Երեքշաբթի, 29 Մայիսի 2012 17:29

Տեսաբան. Մինչև հուլիս ՀՀ դրամի փոխարժեքի վրա արտաքին գործոնների ազդեցությունը կսկսի դանդաղել

ԱրմԻնֆո. Մինչև հուլիս ՀՀ դրամի փոխարժեքի վրա արտաքին գործոնների ազդեցությունը կսկսի դանդաղել: Այսօր Երևանում կայացած մամուլի ասուլիսում նման կարծիք է արտահայտել տնտեսական գիտությունների թեկնածու, ԵՊՀ ֆինանսական հաշվարկների ամբիոնի ղեկավար, դոցենտ Հայկ Մնացականյանը: Նա ճշգրտել է, որ մինչև հուլիս նավթի միջազգային գները կսկսեն բարձրանալ: Իր գնահատականները փորձագետը հիմնավորել է նավթի ֆյուչերսների սակարկությունների ծավալների աճի վրա:

Վերջին օրերին ՀՀ դրամի նկատմամբ ԱՄՆ դոլարի կտրուկ աճը փորձագետը բացատրել է նաև ներքին գործոնների ազդեցությամբ: Դրանց շարքում նա նշել է սեզոնային գործոնը, երբ հանգստի նպատակով քաղաքացիները մեկնում են արտասահման, բարձրացնելով պահանջարկը դոլարի նկատմամբ: Հ.Մնացականյանը նկատել է, որ դրամի թույլ դեվալվացիան խթանում է ներքին արտադրանքների արտահանումը, դրանով իսկ բարձրացնելով դրանց մրցունակությունն արտաքին շուկայում:

Անդրադառնալով ինֆլյացիային, փորձագետը վստահություն է հայտնել, որ տարվա ընթացքում ինֆլյացիան կպահպանվի Կենտրոնական բանկի նպատակային մակարդակի վրա, որը կազմում է`4+/-1.5%:

Նա նկատել է, որ դոլարով խնայողություններ ունեցողները փոխարժեքի տատանումների արդյունքում կշահեն, իսկ ՀՀ դրամով ավանդներ ունեցողներին փորձագետը խորհուրդ է տվել այսօրվանից իրենց գումարները ներդնեն երկրի իրական տնտեսության մեջ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Տեսաբան. Մինչև հուլիս ՀՀ դրամի փոխարժեքի վրա արտաքին գործոնների ազդեցությունը կսկսի դանդաղել