Ուրբաթ, 8 Հունիսի 2012 21:43
Փորձագետներ. Դրամի հետագա արժեզրկումը անխուսափելի է
ԱրմԻնֆո. Փորձագետների գնահատականների համաձայն, դրամի նկատմամբ դոլարի փոխարժեքը կշարունակի աճել, և առաջիկա ամիսներին կհասնի 430 դրամի` ներկայիս 413.24 դրամ պաշտոնական փոխարժեքի փոխարեն, 2013 թվականի վերջին դոլարի փոխարժեքը դրամի նկատմամբ կհասնի 509.2 նշագծին, իսկ 2014 թվականի վերջին` 531.8-ի: Այդ մասին հունիսի 8-ի մամուլի ասուլիսում հայտարարել է Հայաստանի գործատուների հանրապետական միության նախագահ ագիկ Մակարյանը:
Նա կարծում է, որ միապաղաղ աճի այդ միտումը կարող է ժամանակավորապես կասեցվել ներքաղաքական կամ տնտեսական հանգամանքների բերումով: ՙՀայաստանի տնտեսությունը պատրաստ չէ աշխատել դոլարի ցածր փոխարժեքի պայմաններում, ինչն առնչվում է ինչպես շուկայական գործոններին, այնպես էլ որոշ ներմուծողների շահերին՚, - նշել է Մակարյանը:
Մամուլի ասուլիսին մանսակցող ՀԱԿ ներկայացուցիչ, Երևանի նախկին քաղաքապետ, տնտեսագետ Վահագն Խաչատրյանը համաձայնել է այն կարծիքին, որ Հայաստանում պետք է տեղի ունենա դրամի արժեզրկում` մի քանի պատճառներով: Նախ, կարճ ժամանակահատվածում 350 մլն դոլարով կրճատվել են ՀՀ ԿԲ պահուստները: Երկրորդ, նախատեսվածի համեմատությամբ փոքր են արտահանումից արտարժույթի հոսքի ծավալները, օրինակ, համաշխարհային շուկաներում գունավոր մետաղների գների նվազման պատճառով: Այդ գործոնների բացասական ազդեցությունը կարող էր փոխհատուցվել մասնավոր փոխանցումների հոսքի ավելացմամբ, որոնք հունվար-ապրիլ ամիսներին նախորդ տարվա նույն ժամանակահատվածի համեմատությամբ 20 տոկոսով ավելացել են, սակայն, քանի որ փոխանցումների առյուծի բաժինը ստացվում է նավթի համաշխարհային գներից կախված Ռուսաստանից, և դրա գինն առաջիկա ամիսներին կնվազի, փոխանցումների հոսքը կկրճատվի:
Խաչատրյանի կարծիքով, արժութային ռեսուրսների դեֆիցիտը երկրում կմեծացնի նաև 2013-2014 թթ. արտաքին պարտքի սպասարկման գծով 600 մլն դոլարի վճարման անհրաժեշտությունը (Մակարյանի տվյալներով), ինչպես նաև արտաքին դոնորների կողմից վարկավորման ուշացումը:
ՀԱԿ ներկայացուցչի տվյալներով, կանխիկ փողերի ծավալը հունիսի սկզբին կազմել է 399 մլրդ դրամ, և այդպիսի գումար սովորաբար շրջանառության մեջ է լինում նախաամանորյա շրջանում: Շրջանառության մեջ եղած կանխիկ դրամի հունիսյան ցուցանիշը Խաչատրյանը պայմանավորել է նախընտրական կաշառքներով, որոնց ծավալը, նրա տվյալներով, կազմել է 120-130 մլն դոլար: Կանխիկ դրամի նման հոսքը սպառողական շուկա, ինչպես կարծում է Խաչատրյանը, պետք է հրահրեր էական գնաճ, սակայն դա տեղի չունեցավ, քանի որ Հայաստանում շուկայական մեխանիզմները չեն աշխատում: Բացի այդ, ինֆլյացիոն սպասումների բացակայության պայմաններում ԿԲ պետք է իջեցներ վերաֆինանսավորման տոկոսադրույքը (8 տոկոս – խմբ.)` տնտեսությունն աշխուժացնելու նպատակով, սակայն դա նույնպես տեղի չունեցավ:
ՀԱԿ ներկայացուցիչը համոզված է, որ սպառողական գները կսկսեն աճել, և դա տեղի կունենա հունիսի 20-ից հետո, երբ Հայաստանի կառավարությունը ձևավորվի:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%