Երեքշաբթի, 17 Ապրիլի 2012 16:18

Առէկսիմբանկ Գազպրոմբանկի Խումբն ընդլայնում է բանկոմատների և POS- թերմինալների ցանցը

ԱրմԻնֆո. Առէկսիմբանկ Գազպրոմբանկի Խումբը նախատեսում է զգալիորեն ընդլայնել իր բանկոմատների և POS-թերմինալների ցանցը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, այս տարի բանկոմատների թիվը կավելանա 25-ով, մինչև 83, իսկ POS-թերմինալների թիվը` 100-ով, մինչև 300:

ՙԲանկոմատների և POS-թերմինալների ցանցի ընդլայնման մասին որոշումը կապված է երկրում քարտային բիզնեսը զարգացնելու բանկի մեծ պլանների, ինչպես նաև 2012 թվականին բանկային նոր ծառայությունների ներդրման հետ՚,-տեղեկացրել է ՙԱռէկսիմբանկ Գազպրոմբանկի Խումբ՚ ՓԲԸ գլխավոր տնօրեն Ռուբեն Խաչատրյանը: Նա վստահություն է հայտնել, որ առաջիկա տարիներին անկանխիկ վճարումների ծառայություններն արագորեն կզարգանան. ՙԱրդեն ներկա պահին Հայաստանի պլաստիկ քարտերի շուկան բանկերի միջև մեծ մրցակցության շնորհիվ գտնվում է բուռն զարգացման փուլում: Դա հաստատվում է ինչպես թողարկված քարտերի ու տրանսակցիաների թվի կտրուկ աճով, ինչպես նաև Հայաստանի բանկերի կողմից քարտային նոր ծրագրերի ներդրումով՚,-նշել է Ռ.Խաչատրյանը, հաստատելով փորձագետների կանխատեսումներն այն մասին, որ 2012 թվականին կշարունակվեն բանկերի կողմից քարտերի թողարկման և սպասարկման դիմաց գանձվող կոմիսիոն վճարների նվազման միտումները:

Ըստ ԱրմԻնֆո գործակալության կողմից կազմված`ՙՀայաստանի բանկերը քարտային բիզնեսում՚ Տեղեկագրի, 2011 թվականի 3-րդ եռամսյակի ավարտին ՙԱռէկսիմբանկ Գազպրոմբանկի Խումբ՚ ՓԲԸ ակտիվ քարտերի քանակը կազմել է 25805 քարտ, գրանցելով տարեկան 32.7% աճ, իսկ տրանսակցիաների ծավալները կազմել են 23.3 մլրդ. դրամ, գրանցելով 24% տարեկան աճ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Առէկսիմբանկ Գազպրոմբանկի Խումբն ընդլայնում է բանկոմատների և POS- թերմինալների ցանցը