Չորեքշաբթի, 18 Ապրիլի 2012 22:05
ՀՀ ԿԲ հերթական անգամ Հայաստանի տնտեսական աճի կանխատեսումը վերանայել է դեպի դանդաղում
Արմինֆո: ՀՀ Կենտրոնական բանկը հերթական անգամ Հայաստանի տնտեսական աճի կանխատեսումը վերանայել է դեպի դանդաղման կողմը: Ինչպես նշվում է ՀՀ ԿԲ 2012 թվականի առաջին եռամսյակի դրամավարկային քաղաքականության ծրագրում, ընթացիկ տարում ակնկալվում է 3.1-4.8% տնտեսական աճ:
Աղբյուրի համաձայն, տնտեսական աճի ցուցանիշը 2.5-5% սահմաներում պահպանելու հավանականությունը փորձագետները առաջին եռամսյակի համար գնահատել են 56.1%, երկրորդ եռամսյակի համար` 51.4%, երրորդ եռամսյակի համար` 43.9%, իսկ չորրորդ եռամսյակի համար`37.2%: Տնտեսական աճի դանդաղման կանխատեսումը հիմնականում պայմանավորված է համաշխարհային պահանջարկի դանդաղ վերականգնումով և տնտեսական իրավիճակի հեռանկարների նկատմամբ տնտեսվարող սուբյեկտների հոռետեսական սպասելիքներով: 2012 թվականին արդյունաբերական հատվածում սպասվում է 5-7% աճ, հիմնականում արտահանման պոտենցիալ ունեցող ենթաոլորտների աճի հաշվին ¥լեռնահումքային արդյունաբերություն, մետալուրգիա, պարենային ապրանքների արտադրություն, էներգետիկա, գրանիլային ոլորտ¤: Ընդ որում, կանխատեսումները վերանայվել են դեպի աճի որոշակի դանդաղման կողմը, որը կապված է համաշխարհային տնտեսության, ինչպես նաև երկրի տնտեսության աճի տեմպերի դանդաղման հետ:
Շինարարության հատվածում ակնկալվում է 3.5-5.5% աճ, ինչը պայմանավորված է էներգետիկ և ագրարային, ինչպես նաև տրանսպորտի և կապի ոլորտներում շինարարության ծավալների աճով: Ընդ որում, 2012 թվականի համար կանխատեսումը վերանայվել է առանց էական փոփոխությունների, ինչը պայմանավորված է 2008-2011 թվականներին շինարարության ծավալների կրկնակի անկումով:
Ծառայությունների ոլորտում 2012 թվականին սպասվող աճը կկազմի 2.5-4.5%, առանց էական փոփոխությունների: Այս կանխատեսումը հիմնված է մասնավոր և պետական ծախսերի սպասվող աճի վրա, որոնք էլ իրենց հերթին կներգործեն ինչպես առևտրի շրջանառության օբյեկտների, այնպես էլ ծառայությունների մատուցման վրա:
Ագրարային հատվածում կանխատեսումը ճշգրտվել է դեպի նվազման կողմը, հիմնականում ոլորտի համեմատաբար բարձր բազայի շնորհիվ, որը 2011-ին ձևավորվել էր սպասվող տեմպերի աճի հաշվին: Այսպես, 2012 թվականին ակնկալվում է գյուղատնտեսության 4-6% աճ, ինչին կնպաստի բուսաբուծության և անասնաբուծության ոլորտների ակնկալվող աճին:
Բազային սցենարով նախատեսված տնտեսական աճի ռիսկերը պայմանավորված են ինչպես ներքին, այնպես էլ արտաքին գործոններով: Ընդ որում, այստեղ գերակշռում են դեպի նվազեցման կողմը ռիսկերը: Դա պայմանավորված է համաշխարհային տնտեսության սպասվածից դանդաղ տեմպերով ընթացող վերականգնումով, ինչպես նաև ներքին պահանջարկի ավելի ցածր աճով: Մասնավորապես, արդյունաբերության հատվածում դեպի նվազում գերակշռող ռիսկերը հիմնականում պայմանավորված կլինեն համաշխարհային տնտեսության վերականգնմանև ներքին պահանջարկի ավելի դանդաղ տեմպերով: Շինարարական հատվածում գերակշռում են դեպի արագացման կողմը ռիսկերը, ինչը պայմանավորված է ճանապարհների և ենթակառույցների շինարարության խոշորամասշտաբ ներդրումային ծրագրերի իրականացման արագությունով: Իսկ ագրարային հատվածում, բնակլիմայական պայմաններից կախվածության մեջ գգտնվելու պատճառով, ռիսկերը հավասարակշռված են: Ըստ ԿԲ դրամավարկային քաղաքականության ծրագրի, համաշխարհային տնտեսոթյան վերականգնման անորոշությունը բացասականորեն կանդրադառնա Հայաստանի տնտեսական զարգացման վրա, մեծացնելով բազային սցենարով նախատեսված` տնտեսական աճի ռիսկերի նվազեցման հավանականությունը:
Ըստ ՀՀ Ազգային վիճակագրական ծառայության տվյալների, 2011 թվականի հունվար-դեկտեմբեր ամիսներին, տնտեսական ակտիվությունը Հայաստանում աճել է 6.1%, իսկ 2010-ի համեմատ` 5.9%, ինչը հիմնականում պայմանավորված է եղել էլեկտրաէներգիայի արտադրության 25.4% աճով, շինարարության ոլորտի` 16.3% և արդյունաբերական հատվածի` 16%, ինչպես նաև սպառողական գների 4.7% աճով: 2011-ի հունվար-դեկտեմբերին, 2010-ի նույն ժամանակահտվածի համեմատ ՀՆԱ բաղադրիչներից ամենամեծ աճը գրանցվել է` էներգետիկ ոլորտում` 14.5%, արդյունաբերական հատվածում` 14.1% և շինարարության ոլորտում` 14.1%, իսկ միայն դեկտեմբերյան աճով առաջատարն են եղել առևտրի ոլորտը` 59%, շինարարության ոլորտը` 23.7% և ծառայությունների ոլորտը` 17.6%: 2011 թվականի հունվար-դեկտեմբեր ամիսներին տարեկան կտրվածքով անկում է գրանցվել միայն շինարարության ոլորտում` 11.5%: յուղատնտեսության համախառն ծավալը կազմել է 825.2 մլրդ.դրամ, հունվար-դեկտեմբերին աճելով 2.3%, արդյունաբերական արտադրության ծավալը 2011-ին կազմել է 992.1 մլրդ.դրամ, գրանցելով 14.1% աճ, էներգետիկ ոլորտում էլեկտրաէներգիայի արտադրությունը կազմել է 7432.7 մլն.կՎտ/ժամ, գրանցելով 14.5% աճ: Ծառայությունների ոլորտում 2011-ին ծավալները կազմել են 872.4 մլրդ.դրամ, գրանցելով 6.1% տարեկան աճ: Առևտրի ոլորտում նշված ժամանակահատվածում տարեկան կտրվածքով գրանցվել է 3.5% աճ, մինչև 2 տրլն.դրան, հունվար-դեկտեմբերին գրանցելով 6.7% աճ, իսկ շինարարության հատվածում 2011-ին ծավալները կազմել են 480.8 մլրդ.դրամ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները