Հինգշաբթի, 26 Ապրիլի 2012 16:16
Նուր Բակբերգենով. Մենք ակնկալում ենք տնտեսոթյան ընդհանուր իրավիճակի բարելավում, ինչպես նաև սպառողական բարձր ակտիվություն
ԱրմԻնֆո: ԲՏԱ Բանկի գործադիր տնօրեն-Վարչության նախագահ Նուր Բակբերգենովի հարցազրույցը ԱրմԻնֆո լրատվական գործակալությանը
Դատելով ԲՏԱ Բանկի ֆինանսական հաշվետվություններից, 2011 թվականին ՓՄՁ վարկավորումը կրկնապատկվել է: Հետաքրքիր է իմանալ, թե ինչո՞վ է պայմանավորված նման մոտեցումը: Հավանաբար բանկն 2012 թվականի համար արդեն սահմանել է իր առաջնահերթությունները:
Ինչպես և նախորդ, այս տարի նույնպես կշարունակենք ՓՄՁ վարկավորումը, ինչպես նաև ֆիզիկական անձանց սպասարկումը: Կուզենայի նշել, որ փոքր ձեռնարկությունները հանդիսանում են տնտեսության անբաժանելի մասը, կատարելով կարևորագույն սոցիալ-տնտեսական ֆունկցիաներ, մասնավորապես, թույլ են տալիս ապահովելու զբաղվածությունը, աջակցում երկրի ներդրումային ակտիվությանը, ձևավորելով կոնկրետ միջավայր:
Մենք հույս ունենք, որ ինչպես տնտեսական իրավիճակը, այնպես էլ սպառողական բարձր ակտիվությունը կբարելավվի, ինչը, համապատասխանաբար, ՓՄՁ պրոդուկտների նկատմամբ կձևավորի պահանջարկ:
Բանկի ժամկետանց վարկերի մակարդակը հասավ 12%-ի, որտեղ առյուծի բաժինը կազմում էին անհույս վարկերը, 2011 թվականին կազմելով 7%: Դրա հետ մեկտեղ, վերահսկվող, ոչ ստանդարտ և կասկածելի վարկերն ընթացիկ տարում էապես կրճատվեցին, այսինքն բանկը գնաց վատ վարկերի դուրսգրնման ճանապարհով: Ներկայումս ինչպիսի՞ քայլեր է ձեռնարկում բանկը վարկային պորտֆելի որակի բարելավման ուղղությամբ:
Ողջ աշխարհում գոյություն ունի բացասական վարկերի դուրսգրման փորձը: Դա նպաստում է վարկային պորտֆելի որակի բարձրացմանը, ինչպես վարկային պարտքերի վերակառուցման, այնպես էլ կոլեկտորային կազմակերպությունների հետ ավելի սեղմ համագործակցության միջոցով:
2011 թվականից բանկը զրոյացրեց շինարարական հատվածին ուղղված վարկային ներդրումները և, դատելով տարեկան հաշվետվությունից, չի էլ պատրաստվում վերականգնել այդ հատվածի վարկավորորումը: Ինչո՞վ է պայմանավորված նման քաղաքականությունը, և ե՞րբ այն կվերանայվի:
2011 թվականին բանկը վերանայեց իր վարկային ռազմավարությունը, առավելագույն կերպով դիվերսիֆիկացնելով վարկային պորտֆելը: Արդյունքում որոշում ընդունվեց ժամանակավորապես դադարեցնել այդ հատվածի ֆինանսավորումը: Մենք որոշեցինք ակտիվությունը բարձրացնել ՓՄՁ վարկավորման հատվածում, հատկապես տրասպորտի և կապի, առևտրի, հասարակական սննդի և ծառայութոյւնների ոլորտներում: Դրա շնորհիվ, 2011 թվականին բանկը վարկային պորտֆելը մեծացրեց 13.2%, իսկ միայն 4-րդ եռամսյակում` 11.8%, մինչև 4.8 մլրդ.դրամ (12.6 մլն. դոլար), կան ակտիվների գրեթե 52%-ը:
