառավարությունը հատկացրել է 132 հազ.դրամի ֆինանսական օգնություն:
Պատասխանելով ՌԵՍՈ-ի առաջարկների վերաբերյալ Ձեր հարցին, տեղեկացնեմ, որ մեր ընկերությունն, ի լրացումն բազային փաթեթի, ունի 6 առաջարկ: Դրանցից` <Իմ բժշկական կենտրոն> ապահովագրական ծածկույթը պետծառայողները որպես բազային փաթեթի լրացում կարող են ձեռք բերել 1 դրամ սիմվոլիկ գումարով: Այդ փաթեթի շրջանակներում պոտենցիալ ապահովադիրները ՌԵՍՈ-ի գործընկեր բուժհաստատություններում կստանան ամբուլատոր հետազոտման հնարավորություն, ընդ որում` ինչպես մայրաքաղաքում, այնպես էլ մարզերում: Նշեմ, որ այդ ծառայությունը բազային փաթեթով չի նախատեսվում:
Բազային փաթեթով չեն նախատեսվում նաև ատամնաբուժական ծառայություններ: Այստեղ նույնպես, մեր ընկերությունը պետծառայողներին առաջարկում է բավականին գրավիչ պայմաններ: Ընդամենը 15 հազ.դրամով պետծառայողը կարող է որպես բազային փաթեթի լրացում ձեռք բերել <Առողջ ատամ> ապահովագրական փաթեթը: Ձեռք բերելով այդ փաթեթն, ապահովադիրն ստանում է անվճար ատամնաբուժական ծառայություններ (ատամի հեռացում, ատամնաքարերի հեռացում), իսկ օրթոպետիկ ծառայությունները մատուցվում են 50% զեղչով: Բացի այդ, ապահովագրողն իրավունք է ստանում նաև անվճար բուժել մեկ հիվանդ ատամ: Կցանկանայի նշել, որ ընկերության կողմից մշակված 6 փաթեթներից յուրաքանչյուրն ունի իր առավելությունները, որոնց հետ պետծառայողները մանրամասն կարող են ծանոթանալ մեր ընկերության պաշտոնական կայքում: Իմ կողմից բոլոր պետծառայողներին խորհուրդ եմ տալիս, մինչև առողջության ապահովագրության պայմանագիրն ստորագրելը մանրամասն ուսումնասիրել բոլոր ապահովագրողների առաջարկները:
Որքա՞ն պայմանագրեր եք կնքել պետծառայողների հետ և քանի՞ հոգի է արդեն օգտվել ընկերության ծառայություններից:
Գործընթացը դեռ շարունակվում է, հետևաբար դժվար է կնքված պայմանագրերի վերաբերյալ նշել կոնկրետ թվեր, միայն կարող եմ տեղեկացնել, որ դրանց թիվն արդեն հասնում է մի-քանի հազարի: Ինչ վերաբերվում է ապահովագրական հատուցումներին, ապա առաջին երկու հատուցման մասին մենք տեղեկացրել ենք դեռ մեկ շաբաթ առաջ: Ներկայումս մեր կողմից վճարված հատուցումներով կատարվել է 5 վիրահատություն: Իսկ հատուցումներ ստանալու նպատակով հայտերի ներկայացման գործընթացը շարունակվում է և առաջիկա օրերին նախատեսված է ևս մի քանի վիրահատություն:
Ինչպե՞ս իրեն պահեց բուժանձնակազմը: Նրանց կողմից եղա՞ն խախտումներ:
Որպես գործընկերներ մենք ընտրել ենք այնպիսի բուժհաստատությունների, որոնք ամբողջովին պատրաստ էին որակյալ ծառայությունների մատուցմանը: Բացի այդ, մեր մասնագետներն ապահովադիրների հետ մշտական կապ են պահպանում, ինչը նույնպես թույլ է տալիս հետևել բուժհաստատության աշխատանքներին: Մինչ օրս մատուցված բժշկական ծառայությունների վերաբերյալ մեր ապահովադիրներն արտահայտել են միայն բավարարվածություն, վստահ եմ, որ այդպես էլ կշարունակվի:
Ձեր գնահատականներով, պատծառայողների սոցիալական փաթեթի ծրագիրն ի՞նչ կտա բժշկական ապահովագրության շուկային:
Պետական ծառայողներին հատկացված փաթեթը, իսկ ավելի ճիշտ` դրա բժշկական բաղադրիչն իր մեջ ներառում է նաև պարտադիր ապահովագրության տարրեր: Անկասկած, ծրագիրը կունենա շղթայական ռեակցիա, այսինքն, պրոդուկտը կտարածվի որոշակի կատեգորիայի անձանց, իսկ մեր պարագայում` պետծառայողների շրջանում, հասարակության մեջ ստեղծելով նոր կարծրատիպեր: Այդ կարծրատիպերը պետք են լինեն միայն դրական, իսկ այդ ուղղությամբ առաջին հերթին պետք է հոգ տանեն ապահովագրողները, քանի որ հատկապես մեզ է այդ ծրագրում հատկացված գլխավոր դերը: Բացի այդ, ապահովագրական ընկերությունների առջև ծառացել է նաև քաղաքացիների շրջանում ապահովագրական մշակույթի ձևավորման խնդիրը:
Ձեր ընկերությունը երկրի բշկական անհատական ապահովագրության շուկա դուրս եկավ անցյալ տարվա վերջին: Որքա՞ն նոր հաճախորդներ հաջողվեց ներգրավել այս ծրագրի շրջանակներում: Կարելի՞ է արդյոք այն համարել հաջողված:
Առողջության անհատական ապահովագրության RESOMED ծրագիրը մեզ համար մուտք բացեց դեպի հաճախորդների լայն զանգվածները, իսկ շատերը հնարավորություն ունեցան հասկանալու բժշկական ապահովագրության օգտակարությունը: Հետևաբար գտնում եմ, որ ծրագիրը հաջողվեց: Մի քանի հարյուր մարդ անցավ անվճար բուժզննում, իսկ նրանց մոտ մեկ երրորդը, այսինքն` մոտ 150 ապահովադիր, մեզ հետ կնքեց բժշկական ապահովագրության պայմանագրեր, ինչը համարում եմ լավ արդյունք: Ապահովադիրների թիվը դեռևս կարող է լինել ոչ մեծ, բայց կարևորը դա չէ, քանի որ այս կամ այն ծրագրի արդյունավետությունը որոշվում է ոչ այնքան քանակական, որքան որակական ցուցանիշներով: Այսօր մենք ունենք 150 գոհ հաճախորդ, ահա թե որն է մեզ համար գլխավորը: Եվ հատկապես նրանք, կամ ապահովագրության նկատմամբ նրանց ավելի քան դրական վերաբերմունքն է, որ մեզ թույլ է տալիս ընդլայնել հաճախոդների շրջանը, առողջության ապահովագրության դրական կողմերի վերաբերյալ ձևավորելով դրական համոզմունքներ:
Զրույցը վարեց Էլիտա Բաբայանը
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%