Բանկը կրճատում է նաև սպառողական վարկավորման պորտֆելը, սակայն դրանց բաժինը պորտֆելում դեռևս այդքան զգալի է` 50%, ու հատկապես այնտեղ է կենտրոնացված անհույս վարկերի ավելի քան 30%-ը: Սպառողական վարկավորման ինչպիսի՞ տեսակներն են այսօր ոչեկամտաբեր և ինչո՞վ է դա պայմանավորված:
Եթե ելնենք մեր ունեցած փորձից, ապա ներկայումս մենք կողմ ենք նվազագույն ռիսկերով արդյունավետ կառավարման ռազմավարության: Սպառողական վարկավորման շուկայում տիրող չափից ավելի ագրեսիվ քաղաքականությունն ունի նաև իր բացասական տնտեսական բաղադրիչը, քանի որ կուտակվում են ռիսկեր, որոնց կառավարումը կամ նվազեցումը հաճախ անհնար է լինում, իսկ նման քաղաքականության շրջանակներում վարկերը տրամադրվում են մարդկանց, որոնք վարկի վերադարձի աղբյուրներ չունեն: Հարկավոր է մտածել, որպեսզի վարկավորմանը ներգրավել բնակչության այն հատվածին, որն իրականում, ռիսկի խելամտության շրջանակներում, ի վիճակի է սպասարկել այդ վարկը:
Հիմնական ցուցանիշների ինչպիսի՞ աճ է նախատեսված բանկի 2012 թվականի ռազմավարական զարգացման ծրագրով: Նախատեսվո՞ւմ է արդյոք մասնաճյուղերի ցանցի ընդլայնում: Ինչո՞ւմ եք Դուք տեսնում ԲՏԱ Բանկի մրցակցային առավելությունները հայկական շուկայում, և բանկի զարգացման ինչպիսի՞ առաջնահերթություններ են նախատեսված:
Մասնաճյուղերի գործող ցանցում մենք մեր ուշադրությունը կենտրոնացնում ենք պրոցեդուրային աշխատանքների և հաճախորդների սպասարկման արագության, այլ ոչ թե ընդլայնման վրա: Մենք նախատեսում ենք բանկի վարկային պորտֆելի`դեպի ՓՄՁ և մանրածախի կողմը փոփոխություն, փոփոխութոյւներ ենք նախատեսում որոշումներ ընդունելու առումով, մեր ուժերը կենտրոնացնելով փոքր ու միջին բիզնեսի և ֆիզիկական անձանց սպասարկման վրա: 2011 թվականին վարկային պորտֆելի հիմնական աճն ապահովվեց հատկապես այդ ոլորտների վարկավորման հաշվին: 2012 թվականին նախատեսում ենք մի քանի անգամ մեծացնել բիզնես-վարկավորման պորտֆելը:
Համաշխարհային տնտեսական հանրությունը հաճախ է սկսել խոսել ճգնաժամի երկրորդ ալիքի սպառնալիքի մասին, որը, նրանց կարծիքով, կհարվածի ավելի հիվանդագին: Ինչպիսի՞ քայլեր է բանկը ձեռնարկում այդ սպառնալիքներին դիմակայելու ուղղությամբ:
Հայստանի բանկային համակարգը բարձր իրացվելիության և Կենտրոնական բանկի հավասարակշռված քաղաքականության շնորհիվ քիչ թե շատ պատրաստ էր ճգնաժամին: Հենվելով նախորդ տարիների փորձի վրա, ունենալով նաև պետական ծրագրերի աջակցությունը, բանկերը կլինեն պաշտպանված գոտում: Մենք սովորել ենք աշխատել նման ռեժիմով, հետևաբար, ներկայումս ոչ մի ճգնաժամից էլ մեզ համար վտանգավոր չի:
Շնորհակալություն հարցազրույցի համար
Էլիտա Բաբայան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները